| e-texts navigator |
| Wylie |
76a1 མནར་མེད་ལྟ་བུར་འཚེད་པར་འགྱུར། །ཐམས་ཅད་བདག་ཉིད་བཟའ་བར་བྱ། །ཆང་དམ་གཟན་ཡང་རང་གིས་བཏུང་། །སངས་རྒྱས་ཀུན་གྱི་སྦྱིན་པར་འགྱུར། །མྱུར་དུ་འགྲུབ་པར་འགྱུར་བ་ཉིད། །ཤ་ཆེན་རྟག་ཏུ་བཟའ་བར་བྱ། །
76a2 ཏིལ་མར་ཡང་རུང་རང་བཏུང་བྱ། །ཆོ་ག་ཤེས་པས་བཤང་གཅིའང་རུང་། །བཟའ་བའི་བདག་ཉིད་ཅན་གྱིས་བཟའ། །རྨ་ཡི་སྒོ་ལས་བྱུང་བའང་མིན། །སངས་རྒྱས་སོགས་ལ་དབུལ་བར་བྱ། །མེ་ཏོག་དྲི་ཞིམ་སྤྲིན་ཆེན་པོ། །བྱས་ནས་ཐམས་ཅད་དོན
76a3 ཇི་བཞིན། །སྔགས་པས་རྟག་ཏུ་སྨད་པ་ཡིས། །བཏུང་བ་ཉིད་ནི་འབྱུང་བར་བྱ། །འདི་ནི་སངས་རྒྱས་ཐམས་ཅད་ཀྱི། །ཡེ་ཤེས་བློ་ཡིས་དམ་ཚིག་བརྗོད། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེས་སུ་གནང་བར་བྱེད་པས་དེ་སྐད་ཅེས
76a4 གསུངས་སོ། །སྔགས་པས་རྟག་ཏུ་དཀྱིལ་འཁོར་ནི། །བཤང་དང་གཅི་བས་སོ་སོ་རུ། །ཉལ་བར་བྱེད་པ་ལ་སོགས་སམ། །བསམ་པ་ཤིན་ཏུ་སྲ་བརྟན་བྱ། །བཤང་དང་གཅི་བས་བཀང་བ་ཡི། །གྲུ་བཞི་ཀུན་ཏུ་བསྐྱེད་ནས་ནི། །རང་གཟུགས་དེ་ཡི
76a5 དབུས་སུ་ནི། །སྣ་རྩེར་ནས་ཀྱིས་དགང་བར་བྱ། །བཅོམ་ལྡན་སངས་རྒྱས་འབྱུང་བ་ནི། །དེས་ཆགས་བདག་པོ་དཀའ་བ་མིན། །གང་གཞན་གསུམ་པོ་བསྡུས་པ་ཡིས། །འདིར་གཞན་སོ་སོར་གནས་དེ་མིན། །ཆོ་ག་ཤེས་པས་ཕྱིས་འདིར་ནི། །བྱ་སྟེ་གཞན
76a6 རྣམས་དང་སྦྱར་བྱ། །ཡེ་ཤེས་འཁོར་ལོས་བསྐུལ་བ་ཡིས། །དངོས་གྲུབ་ཡངས་པ་དེར་འགྲོ་འགྱུར། །རང་ངམ་གལ་ཏེ་གཞན་ཡང་རུང་། །དེ་ཉིད་སྦྱོར་བར་མི་བྱེད་དོ། །ཇི་སྲིད་ནམ་མཁའ་ཀུན་འབྱུང་བ། །སངས་རྒྱས་ཉིད་ནི་ཐོབ་མི་བྱེད། །ང་ནི
76a7 མནར་མེད་ང་འཇིགས་རུང་། །ང་ནི་སྡུག་བསྔལ་ང་བདེ་བ། །ཞེ་སྡང་ང་ལ་དེ་བཞིན་རྨོངས། །ང་ནི་འདོད་ཆགས་སོ་སོར་གནས། །ཞེས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་དེ་བཞིན་གཤེགས་པ་ཐམས་ཅད་ཀྱི་ཡེ
iiif viewer powered by OpenSeadragon
