| e-texts navigator |
| Wylie |
79a1 སྔགས་པས་ལྷོ་རུ་བརྟག་པ་ནི། །རྡོ་རྗེ་སེམས་དཔའ་དགོད་པར་བྱ། །ནུབ་ཏུ་ཡེ་ཤེས་རྫོགས་བྱང་ཆུབ། །སངས་རྒྱས་སློབ་དཔོན་དགོད་པར་བྱ། །བྱང་དུ་ཐམས་ཅད་ཀུན་སྐྲག་པ། །རྡོ་རྗེ་སེམས་དཔའ་དགོད་པར་བྱ། །དབུས་སུ་ཁམས
79a2 གསུམ་པ་མཉམ་པ། །རྡོ་རྗེ་གཟུགས་སུ་རྣམ་བསྒོམ་བྱ། །དཀར་པོའི་མདོག་ཏུ་རྣམ་བསྒོམས་ནས། །ནག་པོ་དབུས་སུ་བསྒོམ་པར་བྱ། །བཙུན་མོ་རྣམས་ནི་ཁ་ཕྱེ་ནས། །དེ་ཉིད་ལ་ནི་རྡོ་རྗེ་གཞུག་།རྡོ་རྗེ་སེམས་དཔའི་དབང་ཕྱུག་མ། །གནས་བཞི
79a3 རྣམས་སུ་འབད་པས་སོ། །ཇི་ལྟར་རིགས་པར་མདོག་ཀུན་དང་། །སངས་རྒྱས་གཟུགས་སུ་རྣམ་བསྒོམ་བྱ། །ཆོ་ག་ཤེས་པས་ཐམས་ཅད་དུ། །ཁྲོ་བོའི་མཆོག་ནི་རྣམ་པར་བསམ། །སྔགས་པས་འདོད་ཡོན་ལྔ་རྣམས་ཀྱིས། །སྔགས་ཀྱི་མཆོད་པ་ཡང
79a4 དག་བརྩམ། །མཁའ་ཁམས་རྡོ་རྗེ་སེམས་དཔས་ནི། །ཡོངས་སུ་གང་བར་རྣམ་བསྒོམ་བྱ། །རྡོ་རྗེ་ཀུན་གྱི་ཁུ་སོགས་ཀྱིས། །མཆོད་པ་རུ་ནི་རྣམ་བསམ་བྱ། །གདོན་མི་ཟ་བའི་དམ་ཚིག་ཅེས་བྱ་བ་བསམ་གཏན་གྱི་དཀྱིལ་འཁོར་རྫོགས་སོ།། །།
79a5 དེ་ནས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་འབྱུང་བ་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདོད་ཆགས་ཆེན་པོའི་ཆོས་ཞེས་བྱ་བ་དེ་བཞིན་གཤེགས་པའི་དཀྱིལ་འཁོར་འདི་གསུངས་པ། ཆོས
79a6 ཀྱི་དཀྱིལ་འཁོར་ཚུལ་གྱིས་ནི། །ཐམས་ཅད་དེར་ནི་རྣམ་བསམ་བྱ། །ཆོ་ག་ཤེས་པས་ཤར་གྱི་ནི། །ཆོས་འཆང་འབར་བ་དགོད་པར་བྱ། །ལྷོ་རུ་ཡེ་ཤེས་ཆོས་ནི་དེང་། །སྒོམ་པའི་བདག་ཉིད་ཅན་གྱིས་བསྒོམ། །ནུབ་ཏུ་པདྨ་ལོངས་སྤྱོད་པ། །བྱང་དུ་ཆོས
79a7 ཀྱི་དབྱིངས་ལས་སྐྱེས། །ཇི་ལྟར་རིགས་པར་བསྒོམ་བྱས་ནས། །དབུས་སུ་ཆོས་ཀྱི་དབང་ཕྱུག་དགོད། །དཀར་པོའི་མདོག་ཏུ་རྣམ་བསྒོམས་ནས། །དབུས་སུ་དམར་པོ་རྣམ་པར་བསྒོམ། །ཆོ་གས་ཆོས་ཀྱི་དབང་ཕྱུག་མ། །གྲཝ་བཞི་རུ་ནི་བསྒོམ་པར་བྱ། །ཁྲོ
iiif viewer powered by OpenSeadragon
