| e-texts navigator |
| Wylie |
78a1 དེ་ཀུན་བསྐུལ་བྱ་བརྟུལ་ཞུགས་ཅན། །ཆོས་ཀྱི་དཀྱིལ་འཁོར་དབུས་སུ་ནི། །རང་གི་སྔགས་ནི་ཡང་དག་བསྐྱེད། །ཅོད་པན་དུ་དེ་རྣམ་བསྒོམས་ནས། །མཆོད་པར་བྱ་ཞིང་བསྒོམ་པར་བྱ། །སངས་རྒྱས་སློབ་དཔོན་བདེ་ལྡན་གང་། །དེ
78a2 ཉིད་རྣལ་འབྱོར་པའི་བདེ་དེ། །ཀུན་དུ་སྐྲག་པ་ཀུན་སྤངས་པའི། །སྔགས་པ་སེང་གེ་བཞིན་དུ་སྤྱོད། །སྐྱེ་བ་འདིར་ཉིད་སངས་རྒྱས་ཉིད། །སྐད་ཅིག་དེ་ལ་ངེས་སྦྱོར་བྱེད། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་དེ་སྐད
78a3 ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་དམ་ཚིག་གི་ལེའུ་སྟེ་བཅུ་པའོ།། །།དེ་ནས་དེ་བཞིན་གཤེགས་པ་ཐམས་ཅད་བསྡུ་བས་བྱོན་ནས། དེ་བཞིན་གཤེགས་པ་ཐམས་ཅད་ཀྱི་སྐུ་དང
78a4 གསུང་དང་ཐུགས་དང་ཡེ་ཤེས་ཀྱི་མཆོད་པའི་སྤྲིན་གྱི་བཀོད་པས། བཅོམ་ལྡན་འདས་ཕྱག་ན་རྡོ་རྗེ་ལ་ཡང་དག་པར་མཆོད་དེ་འདི་སྐད་ཅེས་གསོལ་ཏོ། །དངོས་གྲུབ་ཐམས་ཅད་བྱེད་བསམ་གཏན། །བསམ་གཏན་དཀྱིལ་འཁོར་མཆོག་གྱུར་པ། །དཀྱིལ
78a5 འཁོར་ཆེན་པོ་མཆོག་གྱུར་པ། །དེ་ཉིད་བཅོམ་ལྡན་བཤད་དུ་གསོལ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསོལ་བ་འདེབས་པར་བྱེད་པའི་ཚིག་གསན་ནས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་རྡོ་རྗེ་བྱིན་གྱིས
78a6 རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀུན་དུ་སྤྱོད་པའི་ཕྱིར་དཀྱིལ་འཁོར་ཆེན་པོ་འདི་སྟོན་པར་མཛད་དོ། །དེ་ནས་ཡང་དག་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་ཡེ་ཤེས་ལྟ་བུ་སྟེ། །
78a7 སངས་རྒྱས་བྱང་ཆུབ་རབ་གསལ་བྱེད། །འོ་མ་དང་ཞོར་བསམ་བྱ་ཞིང་། །པདྨ་ཕྲ་མོས་ཉེ་བར་མཛེས། །སྣ་ཚོགས་མེ་ཏོག་ཆུན་པོས་གང་། །རབ་ཏུ་འབད་པས་བསྒོམ་པར་བྱ། །ལོགས་བཞི་པ་དང་ཟུར་བཞི་པར། །མཁས་པས་རབ་ཏུ་བརྟག་པར་གྱིས། །
iiif viewer powered by OpenSeadragon
