| e-texts navigator |
| Wylie |
77a1 བསྐྱེད། རང་གཟུགས་ལ་སོགས་མཚན་ཉིད་ཀྱིས། །སྙིང་གར་བདུད་རྩིར་བརྗོད་པ་ནི། །དེ་ཡི་སྔགས་ནི་ཡང་དག་བརྩམ། །འདི་ཡང་དམ་ཚིག་ཡེ་ཤེས་ཏེ། །ཀུན་ཏུ་དྲི་མ་བསལ་བ་ཉིད། །འདོད་པའི་དངོས་གྲུབ་བརྟན་པ་ནི། །
77a2 བརྟུལ་ཞུགས་བརྩོན་པས་བསྲུང་བར་བྱ། །སངས་རྒྱས་ཐམས་ཅད་རྣམ་བསྒོམས་ནས། །བསྒྲུབ་བྱའི་རྣམ་པར་བསམ་པར་བྱ། །རྡོ་རྗེ་སེམས་དཔའ་ཡང་དག་བསྐྱེད། །སྙིང་པོ་དེ་ལ་བསྒོམ་པར་བྱ། །ཆོ་ག་ཤེས་པས་འདི་རྟག་ཏུ། །དུས་གསུམ་དུ་ཡང
77a3 བསྒོམ་པར་བྱ། །གལ་ཏེ་གཞན་དུ་བཟླས་བྱས་སམ། །བསྒྲུབ་ན་དེ་ནི་མ་ཡིན་ཉིད། །རིག་མ་གཟུགས་དང་གཟུགས་སོགས་ཅན། །འབར་བའི་ཕྲེང་བས་རྒྱན་བྱེད་པ། །སེམས་དཔའ་རིན་ཆེན་ཡང་དག་བསྐྱེད། །དེ་ཡི་ལག་ཏུའང་རྣམ་བསྒོམ་བྱ། །བསྡུས་པ
77a4 ཡིས་ནི་བསྒོམ་བཞིན་དུ། །ཇི་སྲིད་དངོས་གྲུབ་རབ་མཐོང་བྱེད། །གཞན་དུ་གལ་ཏེ་བདག་རྨོངས་ན། །དེ་ཡི་སྦྱིན་པ་དེར་མི་འགྱུར། །ཤིན་ཏུ་རྣམ་བཀྲ་ཤིན་དྲི་མེད། །ཡེ་ཤེས་རིན་ཆེན་ཅོད་པན་དུ། །བཞག་ནས་སྒྲུབ་པ་ཡི་ནི་མཆོག་།ས་སྟེངས་ལྷན་ཅིག
77a5 རྒྱུ་བར་བྱེད། །རྡོར་སེམས་བདག་ཉིད་དངོས་གྲུབ་ང་། །རྡོ་རྗེ་སེམས་དཔས་བྱིན་གྱིས་བརླབས། །རྟག་ཏུ་རྡོ་རྗེ་ཡེ་ཤེས་ཆོས། །གོ་འཕང་དུ་ནི་བསྒྲལ་བར་བགྱི། །ཡེ་ཤེས་རྡོ་རྗེས་དངོས་གྲུབ་ང་། །བདུད་རྩི་ཞེས་སོགས་བྱིན་གྱིས་བརླབས། །ནམ་མཁའ
77a6 མཆོག་ཏུ་ཕྲ་བ་ཡི། །བཟང་པོ་ང་ནི་རྣམ་དཔྱོད་བྱེད། །བཅོམ་ལྡན་འདས་རྡོ་རྗེ་འཆང་ཆེན་པོས་དེ་སྐད་ཅེས་གསུངས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡེ་ཤེས་ཀྱི་གསང
77a7 སྔགས་ཡོངས་སུ་དག་པའི་དེ་ཁོ་ན་ཉིད་བྱིན་གྱིས་རློབ་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བཀའ་སྩལ་ཏོ། །རྡོ་རྗེ་སེམས་དཔའ་སྐྱེ་སྒོམ་པ། །ཐུགས་ཀྱི་རྡོ་རྗེ་ཞེས་རབ་བརྗོད། །སེམས་ལ་དེ་ནི་བསྒོམས་ནས་ནི། །ཡེ་ཤེས་རྡོ་རྗེ་རབ
iiif viewer powered by OpenSeadragon
