| e-texts navigator |
| Wylie |
64b1 བསྒོམ་བྱ་བརྩོན་པ་གཞན་མིན་ནོ། །ཉི་མའི་དཀྱིལ་འཁོར་དབུས་སུ་ནི། རྡོ་རྗེ་སེམས་དཔར་ཡང་དག་བསྐྱེད། ལྕགས་ཀྱུའི་རྣམ་པ་ཞགས་པ་སོགས། བྱས་ནས་སློབ་མ་རབ་གཞུག་བྱ། །རྡོ་རྗེ་སེམས་དཔར་ཡང་དག་བསྐྱེད། རང་གཟུགས་སྙིང་གར
64b2 རྣམ་དགོད་བྱ། །དགོད་པ་བྱས་ནས་ལག་སོགས་ཀྱིས། །དེ་ནས་གྲངས་ནི་ཡང་དག་བརྩམ། །བཟླས་པ་སོགས་སམ་བཏུང་བྱ་བ། །བློ་ལྡན་དེས་ནི་དེ་བྱའོ། །སྒྲུབ་པོ་རྣམས་ཀྱི་རྣམ་བཟླས་བྱ། །གཞན་དུ་ཡང་དག་གྲུབ་མིན་ཉིད། །བཅོམ་ལྡན་འདས
64b3 དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་དེ་སྐད་ཅེས་གསུངས་སོ། །རང་གི་གཟུགས་ནི་ཡང་དག་བསྐྱེད། །དབུས་སུ་རང་གི་རིགས་སྒོམ་མོ། །མཐར་ཡང་དགྲ་དང་བགེགས་འཇོམས་པར། སྙིང་པོ་དེ་རུ་བསྒོམ་པར་བྱ། འདི་རྣམས
64b4 ཀྱི་ནི་ཆོ་ག་ཡིས། སྒོམ་པ་ལ་སོགས་ཆོ་གའི་རིམ། ཉི་མའི་དཀྱིལ་འཁོར་ཚུལ་གྱིས་ནི། རིག་པའི་རྒྱལ་པོ་རྣམ་བསྒོམ་བྱ། །འབར་བའི་ཕྲེང་བ་འཁྲུགས་འབར་བའི། །ཁྲོ་བོའི་གཟུགས་སུ་བསྒོམ་པར་བྱ། །ཁ་དོག་གང་དེ་ཁོ་ནར་བརྗོད། །དེ་ཉིད
64b5 མཐར་ཐུག་དེ་ཉིད་བརྗོད། །དེ་ཉིད་དེ་ཡིས་བསམ་པར་བྱ། །གཞན་དུ་གྲུབ་པ་མིན་པ་ཉིད། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཀུན་ཏུ་བཟང་པོས་དེ་སྐད་ཅེས་གསུངས་སོ། །རང་གཟུགས་དཀྱིལ་འཁོར་བྱས་ནས་ནི། །དབུས་སུ
64b6 འབར་བ་མཉམ་པའི་འོད། །འཇིག་རྟེན་ཁམས་རྣམས་ཐམས་ཅད་དུ། །དེ་ཉིད་ཤེས་པས་སྙིང་གར་དགོད། །དེ་ལ་བདག་ཉིད་ཡང་དག་བསྐྱེད། །དེ་ཡི་རང་བཞིན་དེར་བརྩམ་བྱ། །རང་གཟུགས་པདྨའི་དབུས་གནས་པར། །སྣང་བྱེད་ལ་སོགས
64b7 མཉམ་པའི་འོད། །སྙིང་གར་ཡི་གེ་བྱས་ནས་ཀྱང་། །རྡོ་རྗེ་སེམས་དཔའ་རྣམ་བསྒོམ་བྱ། །རྡོ་རྗེ་སེམས་དཔའ་འདུས་པ་ལ། །སངས་རྒྱས་གཟུགས་སུ་རྣམ་བསྒོམ་བྱ། །རིག་པའི་ཚུལ་དུ་ཡང་དག་བསྐྱེད། །དངོས་གྲུབ་ཐམས་ཅད་ཀུན་ཐོབ་འགྱུར། །
iiif viewer powered by OpenSeadragon
