| e-texts navigator |
| Wylie |
66b1 སུ་ཡང་དག་བསྐྱེད། །རང་གི་སྔགས་ཀྱི་ཡི་གེས་བརྒྱན། །སངས་རྒྱས་གཟུགས་སུ་རྣམ་བསྒོམ་བྱ། །ཆོ་ག་ཤེས་པས་འཁོར་ལོ་ལྷའི། །འོད་ཟེར་ཚུལ་དུ་རྣམ་བསྒོམ་བྱ། །བཅོམ་ལྡན་འདས་རྡོ་རྗེའི་རང་བཞིན་གྱིས་དེ་སྐད་ཅེས་གསུངས་སོ། །རང་གཟུགས་འཁོར
66b2 ལོའི་ཚུལ་གྱིས་ནི། །འབར་བའི་ཕྲེང་བས་རྣམ་པར་བརྒྱན། །རང་གཟུགས་སངས་རྒྱས་དང་མཚུངས་པ། །ཆོ་ག་ཤེས་པས་དབྱུང་བར་བྱ། །རང་གཟུགས་འཁོར་ལོའི་ཚུལ་གྱིས་ནི། །རལ་གྲིའི་འོད་ཟེར་གྱིས་བརྒྱན་པ། །འབར་བའི་ཕྲེང་བ་འཁྲུགས
66b3 གསལ་བ། །ཀུན་ནས་རྣམ་པར་འཕྲོ་བའོ། །པདྨ་རང་སྙིང་དབུས་གནས་པར། །བྲམ་ཟེ་ཚངས་པ་རྣམ་པར་བརྒྱན། །བྱང་ཆུབ་སེམས་སུ་ཡང་དག་བསྐྱེད། །དེ་ལ་སྔགས་ཀྱི་ཡི་གེ་དགོད། །སྙིང་པོ་ཨུཏྤ་ལར་བསམས་ནས། །སྣ་ཚོགས་འོད་ཟེར
66b4 རྣམ་པར་བརྒྱན། །ཆོ་ག་ཤེས་པས་བྱང་ཆུབ་སེམས། །བསམས་ནས་སྔགས་གསུམ་རྣམ་བསྒོམ་བྱ། །སྙིང་གའི་དབུས་སོན་ཕྲ་མོ་ནི། །ིནྡྲ་ནཱི་ལ་མཚུངས་པའི་འོད། །ཡེ་ཤེས་སྦྱོར་བ་ཀུན་བསྐྱེད་ནས། །སངས་རྒྱས་གཟུགས་སུ་བསྒོམ་པར་བྱ། །
66b5 རང་གཟུགས་ཕྲ་མོའི་དབུས་གནས་པར། །སྣ་ཚོགས་འབར་བ་མཉམ་པའི་འོད། །སྙིང་པོར་ཡི་གེ་བསམས་ནས་ནི། །རང་གཟུགས་དེ་ལ་བསྒོམ་པར་བྱ། །བཅོམ་ལྡན་འདས་རྡོ་རྗེ་ཡེ་ཤེས་ཀྱིས་དེ་སྐད་ཅེས་གསུངས་སོ། །ཁྲུ་གང་ཙམ་ལས་འདས་པ་ཡི། །ཕྲ
66b6 མོའི་དཀྱིལ་འཁོར་བསྒོམ་པ་ནི། །རང་གཟུགས་ཡི་གེར་ཡང་བྱས་ནས། །རྡོ་རྗེ་འབར་བར་རྣམ་བསྒོམ་བྱ། །ཁྲུ་གང་ཙམ་ལས་འདས་པ་རུ། །ཡེ་ཤེས་དཀྱིལ་འཁོར་བསྒོམ་པ་ནི། །དབུས་སུ་གཟུགས་ནི་ཡང་དག་བསྐྱེད། །བསམས་ནས་བཟླས་པ
66b7 བརྩམ་པར་བྱ། །ཁྲུ་གང་ཙམ་ལས་འདས་པར་ནི། །ཉི་མའི་དཀྱིལ་འཁོར་བསྒོམ་པ་ནི། །རྡོ་རྗེ་སེམས་དཔའ་ཡང་དག་བསྐྱེད། །བསམས་ནས་བཟླས་པ་བརྩམ་པར་བྱ། །ཁྲུ་གང་ཙམ་ལས་འདས་པ་རུ། །ཆོས་ཀྱི་དཀྱིལ་འཁོར་བསྒོམ་པ་ནི། །བགེགས
iiif viewer powered by OpenSeadragon
