| e-texts navigator |
| Wylie |
80a1 ཅད་དུ་ཡང་དཀྱིལ་འཁོར་དུ། །རྡོ་རྗེའི་སློབ་དཔོན་གྱིས་བསྒོམས་ནས། །འདོད་པའི་སློབ་དཔོན་ཇི་གསུངས་པས། །བྱའོ་དཀྱིལ་འཁོར་གཞན་དུ་མིན། །དེ་ནས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་སྙིང
80a2 པོ་ཀུན་དུ་སྐུལ་བར་བྱེད་པའི་དེ་ཁོ་ན་ཉིད་བྱིན་གྱིས་རློབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གཙུག་ཏོར་ཐམས་ཅད་ཀྱི་སྙིང་པོ་སྐུལ་བ་ཞེས་བྱ་བའི་བསམ་གཏན་གྱི་དཀྱིལ་འཁོར་འདི་གསུངས་སོ། །ཞོ་རུ་བྱས་པ་བསམས་ནས་ནི། །པདྨ་མཛེས
80a3 པ་སོགས་བརྒྱན་པ། །ཤེལ་དེ་ཡི་ནི་དབུས་སུ་ནི། །ཐམས་ཅད་དུ་ནི་རྣམ་བསམ་བྱ། །ལོགས་བཞི་པ་ལ་གྲཝ་བཞི་པ། །སྒོ་བཞི་པར་ནི་རབ་ཏུ་བརྟག་།ཆོས་ཀྱི་དཀྱིལ་འཁོར་རྣམ་པར་ནི། །དེ་ལ་དབུས་སུ་བསྒོམ་པར་བྱ། །སྔགས་པ་ཆོ་ག་ཤེས་པས
80a4 དབུས། །འཁོར་ལོས་སྒྱུར་བ་དགོད་པར་བྱ། །ཆོ་ག་ཤེས་པས་རྣམ་སྣང་མཛད། །ཤར་ཉིད་དུ་ནི་རྣམ་བསྒོམ་བྱ། །ཆོ་ག་ཤེས་པས་བྱང་དུ་ནི། །གྱེན་འཕགས་ཞེས་བྱ་རྣམ་བསྒོམ་བྱ། །ལྷོ་རུ་དཔག་མེད་ཞེས་བྱ་ནི། །བསམ་པ་བརྟན་པས་བསྒོམ་པར་བྱ། །
80a5 ཇི་ལྟར་རིགས་པར་ནུབ་ཏུ་ནི། །གཟི་བརྗིད་ཕུང་པོ་རྣམ་བསྒོམ་བྱ། །བཙུན་མོའི་རྣམ་པ་མཚུངས་པ་ཡི། །ཆོས་ཀྱི་གཟུགས་ནི་ཡང་དག་བསྐྱེད། །མཚན་མ་རྡོ་རྗེ་སོགས་མཚན་ཉིད། །ཆོ་ག་ཡིས་ནི་དེ་རྣམས་སྦྱིན། །རིག་མ་ཆེན་མོ་སྤྱན་ལ་སོགས། །གྲཝ
80a6 རྣམས་ཀུན་ཏུ་བསམ་པར་བྱ། །གཞན་གྱིས་མི་ཐུབ་ཁྲོ་བོ་ཆེ། །སྒོ་དང་སྒོར་ནི་རྣམ་བསྒོམ་བྱ། །རྡོ་རྗེ་སེམས་དཔའ་ཡང་དག་དབྱུང་། །དེ་ཁོ་ཉིད་གང་སྦྱར་བར་བྱ། །ཡེ་ཤེས་སྦྱོར་བས་ཐམས་ཅད་ལ། །འདོད་ཡོན་ལྔ་ཡིས་མཆོད་པར་བྱ། །ཁུ་བ་དེ་ལ་ཡང
80a7 དག་བསྐྱེད། །མཆོད་པར་བྱེད་པ་བསྐྱེད་པར་བཤད། །མཁའ་ཁམས་གཙུག་ཏོར་ཐམས་ཅད་ཀྱིས། །ཡོངས་སུ་གང་བར་རྣམ་བསྒོམ་བྱ། །གཙུག་ཏོར་གྱི་སྙིང་པོ་ཀུན་དུ་སྐུལ་བར་བྱེད་པའི་དཀྱིལ་འཁོར་རྫོགས་སོ།། །།དེ་ནས་ཕྱག་ན་རྡོ་རྗེས་སླར་ཡང
iiif viewer powered by OpenSeadragon
