| e-texts navigator |
| Wylie |
81a1 དམར་པོས་གང་། །ནུབ་ཕྱོགས་སུ་ནི་བསྒོམ་པར་བྱ། །འོད་ཟེར་འབར་བས་རྣམ་བརྒྱན་པའི། །འདོད་པའི་རྡོ་རྗེ་ཡང་དག་བསྐྱེད། །གསེར་དག་གི་ནི་ཡེ་ཤེས་རྫོགས། །བྱང་དུ་ཡང་ནི་བསྒོམ་པར་བྱ། །གྲཝ་རུ་ལྷ་མོ་རི་དབང་ཕྱུག་།
81a2 ཇི་ལྟའི་གནས་སུ་རྣམ་བསམ་བྱ། །བུད་མེད་མཚན་ཉིད་ཡོངས་རྫོགས་པ། །མི་མོའི་རྒྱན་གྱིས་བརྒྱན་གྱུར་པ། །ཆགས་དང་ཆགས་བྲལ་སྐད་ཅིག་མ། །སྔགས་པས་ཡིད་འོང་བསྒོམ་པར་བྱ། །སྒོ་ཡི་ཕྱོགས་རྣམས་ཐམས་ཅད་དུ། །རིག་མ་གཞན
81a3 གྱིས་མི་ཐུབ་མ། །གཡས་བརྐྱང་ཞབས་ཀྱིས་མནན་པ་ཡི། །འཇིག་རྟེན་གསུམ་འཇིགས་འཕྲོག་པ་མོ། །དེ་རྣམས་ཐམས་ཅད་རང་གཟུགས་སུ། །རྡོ་རྗེ་སེམས་དཔའ་རྣམ་བསྒོམ་བྱ། །སངས་རྒྱས་སློབ་དཔོན་དེ་རྟག་ཏུ། །འདོད་ཡོན་ལྔ་ཡི་མཆོག
81a4 རྣམས་ཀྱིས། །འབུལ་བར་བྱེད་པ་རྟག་ཏུ་བྱ། །དེ་ལྟས་དགྱེས་འགྱུར་གཞན་དུ་མིན། །རང་གི་ཁུ་བ་ཡང་དག་བསྐྱེད། །མཆོད་པ་བསྐྱེད་པར་བཤད་པ་ཡིན། །གཟུགས་བརྙན་དེས་ནི་ནམ་མཁའི་དབྱིངས། །ཡོངས་སུ་གང་བར་རྣམ་བསྒོམ་བྱ། །
81a5 དཔག་བསམ་ལྗོན་ཤིང་རིན་ཆེན་ཆེ། །ཡིད་བཞིན་ནོར་བུ་ཤིན་ཏུ་མཛེས། །རིགས་ཀྱི་དབྱེ་བ་ཤེས་པ་ཡིས། །དེ་རྣམས་ཁ་དོག་རྣམ་བསྒོམ་བྱ། །ཇི་སྐད་གསུངས་པའི་གཟུགས་དེས་ནི། །དབང་བསྐུར་བ་ནི་གཟུང་བར་བྱ། །ཆོ་ག་ཤེས་པས་དེ་ཡི་ཚེ། །
81a6 བྱ་བ་བུམ་པ་བསམ་པར་བྱ། །སངས་རྒྱས་གཟུགས་སོགས་ཐམས་ཅད་ཀྱིས། །མཆོད་བཞིན་པར་ནི་རྣམ་པར་བསམ། །ཡང་དག་སྦྱོར་བའི་མཚན་ཉིད་འདིས། །ཤིན་ཏུ་དབང་བསྐུར་མཉམ་པ་ཅན། །སྐྱེ་བ་འདིར་ཉིད་སངས་རྒྱས་ཉིད། །ཐོབ་སྟེ་འདིར
81a7 ནི་ཐེ་ཚོམ་མེད། །རང་སྔགས་ཁྲོ་བོ་མཚུངས་པ་ཡི། །ཕན་པའི་སྦྱིན་པ་སྦྱིན་པར་བྱེད། །དེ་ནི་དུས་ཡུན་མི་རིང་བས། །དངོས་གྲུབ་སྐྱེ་བ་ལྟ་བུར་ཐོབ། །བློ་ལྡན་སངས་རྒྱས་སློབ་དཔོན་གྱིས། རྟག་ཏུ་དེ་ཡི་དམ་ཚིག་ནི། །གང་ཁོ་ན་ཡི་རིགས་འབྱུང་བ། །
iiif viewer powered by OpenSeadragon
