| e-texts navigator |
| Wylie |
70a1 ཆོ་ག་ཤེས་པས་དབྱུང་བར་བྱ། །ཇི་སྲིད་གཟུགས་སུ་ཡང་དག་སྦྱོར། །དེ་སྲིད་དུ་ནི་བཙུན་མོར་འགྱུར། །བཅོམ་ལྡན་འདས་འདོད་པའི་མཆོད་པས་དེ་སྐད་ཅེས་གསུངས་སོ། །རིགས་ཀྱི་དཀྱིལ་འཁོར་ཚུལ་གྱིས་ནི། །གཟུགས་སུ་བསྐྱེད
70a2 ནས་བསྒོམ་པར་བྱ། །ཆོ་ག་ཤེས་པས་དང་པོའི་སྦྱོར། །མཉམ་པར་གཞག་པས་བསྒོམ་པར་བྱ། །ནམ་མཁའི་ཁམས་ནི་ཀུན་བཀང་བར། །མཁས་པས་དེ་ལྟར་བསམས་བྱས་ནས། །བརྗོད་པའི་རྣམ་པས་གསོལ་བ་བཏབ། །མཉམ་པར་བཞག་པས
70a3 དེ་ལྟུང་བྱ། །ཆོ་ག་ཤེས་པས་ལྷའི་རྣམ་པ། །སངས་རྒྱས་འོད་དང་མཉམ་པའི་གཟུགས། །ཇི་ལྟར་རིགས་པར་སྔགས་པས་སྦྱིན། །གཞན་དུ་འགྲུབ་པར་མི་འགྱུར་རོ། །ཆོ་ག་ཤེས་པས་ལྷ་མོ་ལྷའི། །རང་གི་གཟུགས་ནི་རྣམ་བསྒོམ་བྱ། །གཞན་དུ
70a4 རྡོ་རྗེ་སེམས་དཔའ་རྣམས། །དཀར་སོགས་ཆོ་ག་འབྱུང་བ་ཡི། །སྒེག་པའི་རྒྱན་གྱིས་བརྒྱན་གྱུར་པའི། །རང་གཟུགས་རྣོན་པོའི་ཚུལ་གྱིས་ནི། །ཆོ་ག་ཤེས་པས་ལྷ་མོ་དེར། །བྱས་ནས་མཚོན་བྱ་རྣམ་བསྒོམ་བྱ། །ཆོ་ག་ཤེས་པས་རྡོར་པདྨ། །ཀུན
70a5 སྦྱོར་ཆོ་ག་འབྱུང་བ་ཡིས། །རིགས་ཀྱི་གཟུགས་ནི་ཀུན་བསྐྱེད་ནས། །རང་གི་ཁུ་བས་དེ་ནི་མཆོད། །རྒྱལ་བ་ཆུ་སྐྱེས་རིགས་ཀྱི་ལྷ། །གཞན་དུ་གྲུབ་པ་ཉིད་མི་འགྱུར། །ཕྱག་ན་རྡོ་རྗེའི་རིགས་བརྗོད་པའི། །ལྷ་ཉིད་གྲུབ་པ་ཉིད་མི་འགྱུར། །དང་པོ་དང་མཐར
70a6 ཐམས་ཅད་དུ། །འདི་ནི་ཐུན་མཚམས་བཞི་རུ་བྱ། །རྒྱལ་བ་ཆུ་སྐྱེས་རྡོ་རྗེ་སྐྱེས། །གཞན་དུ་འགྲུབ་པ་མིན་པ་ཉིད། །མ་མོའི་གཟུགས་ནི་ཀུན་བསྐྱེད་ནས། །འོད་ཟེར་སྣ་ཚོགས་མཉམ་པའི་འོད། །རང་གཟུགས་འདོད་མཆོད་ཚུལ་གྱིས་ནི། །ཁམས་གསུམ
70a7 པར་ཡང་སྤྲོ་བར་བྱ། །འདོད་པའི་མཆོད་པ་མཚུངས་པའི་གཟུགས། །སྲིང་མོ་བཞིར་ནི་ཡང་དག་སྦྱོར། །གཟུགས་ཀྱི་མཚན་ཉིད་ཚུལ་གྱིས་ནི། །མཉམ་པར་བཞག་པས་སྨྲ་བར་བྱ། །གེ་སར་སེར་པོ་དང་མཚུངས་པའི། །ཚངས་པའི་གཟུགས་ནི་རྣམ་བསྒོམས
iiif viewer powered by OpenSeadragon
