| e-texts navigator |
| Wylie |
63b1 སོགས་ཅན་བྱས་ནས། །སླར་ཡང་དེ་ཉིད་ལ་སྦྱར་བྱ། །ཁྲུ་གང་ཙམ་ལས་འདས་པར་ནི། །ཟླ་བའི་དཀྱིལ་འཁོར་བསྒོམ་པར་བྱ། །རྡོ་རྗེ་རལ་གྲི་ཡང་དག་བསྐྱེད། །འཇིག་རྟེན་ཁམས་ནི་ཡོངས་བགྲོད་བྱ། །པདྨ་དཀར་པོའི་འོད་འབར་ཏེ། །བྱང་ཆུབ་སེམས
63b2 ཀྱིས་རྣམ་པར་བརྒྱན། །དབུས་སུ་རང་གི་ལྷ་ཡི་གཟུགས། །གཞོགས་སུ་བཙུན་མོ་དགོད་པར་བྱ། །ཆོ་ག་ཤེས་པས་དེ་ལྟར་གཟུང་། །རང་གི་རྡོ་རྗེ་དེ་ལ་གཞུག་།འཇིག་རྟེན་ཁམས་ནི་ཐམས་ཅད་དུ། །སངས་རྒྱས་དེ་ཉིད་ཀྱིས་མཆོད་བྱ། །ཞེས
63b3 བཅོམ་ལྡན་འདས་ཀུན་ཏུ་བཟང་པོས་གསུངས་སོ། །ཇི་སྲིད་ཡང་དག་ཐོབ་སྦྱོར་སྐྱེས། །སྔགས་པས་སླར་ནི་བསྡུ་བར་བྱ། །མཐོ་གང་ཙམ་ལས་འདས་པར་ནི། །ཉི་མའི་དཀྱིལ་འཁོར་བསྒོམ་པ་ནི། །རང་གཟུགས་ཤིན་ཏུ་བརྟན་བྱས་ནས། །ལྷ་ལ་སོགས་པ
63b4 རྣམ་པར་བསྒོམ། །སྙིང་གར་སྔགས་ཀྱི་ཡིག་བྱིན་ནས། །སངས་རྒྱས་ཀུན་ནི་མཆོད་པར་བྱ། །མཐོ་བདུན་ཙམ་ལས་འདས་པར་ནི། །དཀྱིལ་འཁོར་བཞི་ནི་སྒོམ་པར་བྱེད། །ལྷ་ཡི་གཟུགས་ཀྱི་དབུས་གནས་པར། །སྙིང་གར་དེ་ལ་བསྒོམ་པར་བྱ། །ཞེས
63b5 བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །རང་གཟུགས་སྤྱན་ཞེས་བྱ་བར་ནི། །བྱས་ནས་སངས་རྒྱས་རྣམ་པར་བསྒོམ། །ཐུགས་ཀ་ཉིད་དང་ཐམས་ཅད་དུ། །མཁས་པས་རང་གཟུགས་བསྒོམ་པར་བྱ། །དེ་རུ་སྙིང་པོའི་ཚུལ་གྱིས་ནི། །སེམས
63b6 དཔའི་རྣལ་འབྱོར་རྣམ་པར་བསྒོམ། །རྒྱང་གྲགས་ཙམ་ལས་འདས་པར་ནི། །སངས་རྒྱས་གཟུགས་ནི་རྣམ་བསྒོམ་བྱ། །གཟུགས་ཀྱིས་ནམ་མཁའ་འགོངས་པར་ནི། །སྙིང་པོ་རྣམས་ལས་ཡང་དག་བསྐྱེད། །རྒྱང་གྲགས་ཙམ་ལས་འདས་པར་ནི། །གསལ་བའི
63b7 དཀྱིལ་འཁོར་བསྒོམ་པ་ནི། །རང་གི་རྣལ་འབྱོར་ལེགས་བརྟན་བྱས། །སངས་རྒྱས་ཡང་དག་རྣལ་འབྱོར་བསྒོམ། །རྒྱང་གྲགས་ཙམ་ལས་འདས་པར་ནི། །བྱང་ཆུབ་སེམས་ནི་རྣམ་པར་བསྒོམ། །ལྷ་ནི་ཡང་དག་བསྐྱེད་ནས་ནི། །སྔགས་ཀྱི་ཡི་གེ་རྣམ་པར
iiif viewer powered by OpenSeadragon
