| e-texts navigator |
| Wylie |
78b1 ཛམ་བུ་ནཱ་ད་ཡང་དག་བྱུང་། །དེ་ལ་དབུས་སུ་བསྒོམ་པར་བྱ། །ཁྲུ་ནི་བཅུ་དྲུག་ཏུ་བྱ་བ། སངས་རྒྱས་སློབ་དཔོན་ཆོ་ག་གནས། ཆོ་ག་ཤེས་པས་གྲཝ་རྣམས་སུ། རྩེ་མོ་ལྔ་པ་རྣམ་བསྒོམ་བྱ། ཇི་ལྟར་རིགས་པའི་གནས་ལྔ་རུ། ཟླ་བ་ཡི་ནི་དཀྱིལ་འཁོར་བརྟག་།
78b2 དཀྱིལ་འཁོར་རྣམས་ནི་སྒོམ་བྱེད་པ། ལག་པ་གཅིག་ཏུ་ཡང་དག་བསྐྱེད། ཇི་ལྟར་རིགས་པར་ཤར་གྱི་ནི། མི་བསྐྱོད་ཡོངས་སུ་བརྟག་པར་བྱ། ཆོ་ག་ཤེས་པས་ལྷོ་ཡི་ནི། དེང་ནི་རིན་ཆེན་དགོད་པར་བྱ། ནུབ་ཀྱི་དཔག་མེད་ཅེས་བརྗོད་པ། བྱང
78b3 དུ་དོན་ཡོད་གྲུབ་པའོ། །ཆོ་ག་ཤེས་པས་སེར་པོའི་མདོག་།དེ་ཉིད་སྒོམ་པས་བསྒོམ་པར་བྱ། དབུས་སུ་ཁྱབ་བདག་རྣམ་སྣང་མཛད། ཡང་དག་བསྐྱེད་ནས་བསྒོམ་པར་བྱ། སློབ་མའི་རྣམ་པར་ཐམས་ཅད་དུ། ཆོ་ག་ཤེས་པས་རྣམ་བསྒོམ་བྱ། རིག་པ
78b4 ཆེན་མོ་སྤྱན་ལ་སོགས། གྲཝ་རྣམས་ཉིད་དུ་རྣམ་བསྒོམ་བྱ། ཆོ་ག་ཤེས་པས་བདུད་རྩི་ཞེས། སྒོ་རྣམས་ཀུན་ཏུ་བསྒོམ་པར་བྱ། དེ་རྣམས་ཁ་དོག་བསྡུས་པ་ཡིས། སོ་སོ་སོ་སོར་རྟོགས་པར་བྱ། དེ་རྣམས་ཀུན་གྱི་གཟུགས་རྣམས་སུ། རྡོ་རྗེ་སེམས་དཔར
78b5 རྣམ་བསྒོམ་བྱ། འོད་ཟེར་ལྔ་པོ་ཡང་དག་བསྐྱེད། འདོད་ཡོན་ལྔ་རྣམས་བསྡུས་པ་ཡིས། ཁྱབ་བདག་ལ་ནི་དབུལ་བར་བྱ། སངས་རྒྱས་སློབ་དཔོན་ཆོ་ག་ལས། མཁའ་ཁམས་སངས་རྒྱས་ཀུན་གྱིས་ནི། ཡོངས་སུ་གང་བར་རྣམ་བསྒོམ་བྱ། །དེས་ནི་ཁུ་བ
78b6 ཐམས་ཅད་ཀྱིས། །མཆོད་པ་སྒོམ་པར་གྲགས་པ་ཡིན། །དམ་ཚིག་ཐམས་ཅད་ཀྱི་དངོས་གྲུབ་ཅེས་བྱ་བ་བསམ་གཏན་གྱི་དཀྱིལ་འཁོར་རྫོགས་སོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་གདོན་མི་ཟ་བའི་དམ་ཚིག་ཅེས་བྱ་བའི་བསམ་གཏན
78b7 གྱི་དཀྱིལ་འཁོར་གསུངས་པ། བློ་ལྡན་སངས་རྒྱས་སློབ་དཔོན་གྱིས། །དེ་བཞིན་ཉིད་དུ་ཐམས་ཅད་བྱ། །ཕྲ་མོའི་དཀྱིལ་འཁོར་ཚུལ་གྱིས་ནི། །ཐམས་ཅད་དེར་ནི་རྣམ་བསྒོམ་བྱ། །ཤར་གྱི་ཆོས་རྣམས་ཀུན་གྱི་མཆོག་།རྡོ་རྗེ་སེམས་དཔའ་དགོད་པར་བྱ། །
iiif viewer powered by OpenSeadragon
