| e-texts navigator |
| Wylie |
74a1 ཁྲིམས་དེ་བཞིན་བཟོད། །བརྩོན་འགྲུས་སུ་ཡང་བསྟན་པར་བརྗོད། །འདི་ནི་སྔགས་པ་མཁས་པ་ཡིས། །ཆོ་གས་ལྷག་པར་གནས་པར་བྱ། །རང་གི་སྔགས་ནི་ཡང་དག་བརྗོད། །ཟླ་བ་ལྟ་བུར་སྦྱར་བར་བྱ། །དེར་ནི་རྡོ་རྗེ་ལ་བསྡུས
74a2 པས། །སླར་ཡང་སྔགས་པས་གཞུག་པར་བྱ། །གཞོགས་སུ་རིན་ཆེན་རྣམ་བསྒོམ་པ། །ཟེའུ་འབྲུ་ཉིད་ལ་བྱ་བའོ། །དེ་རྣམས་ཁ་དོག་བསྡུས་པ་ཡིས། །རིགས་ཀྱི་དབྱེ་བ་རྟོགས་པར་བྱ། །རིགས་གསུམ་ལ་ཡང་ཐུན་མོང་དུ། །རྡོ་རྗེ་སེམས་དཔའི
74a3 ཡོན་ཏན་འབྱུང་། །དེ་ཡི་ཡི་གེ་ཡང་དག་བསྐྱེད། །གཞུག་ལ་བསམ་གཏན་ལྷུར་ལེན་པས། །ལས་ཀྱི་དབྱེ་བ་སོགས་རྣམས་ཀྱིས། །བྱ་བའི་མཚན་ཉིད་དེ་རབ་གྲགས། །ཡེ་ཤེས་རིགས་ལ་ཨུཏྤལ་སྔོ། །བསྡུས་པ་ཤེས་པ་ལ་ཡང་གྲགས། །འདོད
74a4 མཆོད་རིགས་ལ་པདྨ་དང་། །ཆོས་ཀྱི་རིགས་ལའང་དགོངས་པ་ཡིན། །ཆོ་ག་ཤེས་པས་ལོ་བཅུ་པའི། །བཙུན་མོ་ཡེ་ཤེས་རིགས་ལ་ཤེས། །བསྡུས་པ་ཞེས་ལ་བརྟག་བྱ་བ། །ཡོན་ཏན་མདངས་ལྡན་བཅུ་གཉིས་ལོ། །སྔགས་པས་རྟག
74a5 ཏུ་ཆོས་ཤེས་པར། །བཅུ་དྲུག་ལོ་མ་ཀུན་ཏུ་བརྩམ། །ཀུན་ཏུ་འདོད་མཆོད་རིགས་ལ་ནི། །ཉི་ཤུའི་ལོ་ཅན་བསྟེན་པར་བྱ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དཀྱིལ་འཁོར་གྱིས་དེ་སྐད་ཅེས་གསུངས་སོ། །ཇི་སྲིད
74a6 ཁུ་བ་ཡང་དག་བསྡུས། །བཅུ་གཉིས་ལོ་དང་ལྡན་པར་བྱ། །མདོར་ན་གང་གང་འདོད་གྱུར་པ། །སྣ་ཚོགས་རྒྱན་དང་ཡང་དག་ལྡན། །མེ་ཏོག་ཆུན་པོ་སོགས་བརྒྱན་པ། །ཇི་ལྟར་རིགས་པར་བྱ་བ་ཡིན། །རྣམ་པར་སྣང་མཛད་སོགས་བྱས་ནས། །དེ་ནས
74a7 མཆོད་པ་ཡང་དག་བརྩམ། །རིགས་ཀྱི་དབྱེ་བས་ལས་རྣམས་ནི། །ཙནྡན་གུར་གུམ་རབ་ཏུ་བརྗོད། །བདེ་བར་བཞུགས་ཤིང་མཛེས་བྱས་པ། །དཀྱིལ་འཁོར་དེ་ཉིད་ཀྱིས་དེ་བྱ། །ཐམས་ཅད་བསྡུས་པ་དེ་བྱ་བ། །ཇི་ལྟར་དབྱེ་བ་མི་ཤེས་ན། །གལ
iiif viewer powered by OpenSeadragon
