| e-texts navigator |
| Wylie |
69a1 དབྱིངས་ཀྱི་ཆོ་ག་རིག་། ལག་ཏུ་མདུང་ནི་ཡང་དག་བསྐྱེད། །རང་གཟུགས་ཀྱིས་ནི་ཕྱེ་མར་བརླག་།གསལ་བའི་དཀྱིལ་འཁོར་ཚུལ་གྱིས་ནི། །ཡེ་ཤེས་རིགས་ནི་ཟློག་པར་བྱེད། །ཡེ་ཤེས་དཀྱིལ་འཁོར་ཚུལ་གྱིས་ནི། །བསྡུས་པའི་རིགས
69a2 ནི་རྣམ་ལྟུང་བྱེད། །ཆོས་ཀྱི་དཀྱིལ་འཁོར་ཚུལ་གྱིས་ནི། །ཆོས་ཀྱི་རིགས་ནི་ངེས་ལྟུང་བྱེད། །ཟླ་བའི་དཀྱིལ་འཁོར་ཚུལ་གྱིས་ནི། །ཆེན་པོའི་རིགས་ནི་ངེས་ལྟུང་བྱེད། །ཉི་མའི་དཀྱིལ་འཁོར་ཚུལ་གྱིས་ནི། །རིགས་ཀུན་ངེས་པར་ལྟུང་བར་བྱེད། །
69a3 བཅོམ་ལྡན་འདས་རྡོ་རྗེ་འཆང་བས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོར་ཆོས་ཀྱི་དཀྱིལ་འཁོར་གྱི་ཏིང་ངེ་འཛིན་ཏེ་ལེའུ་བཞི་པ་རྫོགས་སོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས
69a4 དེ་བཞིན་གཤེགས་པ་དེ་རྣམས་ཐམས་ཅད་རང་གི་རྡོ་རྗེ་ཆེན་པོ་ལ་བཞག་ནས་ཡེ་ཤེས་ཀྱི་རིགས་ལ་སོགས་པ་ཅན་དེ་ལ། ཡེ་ཤེས་ཀྱི་དཀྱིལ་འཁོར་ཆེན་པོའི་ཚུལ་གྱིས་རབ་ཏུ་བཅུག་ཅིང་བརྟན་པར་བྱས་ནས། དཀྱིལ་འཁོར་ཆེན་པོ་དེ་རྣམས་སུ་རང
69a5 གི་གཟུགས་ཀྱི་རྣམ་པས་ཀུན་ཏུ་གནས་པ་དང་། གཟུགས་ཆེན་པོ་ལྷ་ཆེན་པོའི་ལྷའི་རྣམ་པར་ཡང་དག་པར་སྦྱར་ནས། འདོད་པའི་རིགས་ཀྱི་ཏིང་ངེ་འཛིན་འདི་གསུངས་སོ། །དཀྱིལ་འཁོར་ཆེན་པོའི་ཚུལ་ལས་ནི། །ཐམས་ཅད་དེ་བཞིན་ཁོ་ནར་བྱ། །
69a6 ཆོ་ག་ཤེས་པས་རབ་བརྩམ་བྱ། །གཞན་དུ་བསྒོམ་བྱ་མིན་པ་ཉིད། །འདོད་པའི་རིགས་ཀྱི་ཆོ་ག་ཡིས། །གསང་སྔགས་རིག་པ་རྗེས་དྲན་བྱ། །ོཾ་ཀཱ་མ་ཛྙཱ་ན་སྭ་བྷཱ་བ་ཨཱཏྨ་ཀོུ྅་ཧཾ། ཇི་ལྟར་རིགས་པར་བརྗོད་ནས་ནི། །རྣལ་འབྱོར་འདི་ནི་ཡང་དག་བརྩམ། །
69a7 ཀར་ནི་ཀཱ་ར་མཚུངས་པའི་འོད། །པདྨ་ཆེན་པོ་ཡང་དག་བསྐྱེད། །དེ་ཉིད་དཀྱིལ་འཁོར་བྱས་ནས་ནི། །རང་གི་གཟུགས་ནི་དགོད་པར་བྱ། །འདོད་མཆོད་གཟུགས་ནི་ཀུན་བསྐྱེད་ནས། །འཇིག་རྟེན་ཁམས་སུ་འདི་སྤྲོ་བྱ། རང་གཟུགས་འདོད་མཆོད
iiif viewer powered by OpenSeadragon
