| e-texts navigator |
| Wylie |
70b1 ནས། །ཆོ་ག་ཤེས་པས་སངས་རྒྱས་གཟུགས། །བྱས་ནས་དེ་ནི་རབ་བསྒོམ་བྱ། །བཅོམ་ལྡན་འདས་རྡོ་རྗེ་ཆོས་འཆང་བས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས། འདོད་པའི་རིགས་ཀྱི
70b2 ཏིང་ངེ་འཛིན་གྱི་ལེའུ་སྟེ་ལྔ་བ་རྫོགས་སོ། ། །།དེ་ནས་བཅོམ་ལྡན་འདས་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་རང་གི་དཀྱིལ་འཁོར་དུ་བཞག་ནས་རང་གི་ཏིང་ངེ་འཛིན་ལ་སྙོམས་པར་ཞུགས་ཏེ། གཉིས་སུ་མེད་པ་མཉམ་པ་ཉིད་རྣམ་པར
70b3 རྒྱལ་བའི་རྟོག་པ་ཆེན་པོར་དངོས་གྲུབ་ཐམས་ཅད་ཀྱི་དམ་ཚིག་གི་ཡེ་ཤེས་མཆོག་གི་ལེའུ་འདི་བཀའ་སྩལ་ཏོ། །བློ་ལྡན་འདོད་པ་ཐམས་ཅད་ལ། །རྣམ་རྟོག་བྱ་བ་མིན་པ་ཉིད། །སངས་རྒྱས་ཐམས་ཅད་འཇོམས་པ་ནི། །སེམས་ལ་སྨད་བྱ་མིན་པ་ཉིད། །དགའ
70b4 དང་རྩོད་པའི་མཚན་ཉིད་ཀྱིས། །སངས་རྒྱས་ཐམས་ཅད་བསླུ་བ་དང་། །གཞན་དུ་ང་ལ་ལྷའོ་ཞེས། །སེམས་ནི་བརྟན་བྱ་མིན་པ་ཉིད། །སངས་རྒྱས་ཀུན་གྱི་རྫས་གང་ཡིན། །སྐྱེ་བ་མེད་པའི་ཡོན་ཏན་འབྱུང་། །སེམས་ནི་ཤིན་ཏུ་བརྟན་བྱས་ལ། །བཙུན
70b5 མོ་ལ་སོགས་རྣམ་པར་བསྒོམ། །འཇིག་རྟེན་གསུམ་པའི་དབང་ཕྱུག་མ། །རིག་མ་ཆེན་མོ་སྤྱན་མར་གྲགས། །དེ་ཡང་བཙུན་མོར་བྱས་ནས་ཀྱང་། །ཀུན་ཏུ་ཉེ་བར་ལོངས་སྤྱད་དོ། །ཆོ་ག་ཤེས་པས་ཡེ་ཤེས་རིགས། །ལྷན་ཅིག་འཇོམས་པར་ཡང་དག
70b6 བརྩམ། །སྲོག་ཆགས་རྣམས་ཀྱི་དགེ་འཇོམས་པ། །བསྡུ་བའི་དོན་ནི་རྟག་ཏུ་བྱ། །ཆགས་ལ་ཆགས་པས་སྦྱོར་བྱ་བ། །ཆོས་ཀྱི་རིགས་ལ་རྟག་ཏུ་བྱ། འདོད་མཆོད་རིགས་ནི་མཚུངས་པ་ལ། །རྟག་ཏུ་ཡང་སྨྲ་བར་བྱ། །ཀུན་ལ་རང་དེ་ལྟར་འདི་བྱ། །གཞན
70b7 དུ་གྲུབ་པ་མིན་པ་ཉིད། །སངས་རྒྱས་གཟུགས་ནི་རྣམ་བསྒོམས་ནས། །སྙིང་གར་དེ་ནི་རྣམ་བསྒོམ་བྱ། །ཐམས་ཅད་དེ་བཞིན་ཁོ་ནར་བྱ། །གཞན་དུ་དེ་དག་མི་འགྱུར་རོ། །ཡེ་ཤེས་རིགས་ནི་རྣམ་འཇོམས་པས། །དགའ་ལྡན་རྣམས་སུ་ཉེ་བར་སྐྱེ། ཆོས་ཀྱི
iiif viewer powered by OpenSeadragon
