| e-texts navigator |
| Wylie |
75a1 ཕྱག་ན་རྡོ་རྗེས་བྱིན་བརླབས་པས། །སྒྲུབ་པོ་རྟག་ཏུ་འགྲུབ་པར་འགྱུར། །རིགས་ཀྱི་བདག་པོ་ལྟར་གྱུར་ནས། །འཇིག་རྟེན་ཁམས་ནི་ཀུན་ཏུ་ཡང་། །བཙུན་མོ་གྲངས་མེད་པོ་ཊི་ཡིས། །དངོས་གྲུབ་རྟོགས་ཕྱིར་རྣམ་པར་སྤྱོད། །
75a2 དེ་ཡི་བྱ་བས་སངས་རྒྱས་ཉིད། །རི་རབ་ཀྱི་ནི་རྡུལ་ཕྲན་གྱི། །ཕྱག་ན་རྡོ་རྗེ་ཀུན་འབྱུང་བ། །སེམས་ཅན་རྣམས་ཀྱི་བྱེད་པ་ཡིན། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་དམ་ཚིག་ཐམས་ཅད་ཀྱི་སྒྲུབ་ཐབས་ཆེན་པོ་གསང
75a3 བའི་མཆོད་པའི་ལེའུ་སྟེ་བརྒྱད་པ་རྫོགས་སོ། ། །།དེ་ནས་དེ་བཞིན་གཤེགས་པ་ཐམས་ཅད་སླར་ཡང་ཡང་དག་འདུས་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་ཐམས
75a4 ཅ་ཨད་ཀྱི་ཡེ་ཤེས་ཁོང་དུ་ཆུད་པ་ཞེས་བྱ་བའི་གསང་སྔགས་ཆེན་པོའི་དམ་ཚིག་སྒྲུབ་པ་པོ་རྣམས་ཀྱིས་སེང་གེ་རྣམ་པར་རོལ་པའི་དམ་ཚིག་གི་ཡེ་ཤེས་བྱེད་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བ་བསྟན
75a5 དུ་གསོལ། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་དེ་བཞིན་གཤེགས་པ་དེ་རྣམས་ཀྱི་ཚིག་ཉེ་བར་གསན་ནས། རྡོ་རྗེ་དེ་རང་གི་སྙིང་གར་བཞག་སྟེ། དེ་བཞིན་གཤེགས་པ་དེ་རྣམས་ལ་གསུང་འདི་སྐད་ཅེས་བཀའ་སྩལ་ཏོ། །
75a6 བཅོམ་ལྡན་འདས་དེ་བཞིན་གཤེགས་པ་རྣམས་རྒྱུ་ཅིའི་ཕྱིར་དེ་སྐད་གསུང་། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གང་ངེས་པར་བསྟན་ནུས་པ་ནི་མེད་དོ། །ཡང་བཅོམ་ལྡན་འདས་དེ་བཞིན་གཤེགས་པ་འདི་ལ་ཡེ་ཤེས་ཀྱི་འོད་ཟེར་ཡང
75a7 རྣམ་པ་སྟོང་དུ་རྣམ་པར་ཞིགས་པར་གྱུར་ཏོ། །གཞན་དུ་ནག་ལ་འགྱུར་ཞེས་སོ། །དེ་བཞིན་དུ་ནི་དེ་ལྟ་བུ་བྱས་ནས་དེ་ཉིད་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་རྣམས་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་དང་སྤྱི་བོར་ཟླ
iiif viewer powered by OpenSeadragon
