| e-texts navigator |
| Wylie |
64a1 བསྒོམ། །མཐོ་གང་ཙམ་ལས་འདས་པར་ནི། །པདྨའི་ཚུལ་དུ་རྣམ་པར་བསྒོམ། །རང་ལུས་དྲི་མ་མེད་བྱས་ནས། །གསལ་བའི་དཀྱིལ་འཁོར་བསྒོམ་པའོ། །དེ་དབུས་ལེགས་པར་བརྟན་བྱས་ནས། །རང་གཟུགས་དང་ནས་དང་པོར
64a2 བསྒོམ། །འོད་དཀར་འབར་བའི་ཕྲེང་བ་སོགས། །པདྨ་ལྔ་པོ་རྣམ་བསྒོམ་བྱ། །དེ་ཡི་དབུས་སུ་རང་གཟུགས་དང་། །གཞོགས་སུ་བཙུན་མོ་དགོད་པར་བྱ། །རང་གི་ཁུ་བ་དེང་སོགས་འབྱུང་། །ཆོ་ག་ཤེས་པས་སྤྲོ་བར་བྱ། །སངས་རྒྱས་གཟུགས
64a3 ཀྱིས་ནམ་མཁའི་ཁམས། །ཀུན་ཏུ་གང་བར་བསྒོམ་པ་ནི། །རང་གཟུགས་རལ་གྲི་ལྟར་བྱས་ནས། །ཀུན་གྱི་སྙིང་གར་དགོད་པར་བྱ། །རང་གཟུགས་སངས་རྒྱས་ཡང་དག་སྦྱོར། །མཚན་ཉིད་ལ་སོགས་ཆོག་རིམ་གྱིས། །བྱང་ཆུབ་སེམས་དཔས
64a4 ནམ་མཁའི་ཁམས། །ཡང་དག་གང་བར་རྣམ་བསྒོམ་བྱ། །རང་གཟུགས་ཞགས་པ་ཡང་དག་སྦྱོར། །ཁྱབ་བདག་སངས་རྒྱས་གཟུགས་དགོད་བྱ། །ཇི་སྲིད་ནམ་མཁའི་དཀྱིལ་འཁོར་དུ། །ཆོ་ག་ཤེས་པས་དགུག་པར་བྱ། །རང་གཟུགས་སངས་རྒྱས
64a5 ཡང་དག་སྦྱོར། །བྱང་ཆུབ་སེམས་སུ་རྣམ་སྒོམ་མོ། །སྔགས་ཀྱི་ཡི་གེ་སོགས་སྦྱོར་གྱིས། །དེ་ཡི་རྣམ་པར་མྱུར་བསྒོམ་བྱ། །བྱང་ཆུབ་སེམས་ནི་ཡང་དག་བསྐྱེད། །འོད་ཟེར་འབར་བས་རྣམ་པར་བརྒྱན། །རང་གཟུགས་སངས་རྒྱས་མཚུངས་པར་ནི། །
64a6 ཆོ་ག་ཤེས་པས་དབྱུང་བར་བྱ། །རང་གཟུགས་དེ་ལ་གཟུགས་གནས་པར། །འབར་བའི་ཕྲེང་བ་མཉམ་པའི་འོད། །སྤྱན་ཞེས་བྱ་བ་ཡིད་དགའ་བ། །ཆོ་ག་ཤེས་པས་དབྱུང་བར་བྱ། །ཟླ་བའི་དཀྱིལ་འཁོར་དབུས་གནས་པར། །སྤྱན་ནི་སྙིང་གར་རྣམ་པར
64a7 དགོད། །ཆོ་ག་ཤེས་པས་འོད་རྣམ་པར། །རྡོ་རྗེ་སེམས་དཔའ་རབ་གཞུག་བྱ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རང་གཟུགས་མྱུར་བའི་དཀྱིལ་འཁོར་དུ། །རྡོ་རྗེ་སེམས་དཔའ་ཡང་དག་བསྐྱེད། །ལྷ་ཡི་རྣམ་པར་ཡང་དག་སྦྱོར། །
iiif viewer powered by OpenSeadragon
