| e-texts navigator |
| Wylie |
71a1 རིགས་ནི་རྣམ་བསྒོམས་པས། བདེ་ལྡན་དུ་ནི་སྐྱེ་བར་འགྱུར། །ཆོས་ཀྱི་རིགས་སོགས་དབྱེ་བ་ཡིས། །བསྡུས་པ་ཞེས་ནི་གྲགས་པར་འགྱུར། །འདོད་མཆོད་རིགས་ནི་འཇོམས་པ་ཡིས། །ཁམས་གསུམ་པ་ལ་སོགས་པར་འབྱུང་། །
71a2 གནས་མེད་ལུས་དང་བྲལ་བ་ཡི། །ལུས་དང་ལྡན་པས་གནས་པར་འགྱུར། །དེ་ཡི་གདོང་ནི་གཟི་རྒྱས་པར། །ཆོས་རྣམས་ཀུན་ཏུ་སྐྱེ་བར་འགྱུར། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེ་བོས་དེ་སྐད་ཅེས་གསུངས་སོ། །སེམས་ཅན་ཁམས
71a3 ཀྱི་མཐར་ཐུག་པར། །བདག་ནི་རྡོ་རྗེ་ལྟ་བུར་བརྟན། །སྲིད་པ་སྒྲོལ་བར་ཡང་དག་སྦྱོར། སངས་རྒྱས་བཀའ་ཡིས་དགོད་པར་བྱ། ཡེ་ཤེས་དགེ་བ་ཀུན་འབྱུང་བ། །སངས་རྒྱས་ཆོས་ཚུལ་འདི་རྣམས་ཀྱིས། །སེམས་དཔའ་བསྡུས་པ་ཡང་དག་འབྱུང་། །གཞན
71a4 དུ་མཆོད་བྱ་མིན་པ་ཉིད། །ཤེས་རབ་ཕ་རོལ་ཕྱིན་པའི་ཐབས། །ཡེ་ཤེས་ཆེན་པོ་ཀུན་བཏུས་པས། །སེམས་ལ་རྟག་ཏུའང་སྦྱར་བར་བྱ། །ཆོས་བསྡུས་པ་ནི་ཐོབ་པར་འགྱུར། །བྱང་ཆུབ་སེམས་ནི་སེམས་ཆེན་པོ། །རྡོར་སོགས་མཚན་ཉིད་མིན་པ་ཉིད། །དེ
71a5 བཞིན་དུ་ནི་ཡེ་ཤེས་ཀུན། །སྙིང་པོ་ཀུན་ལས་བཏུས་པ་འདི། །ཕ་རོལ་ཕྱིན་པ་བསྡུས་པ་འདིར། །སངས་རྒྱས་རྣམས་ཀྱི་བཙུན་མོར་བསྟན། །དེ་རྣམས་སངས་རྒྱས་ཐོབ་པར་འགྱུར། །ཀུན་སྦྱོར་མཚན་ཉིད་དེ་རྣམས་ཀྱིས། །སྒྲ་དྲི་རོ་ལ་སོགས་པ་རྣམས། །
71a6 ཇི་ལྟར་ནུས་པར་འབུལ་བར་བྱེད། །རང་གཟུགས་སངས་རྒྱས་ཚུལ་གྱིས་ནི། །དེ་ལ་དབུས་སུ་རྣམ་བསྒོམ་བྱ། །འོད་ཟེར་འབར་བ་འཁྲུགས་བྱས་ནས། །སྙིང་གར་དེ་རྣམས་རབ་གཞུག་བྱ། །བཅོམ་ལྡན་འདས་ཆོས་འཆང་བས་དེ་སྐད་ཅེས་གསུངས་སོ། །བསྡུས་པ
71a7 ཞེས་རིགས་སུ་བརྗོད་པའི། །གར་མཁན་ཆེན་པོ་ཡང་དག་འབྱུང་། །དེ་ལ་ངོ་མཚར་གསོལ་བཏབ་པ། །དེ་ལ་འཇོམས་པར་བྱེད་པར་དགོངས། །ཕྱག་རྒྱ་ཆེན་པོའི་གོ་འཕང་བརྗོད། །མི་རྣམས་རིགས་ནི་བཞི་པོ་ཡང་། །བྱས་ནས་དམ་ཚིག་ཚུལ་གྱིས་ནི། །མཉམ
iiif viewer powered by OpenSeadragon
