| e-texts navigator |
| Wylie |
73b1 བཟང་མོ། །སྔགས་པས་རྟག་ཏུ་བསམ་པར་བྱ། །བཅོམ་ལྡན་འདས་ཀུན་ཏུ་བཟང་པོས་དེ་སྐད་ཅེས་གསུངས་སོ། །མར་སར་ལ་སོགས་ཀུན་སྦྱོར་གྱིས། །ཡིད་དུ་འོང་བ་དེ་བསྒོམ་བྱ། །ཆང་ཉིད་ཡིད་ཀྱིས་སྦྱོར་བྱེད་པ། །གང་དེ་ཉིད་ནི་སྒོམ་བཞིན་དུ། །ཟླ་བའི
73b2 དཀྱིལ་འཁོར་དབུས་སུ་ནི། །རང་གི་སྔགས་ཀྱིས་ཡང་དག་བསྐྱེད། །སྐྲོད་པར་བྱེད་པས་ཆོ་ག་ཀུན། །འདི་ནི་བསྐྱེད་ཅིང་བསྒོམ་པར་བྱ། །ལག་པས་མགྲིན་པ་ལ་སོགས་བཟུང་། །རྐང་པ་དེ་ལ་སྦྱར་བར་བྱ། །མེ་ཏོག་གཉིས་སོགས་མཚན་ཉིད་ཀྱིས། །
73b3 རང་གི་རྡོ་རྗེ་གཞུག་བསམ་བྱ། །ཟླ་བའི་དཀྱིལ་འཁོར་ཡང་དག་སྦྱོར། །ཁུ་བ་དེ་ལ་ལྟུང་བར་བྱ། །བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ། །ནམ་མཁའི་ཁམས་ནི་ཀུན་བཀང་བར། །བྱས་ནས་དེ་ཉིད་ཀྱིས་བསྒོམ་བྱ། །མེ
73b4 ཏོག་བཞི་ལ་སོགས་ཚུལ་གྱིས། །དེ་ལ་མཆོད་པར་བྱེད་ཅེས་དགོངས། །ཉེར་སྤྱོད་ལྔ་ཡི་མཆོད་པ་ཡིས། །མཆོད་བདག་ཀུན་སྦྱོར་ལས་མཆོད་བྱ། །དྲི་གཟུགས་རོ་དང་རེག་བྱ་ནི། །ཐམས་ཅད་དུ་དེ་ཉིད་ཀྱིས་སྦྱིན། །རྡོར་སེམས་རྣམས་ནི
73b5 བློ་ལྡན་གྱིས། །སངས་རྒྱས་ཀུན་གྱིས་བསྐྱེད་པ་དང་། །མཉེས་དང་མཆོད་པར་རབ་ཏུ་བརྗོད། །དགྱེས་པར་ཡང་ནི་བརྗོད་པ་ཡིན། །འདི་ཡིས་གསང་སྔགས་གྲུབ་པ་ནི། །སྒྲུབ་པ་པོ་རྣམས་རྣམ་རྒྱལ་འགྱུར། །གསལ་བྱེད་རྒྱས་པ་སྒྲུབ་དོན་དུ།
73b6 སངས་རྒྱས་ཉིད་སོགས་ཡང་དག་འཐོབ། གལ་ཏེ་ཆོས་ཉིད་མི་འགྱུར་བ། འདི་ནི་སངས་རྒྱས་ཆོས་ཉིད་དོ། །སངས་རྒྱས་ཉིད་སོགས་ཡོངས་གཟུང་བ། གཞན་དུ་ཐོབ་པར་མི་འགྱུར་རོ། །སེམས་ཀྱི་མི་དགེ་བྱ་མིན་ཉིད། སྨད་བའི་ཀུན་སྤྱོད་བྱ
73b7 མིན་ཉིད། འདི་ནི་སངས་རྒྱས་ཐམས་ཅད་ཀྱི། ཆོས་ཉིད་མི་འགྱུར་ཀུན་ལས་བཏུས། །གང་གཞན་བཙུན་མོ་རྣམས་ཉིད་ནི། །འདོད་པ་ཉེ་བར་ལོངས་སྤྱོད་པའོ། །ཉི་མའི་དཀྱིལ་འཁོར་སྦྱོར་བ་ནི། །ཇི་ལྟར་འོས་པར་མཆོད་བྱ་བ། །སྦྱིན་དང་ཚུལ
iiif viewer powered by OpenSeadragon
