| e-texts navigator |
| Wylie |
65b1 ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ། །ོཾ་སརྦ་ཏ་ཐཱ་ག་ཏ་ཛྙཱ་ན་སྭ་བྷཱ་བ་ཨཱཏྨ་ཀོུ྅་ཧ~ཾ། གསང་སྔགས་རྒྱལ་པོ་འདི་ཡིས་ནི། །རང་གི་རྣམ་རྟོག་ཡོངས་དོར་བྱ། །རང་གཟུགས་ཧཱུ~ཾ་ཡིག་ཅེས་བརྗོད་པ། །བྱས་ན་ཀུན་ཏུ་རྣམ་བསྒོམ་བྱ། །ཆོ་ག་ས
65b2 ཧེས་པས་དེ་རྣམས་སུའང་། །ཧ་ཡིག་མཐར་ཐུག་རྣམ་བསམ་བྱ། །རང་གཟུགས་ལ་སོགས་མཚུངས་པའི་འོད། །ལྷ་དེ་སྐད་ཅིག་དེ་ལ་འགྱུར། །གསལ་བའི་དཀྱིལ་འཁོར་ཡང་དག་སྦྱོར། །སྙིང་གར་དེ་ལ་རྣམ་བསམ་བྱ། །ཆོ་ག་ཤེས་པས་གསང་སྔགས
65b3 ཡིག་། ཆོ་ག་མཐོང་བས་བསྒོམ་པར་བྱ། །བཅོམ་ལྡན་འདས་དམ་ཚིག་རྡོ་རྗེས་དེ་སྐད་ཅེས་གསུངས་སོ། །གནས་ལྔར་ཡང་དག་སྦྱར་བྱ་བ། །རྩེ་མོ་ལྔ་རུ་རྣམ་བསྒོམ་བྱ། །སྔགས་ཀྱི་ཡི་གེ་ཐམས་ཅད་དུ། །རྡོ་རྗེ་སེམས་དཔའ་རྣམ་བསྒོམ་བྱ། །སངས་རྒྱས
65b4 གཟུགས་ནི་རྣམས་བསྒོམས་པས། །ཆོ་ག་ཤེས་པས་སྤྲོ་བར་བྱ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་གཙོ་བོས་དེ་སྐད་ཅེས་གསུངས་སོ། །རང་གཟུགས་སེམས་དཔའི་ཚུལ་གྱིས་ནི། །སེམས་དཔའི་མཚན་མར་བསྒོམ་པར་བྱ།
65b5 སངས་རྒྱས་ཞིང་རྣམས་ཀུན་ཏུ་ནི། ཆོ་ག་ཤེས་པས་སྤྲོ་བར་བྱ། རང་གཟུགས་སེམས་དཔའི་ཚུལ་གྱིས་ནི། ལྷ་ཡི་སྙིང་གར་བསྒོམ་པར་བྱ། །སངས་རྒྱས་གཟུགས་དེ་དབྱུང་བར་བྱ། །འཇིག་རྟེན་ཁམས་འདིར་སྤྲོ་བར་བྱ། །རང་གཟུགས་ཡེ་ཤེས་ཞེས
65b6 བརྗོད་པ། འབར་བའི་ཕྲེང་བས་རྣམ་པར་བརྒྱན། །བྱང་ཆུབ་སེམས་སུ་དེ་ཕྱུང་ནས། །འཇིག་རྟེན་ཁམས་སུ་འདི་སྤྲོ་བྱ། །རང་གི་གཟུགས་ཞེས་བརྗོད་པ་ནི། །འབར་བའི་ཕྲེང་བ་མཉམ་པའི་འོད། །རང་གི་གཟུགས་ཀྱི་འོད་ཟེར་གྱིས། །ཞིང་འདིར་ཁྱབ་པར
65b7 རྣམ་བསྒོམ་བྱ། །རང་གཟུགས་ལྕགས་ཀྱུར་བཅས་བྱས་ནས། །རང་གི་གཟུགས་ཀྱི་ལག་པར་དགོད། །ཆོ་ག་ཤེས་པས་བཀུག་ནས་ཀྱང་། །སངས་རྒྱས་གཟུགས་ལ་རབ་གཞུག་བྱ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྗེ་བོས་དེ་སྐད་ཅེས
iiif viewer powered by OpenSeadragon
