| e-texts navigator |
| Wylie |
69b1 ཚུལ་གྱིས་ནི། །གཟུགས་ཀྱིས་ནམ་མཁའ་འགེངས་པར་བྱེད། །སྣ་ཚོགས་འབར་བས་རྣམ་བརྒྱན་པའི། །ཚངས་པའི་གཟུགས་ནི་ཡང་དག་མནན། །འདོད་མཆོད་གཟུགས་ནི་ཀུན་བསྐྱེད་ནས། །འཇིག་རྟེན་ཁམས་སུ་འདི་སྤྲོ་བྱ། །ཆོ་ག་ཤེས་པས་རེ་རེ
69b2 བར། །གཟུགས་གསུམ་རྣམ་པར་བསྒོམ་པར་བྱ། །བཅོམ་ལྡན་འདས་འདོད་པའི་མཆོད་པས་དེ་སྐད་ཅེས་གསུངས་སོ། །ཁྲུ་གང་ཙམ་ལས་འདས་པར་ནི། །པདྨ་ཆེན་པོ་རྣམ་བསྒོམ་པ། །ཚངས་པའི་གཟུགས་ཀྱིས་སྲིད་པ་འདིར། །ཆོ་ག
69b3 ཤེས་པས་སྤྲོ་བར་བྱ། །ཁྲུ་ནི་བརྒྱ་ཕྲག་འདས་པར་ནི། །པདྨ་ཆེན་པོ་རྣམ་བསྒོམ་བྱ། །འདོད་མཆོད་གཟུགས་ནི་ཡང་དག་དབྱུང་། །སངས་རྒྱས་དེ་ཉིད་ལ་བསྒོམ་བྱ། །ཁྲུ་ནི་བརྒྱད་བརྒྱ་འདས་པར་ནི། །པདྨ་ཆེན་པོ་རྣམ་བསྒོམ་བྱ། །ཁྱབ་འཇུག
69b4 གཟུགས་ནི་ཡང་དག་བསྐྱེད། །སངས་རྒྱས་ལ་སོགས་དེར་བསྒོམ་བྱ། །སངས་རྒྱས་གཟུགས་ནི་ཡང་དག་བསྐྱེད། །ཚངས་པའི་གཟུགས་ཀྱིས་འདི་སྤྲོ་བྱ། །ཆོས་ཀྱི་གཟུགས་ནི་ཡང་དག་བསྐྱེད། །ཁྱབ་འཇུག་གཟུགས་ཀྱིས་འདི་སྤྲོ་བྱ། །སེམས་དཔའི
69b5 གཟུགས་སུ་བརྟན་བྱས་ནས། །འདོད་མཆོད་མཚུངས་པའི་གཟུགས་རྣམས་ཀྱིས། །འཇིག་རྟེན་ཁམས་ནི་ཀུན་ཏུ་ཡང་། །ཆོ་ག་ཤེས་པས་སྤྲོ་བར་བྱ། །ཁྲུ་གང་ཙམ་ལས་འདས་བར་ནི། །ཚངས་པའི་གཟུགས་ཀྱིས་རྣམ་བསྒོམ་པ། །སྙིང་གར་དེ་རྣམས་ཡང
69b6 དག་བསྐྱེད། །སངས་རྒྱས་གཟུགས་སུ་རྣམ་བསྒོམ་བྱ། །ཆོ་ག་ཤེས་པས་སངས་རྒྱས་གཟུགས། །གཟུགས་ལ་གཟུགས་སུ་རྣམ་བསྒོམ་བྱ། བཅོམ་ལྡན་འདས་འདོད་པའི་མཆོད་པས་དེ་སྐད་ཅེས་གསུངས་སོ། །ཁྲུ་གང་ཙམ་ལས་འདས་པར་ནི། ཁྱབ
69b7 འཇུག་གཟུགས་ནི་རྣམ་སྒོམ་པ། སྙིང་གར་དེ་རྣམས་ཀུན་བསྐྱེད་ནས། སངས་རྒྱས་གཟུགས་སུ་རྣམ་བསྒོམ་བྱ། །སངས་རྒྱས་གཟུགས་རྣམས་ཐམས་ཅད་དུ། །འདོད་པའི་མཆོད་པ་མཚུངས་པའི་གཟུགས། །སྒེག་པའི་རྒྱན་གྱིས་བརྒྱན་གྱུར་པ། །
iiif viewer powered by OpenSeadragon
