| e-texts navigator |
| Wylie |
68a1 དབང་ཕྱུག་རྣམ་བསྒོམ་བྱ། །བཅོམ་ལྡན་འདས་འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ། །ནམ་མཁའི་ཁམས་ནི་ཀུན་ཏུ་དགང་། །སླར་ཡང་དེ་ཉིད་ལ་བསྡུ་བྱ། །རང་གི་གཟུགས་དང་ཟླ་དབུས་གནས། །སྣ་ཚོགས་ཁ་དོག
68a2 མཚུངས་པའི་འོད། །སྙིང་ག་རུ་ནི་རྣམ་བསྒོམས་ནས། །ལྕེ་ལ་གསང་སྔགས་བསྒོམ་པའོ། །རང་གཟུགས་དེ་ཡི་དབུས་གནས་པར། །སངས་རྒྱས་ཡེ་ཤེས་རྣམ་པར་བརྒྱན། །འཇིག་རྟེན་དབང་ཕྱུག་ཡང་དག་བསྐྱེད། །འཇིག་རྟེན་ཁམས་འདིར་སྤྲོ་བར་བྱ། །
68a3 རིག་པའི་རྒྱལ་པོ་ཡང་དག་བསྐྱེད། །པདྨའི་དཀྱིལ་འཁོར་དབུས་སུ་ནི། །འཇིག་རྟེན་དབང་ཕྱུག་རབ་བསྒོམས་ནས། །གཟུགས་ཀྱིས་ནམ་མཁའ་འགེངས་པར་བྱེད། །ཆོས་ཀྱི་དཀྱིལ་འཁོར་དབུས་སུ་ནི། །འཇིག་རྟེན་དབང་ཕྱུག་རབ་བསྒོམས་ནས། །རྡོ་རྗེ
68a4 སེམས་དཔའ་ཡང་དག་བསྐྱེད། །འཇིག་རྟེན་ཁམས་སུ་འདི་སྤྲོ་བྱ། །བཅོམ་ལྡན་འདས་ཀུན་ཏུ་བཟང་པོས་དེ་སྐད་ཅེས་གསུངས་སོ། །ཆོས་ཀྱི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་ཡང་དག་བསྐྱེད། །ཇི་ལྟར་རིགས་པར་གནས་ལྔ་རུ། །ཁྱབ
68a5 བདག་འཇིག་རྟེན་དབང་ཕྱུག་དགོད། །བཅོམ་ལྡན་འདས་འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ། །སྙིང་གའི་དབུས་སོན་ཕྲ་མོ་ནི། །ཆོས་ཀྱི་དཀྱིལ་འཁོར་མཆོག་གྱུར་པ། །ཆོས་དེར་ཡང་དག་བསྐྱེད་ནས་སུ། །འཇིག་རྟེན་ཁམས་སུ་འདི་སྤྲོ་བྱ། །
68a6 སྙིང་གའི་དབུས་སོན་ཕྲ་མོ་ནི། །ཆོས་ཀྱི་དཀྱིལ་འཁོར་དྲི་མེད་པ། །པདྨ་དེ་ལ་རྣམ་བསྒོམས་ཤིང་། །སངས་རྒྱས་གཟུགས་ནི་རྣམ་བསྒོམས་ནས། །སངས་རྒྱས་གཟུགས་རྣམས་ཐམས་ཅད་དུ། །འཇིག་རྟེན་དབང་ཕྱུག་རྣམ་བསྒོམ་པའོ། །བཅོམ་ལྡན
68a7 འདས་ཆོས་འཆང་བས་དེ་སྐད་ཅེས་གསུངས་སོ། །སྙིང་གའི་དབུས་སོན་ཕྲ་མོ་ནི། །ཆོས་ཀྱི་དཀྱིལ་འཁོར་མཆོག་གྱུར་པ། །སངས་རྒྱས་ལྔ་ནི་རྣམ་བསྒོམས་ནས། །དེར་ཡང་དེ་བཞིན་བསྒོམ་པར་བྱ། །ལྟེ་བའི་དབུས་སོན་ཕྲ་མོ་ནི། །ཆོས་ཀྱི་དཀྱིལ
iiif viewer powered by OpenSeadragon
