| e-texts navigator |
| Wylie |
67b1 རིགས་ནས་སྣ་ཚོགས་རྒྱན་གྱིས་བརྒྱན། །པདྨ་རབ་ཏུ་རྒྱས་བྱས་ནས། །རང་གི་རྡོ་རྗེ་དེ་ལ་གཞུག་།བཅོམ་ལྡན་འདས་རྡོ་རྗེ་སེམས་དཔས་དེ་སྐད་ཅེས་གསུངས་སོ། །དེ་ལྟར་བྱས་པས་གང་ལྡན་པ། །དེ་ལྡན་ཡེ་ཤེས་རྙེད་པར་དཀའ། །རང་གཟུགས་ཤིན་ཏུ
67b2 བརྟན་བྱས་ནས། །བསམ་གཏན་བརྩོན་པར་རབ་ཏུ་གཞུག་།མཛེས་ལྡན་མ་དགའ་ལྟ་བ་ན། །གཟུགས་དང་ལྡན་པར་དེ་འགྱུར་རོ། །བཙུན་མོ་མཐོང་བ་ཙམ་གྱིས་ནི། །འཐུང་འགྱུར་འདིར་ནི་ཐེ་ཚོམ་མེད། །རྡོ་རྗེ་སེམས་དཔས་ཞིང་འདིར་ནི། །ཡོངས
67b3 སུ་གང་བར་རྣམ་བསྒོམ་བྱ། །སངས་རྒྱས་གཟུགས་ནི་བརྟན་བྱས་ནས། །རྡོ་རྗེས་རྣམ་པར་ལྟུང་བར་བྱ། །བཅོམ་ལྡན་འདས་རྡོ་རྗེ་གསུམ་དབྱེར་མི་ཕྱེད་པས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན
67b4 པོ་ལས་རིགས་བསྡུས་པའི་ཏིང་ངེ་འཛིན་གྱི་ལེའུ་གསུམ་པ་རྫོགས་སོ། ། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་ཆོས་ཀྱི་རིགས་ཀྱི་ཏིང་ངེ་འཛིན་གྱི་ལེའུ་བཀའ་སྩལ་ཏོ། །དཀྱིལ་འཁོར་ཆེན་པོའི་ཚུལ་དུ་ནི། །ཐམས་ཅད་དུ་ནི་དེ་ཉིད་བྱ། །ཆོས་ཀྱི
67b5 དཀྱིལ་འཁོར་རྣམ་བསྒོམ་པ། །ཆོ་ག་ཤེས་པས་རབ་ཏུ་བརྩམ། །ཆོས་ཀྱི་ཀུན་སྦྱོར་མཚན་ཉིད་ཀྱིས། །རྣམ་པར་རྟོག་པ་ཡོངས་དོར་བྱ། །གསང་སྔགས་དབྱེ་བ་བརྗོད་ནས་ནི། །ཐམས་ཅད་རྣལ་འབྱོར་རྣམ་བསྒོམ་བྱ། །ོཾ་སརྦ་ཏ་ཐཱ་ག་ཏ་དྷརྨ་ཛྙཱ་ན་སྭ་བྷཱ་བ་ཨཱཏྨ
67b6 ཀོུ྅ཧ~ཾ། དམ་ཚིག་ཆེན་པོའི་རྣལ་འབྱོར་ཉིད། །ཆོ་ག་ཤེས་པས་ཡང་དག་བརྗོད། །དངོས་པོ་ཐམས་ཅད་ཡང་དག་བསྐྱེད། །དངོས་མེད་བསྒོམ་བྱ་མིན་པ་ཉིད། །བཅོམ་ལྡན་འདས་འཇིག་རྟེན་དབང་ཕྱུག་གིས་དེ་སྐད་ཅེས་གསུངས་སོ། །བློ་གྲོས་ལྡན་པས
67b7 པདྨ་བསམ། །པདྨ་རཱ་གའི་དབང་མཚུངས་པ། །དཀྱིལ་འཁོར་དེ་ལ་བསམ་བྱ་བ། །གཟུགས་བརྙན་དབུས་སུ་རྣམ་བསྒོམ་བྱ། །རིག་པའི་རྒྱལ་པོ་ཡང་དག་བསྐྱེད། །འབར་བའི་ཕྲེང་བ་མཚུངས་པའི་འོད། །འབར་བ་འདུས་པ་དེ་རྣམས་སུ། །འཇིག་རྟེན
iiif viewer powered by OpenSeadragon
