| e-texts navigator |
| Wylie |
71b1 པར་བཞག་པས་བསྒོམ་པར་བྱ། །སེམས་ནི་སེམས་ཅན་ཐམས་ཅད་ཀྱི། རང་བཞིན་ཕུལ་བྱུང་ཆེན་པོ་སྟེ། །རྣམ་རྟོག་དམ་ཚིག་ལ་གནས་པ། །སྐྱེ་བ་རྣམས་དང་དམན་པར་སྨྲ། །བསོད་ནམས་བསོད་ནམས་ཀྱིས་དེའི་ལུས། །གོས་པའམ་ཡང་ན་དེ་མིན
71b2 ཉིད། །དེ་ལྟར་ཤེས་ནས་ཅི་རིགས་པར། །གཞན་དུ་བསྒོམ་བྱ་མིན་པ་ཉིད། །པདྨ་ཨུཏྤལ་ལ་སོགས་པ། །འདམ་སྐྱེས་ཡང་དག་བྱུང་མ་སྐྱེས། །སེམས་ལ་སོགས་པའི་མཚན་ཉིད་ཀྱང་། །དེ་ཉིད་ལ་ཀུན་ཤེས་པར་བྱ། །བྱང་ཆུབ་སེམས་ནི་བརྟན་པས
71b3 ནས། །སངས་རྒྱས་རྣམས་ཀྱང་ཡོངས་སུ་གཟུང་། །རྡོ་རྗེ་དེ་ཉིད་ལས་སྐྱེས་ཏེ། །གཞན་དུ་འབྱུང་བ་མིན་པ་ཉིད། །སེམས་ཅན་གྱི་ནི་ས་རྣམས་ཀྱིས། །འགྲུབ་པར་འགྱུར་བར་གྲགས་པ་ཡིན། །དེ་བཞིན་གང་འདི་དག་པ་ཆེ། །ཡེ་ཤེས་ལྕགས་ཀྱུའི་ཚུལ་ཆེན་ནོ། །
71b4 བཅོམ་ལྡན་འདས་ཀུན་ཏུ་བཟང་པོ་ཆེན་པོས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་དངོས་གྲུབ་ཐམས་ཅད་ཀྱི་དམ་ཚིག་གི་ཡེ་ཤེས་མཆོག་གི་ལེའུ་སྟེ་དྲུག་པ་རྫོགས་སོ།། །།དེ་ནས་བཅོམ
71b5 ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་དེ་རྣམས་ཐམས་ཅད་ངེས་པར་བྱུང་ནས་ཀྱང་སེམས་དཔའ་ཆེན་པོའི་ཟླ་བའི་དཀྱིལ་འཁོར་བྱིན་གྱིས་བརླབས་པར་ཀུན་ཏུ་གནས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་རྡོ་རྗེ་ཐམས་ཅད་ཀྱི་དམ
71b6 ཚིག་གི་ཡེ་ཤེས་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དང་པོའི་རྣལ་འབྱོར་དམ་ཚིག་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་འདུ་བར་བྱེད་པ་སྐྱེད་པ་དང་བཅས་པའི་གསང་ཆེན་བཀའ་སྩལ་ཏོ། །སངས་རྒྱས་གཟུགས་སུ་ཡང་དག་བསྐྱེད། །
71b7 འོད་ཟེར་སྣ་ཚོགས་མཚུངས་པའི་འོད། །འོད་ཟེར་སྙིང་པོ་སོགས་ཚུལ་གྱིས། །འཁོར་ལོ་དཀར་པོ་དང་མཚུངས་པ། །ཙ་ན་ཀ་ཡི་འབྲུ་ཚད་ཀྱིས། །ཀུན་ནས་ཡོངས་སུ་ཟླུམ་པོ་རུ། །སྔགས་པའི་དཔྲལ་བའི་སྟེང་དུ་ནི། །མཉམ་པར་བཞག་པས་བསྒོམ་པར་བྱ། །
iiif viewer powered by OpenSeadragon
