| e-texts navigator |
| Wylie |
81b1 འབད་པ་ཡིས་ནི་འདི་ལྟར་འོས། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོར་བསམ་གཏན་ཆེན་པོའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་ནམ་མཁའི་ཁམས་ཐམས་ཅད་ཡེ་ཤེས
81b2 ཀྱི་སྣང་བས་ཡང་དག་པར་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དམ་ཚིག་ཆེན་པོའི་དེ་ཁོ་ན་ཉིད་སྐྱེད་པར་བྱེད་པའི་སྔགས་འདི་གསུངས་པ། ཨོཾ་སརྦ་ཏ་ཐཱ་ག་ཏ་ཛྭཱ་ནོད་བྷཱ་བཱ་ཡ་སྭཱ་ཧཱ། སྔགས་འདི་གསུངས་མ་ཐག་ཏུ
81b3 སངས་རྒྱས་ཀྱི་ཞིང་གྲངས་མེད་པ་བརྗོད་དུ་མེད་པའི་ཡང་བརྗོད་དུ་མེད་པ་བརྒྱ་སྟོང་ཕྲག་གཡོས་ཤིང་རབ་ཏུ་གཡོས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་ཀུན་ནས་ཀུན་ཏུ་སྣང་བའི་དམ་ཚིག་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་འདི་ལ
81b4 སྙོམས་པར་ཞུགས་ཏེ་སྔགས་འདི་གསུངས་སོ། །ོཾ་ས~ཾ་གྲ་ཧ་ཛྙཱ་ནོད་བྷཱ་བཱ་ཡ་སྭཱ་ཧཱ། དེ་ཁོ་ན་ཉིད་ཀྱི་སྙིང་པོ་ཆེན་པོ་འདི་གསུངས་མ་ཐག་ཏུ། དེ་ནས་གང་ནམ་མཁའི་ཁམས་ཐམས་ཅད་འོད་ཟེར་འབར་བ་ཆེན་པོས་ཀུན་དུ་སྣང་ཞིང་ཡང་དག་པར་མཐོང་བར་གྱུར
81b5 ཏོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་རང་བཞིན་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་གསུངས་སོ། །ོཾ་དྷརྨ་ཛྙཱ་ནོད་བྷཱ་བཱ་ཡ་སྭཱ་ཧཱ། བཅོམ་ལྡན་འདས་ཀྱིས་འདི་གསུངས་མ་ཐག་ཏུ། སངས་རྒྱས
81b6 ཀྱི་ཞིང་གི་མཐར་ཐུག་པར་ཡེ་ཤེས་ཀྱི་རྗེས་སུ་མཐུན་པས་ཀུན་དུ་སྣང་བར་གྱུར་ཏོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་རང་བཞིན་གྱིས་དཔལ་ཀུན་འབྱུང་བ་ཡང་དག་བར་འབྱུང་བ་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས
81b7 ནས་སྔགས་འདི་གསུངས་སོ། །ོཾ་ཀཱ་མ་ཛྙཱ་ནོད་བྷཱ་བཱ་ཡ་སྭཱ་ཧཱ། དེ་བཞིན་ཉིད་དུ་ཀུན་ཤེས་ཕྱིར། །དེ་ཉིད་དུ་ནི་སྦྱར་བར་བྱ། །རང་གི་གཟུགས་ཀྱིས་བཞག་ནས་ནི། །དེ་ཀུན་དེ་ལ་བསྒོམ་པར་བྱ། །བསྐྱེད་པ་ལ་སོགས་ཀུན་འབྱུང་བ། །རང་གི་སྔགས་ཉིད་ཀྱིས
iiif viewer powered by OpenSeadragon
