| e-texts navigator |
| Wylie |
73a1 བཅོམ་ལྡན་འདས་ཕྱག་ན་རྡོ་རྗེ་བཙུན་མོ་ཐམས་ཅད་ཀྱི་བྷ་ག་རྣམས་སུ་རང་གི་རྡོ་རྗེ་ཡང་དག་པར་སྦྱོར་བའི་རྣམ་པས་ཡང་དག་པར་སྦྱར་ནས། རང་གི་གཟུགས་དེའི་ཚད་དུ་བྱིན་གྱིས་རློབ་པར་བྱེད་པས་བྱིན་གྱིས་བརླབས་ནས། དེ་བཞིན་གཤེགས་པ་ཐམས
73a2 ཅད་ཀྱང་དེའི་ཚེ་ཚད་དེ་ཁོ་ན་བཞིན་དུ་མཁས་པ་རྣམས་ཀྱིས་སྔ་མ་ཇི་ལྟ་བའི་ཕྱག་ན་རྡོ་རྗེ་རིགས་ཐམས་ཅད་དམ་ཚིག་གི་ཡེ་ཤེས་དེ་ཁོ་ན་ཉིད་བྱིན་གྱིས་རློབ་པ་ཞེས་བྱ་བའི་ཡེ་ཤེས་ཆེན་པོའི་དམ་ཚིག་བཀའ་སྩལ་ཏོ། །དཀྱིལ་འཁོར་བཞི་ཡི་ཚུལ་གྱིས་ནི། །དབུས་སུ
73a3 སྔགས་སུ་རྣམ་བསྒོམ་བྱ། །སྙིང་གར་དཀྱིལ་འཁོར་བྱས་ནས་ནི། །རྡོ་རྗེ་སེམས་དཔའ་བསྒོམ་པར་བྱ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེ་བོས་དེ་སྐད་ཅེས་གསུངས་སོ། །དཀྱིལ་འཁོར་བཞི་ཡི་ཚུལ་གྱིས་ནི། །རྣམ་སྣང
73a4 ལ་སོགས་རྣམ་བསྒོམ་པ། །དེ་ཉིད་ཀྱིས་ནི་ཀུན་བསྐྱེད་ནས། །དེ་ཉིད་མཆོད་པར་བྱེད་པར་འགྱུར། །དཀྱིལ་འཁོར་བཞི་ཡི་ཚུལ་གྱིས་ནི། །རྡོ་རྗེ་སེམས་དཔའ་བསམ་པར་བྱ། །སངས་རྒྱས་གཟུགས་ནི་ཡང་དག་བསྐྱེད། །དེ་ཡི་མཆོད་པ་བྱེད་པར
73a5 བཤད། །དཀྱིལ་འཁོར་བཞི་ཡི་ཚུལ་གྱིས་ནི། །རང་རིགས་ལ་སོགས་རྣམ་པར་བསྒོམ། །དབུས་སུ་གཟུགས་ནི་བརྟན་བྱས་ནས། །དེ་ཡི་མཆོད་པ་བྱེད་པར་བཤད། །སྣ་ཚོགས་རྒྱན་གྱིས་བརྒྱན་པ་ཡི། །སྤྱན་ནི་ཡང་དག་བསྐྱེད་ནས
73a6 སུ། །གསལ་བའི་དཀྱིལ་འཁོར་ཚུལ་གྱིས་ནི། །དམངས་རིགས་དཀར་མོ་རྣམ་བསྒོམ་བྱ། །ཀུན་སྦྱོར་ལ་སོགས་མཚན་ཉིད་ཀྱིས། །སྣ་ཚོགས་རྒྱན་དང་ཡང་དག་ལྡན། །ུཏྤལ་སྔོན་པོ་དང་མཚུངས་པའི། མཱ་མ་ཀཱི་ནི་རྟག་བསྒོམ་བྱ། །མེ་ཏོག
73a7 ཆུན་སོགས་ཀྱིས་དོན་བཞིན། །ཇི་ལྟར་རིགས་པར་རྣམ་བརྒྱན་པ། །རིག་མ་ཆེན་མོ་དཀར་མོར་གྲགས། །ཁྲག་དང་མཚུངས་པར་བསམ་པར་བྱ། །ཡིད་ཀྱི་ཀུན་སྦྱོར་ཕུན་ཚོགས་ཀྱིས། །བསྡུས་པ་ཡིས་ནི་རྣམ་པར་བརྒྱན། །ུཏྤལ་ན་མཚུངས་སྐལ
iiif viewer powered by OpenSeadragon
