| e-texts navigator |
| Wylie |
62a1 མཁའི་ཁམས་ཐམས་ཅད་བཀང་སྟེ། བྱང་ཆུབ་སེམས་དཔའ་ཐམས་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདུད་པ་དང་ལྡན་པར་ཀུན་ཏུ་གནས་པར་གྱུར་ཏོ། །དེ་ནས་དེ
62a2 བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ནས་ཀུན་ཏུ་བཟང་པོ་བྱང་ཆུབ་སེམས་དཔའ་ཆེན་པོ་ལ། དེ་བཞིན་གཤེགས་པ་ཐམས་ཅད་མཆོད་པའི་སྤྲིན་ཆེན་པོ་རྣམས་ཀྱིས་ཡང་དག་པར་མཆོད་དེ་ཕྱག་འཚལ་ནས། བྱང་ཆུབ་ཀྱི་སེམས་རྡོ་རྗེ་ལ
62a3 རབ་ཏུ་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་ཀུན་ཏུ་གང་སྟེ། འོད་ཟེར་དེ་རྣམས་དེ་བཞིན་གཤེགས་པ་ཐམས་ཅད་ཀྱི་འབྱུང་གནས་ཡང་དག་པར་བསྐུལ་བར་གྱུར་ཏོ། །དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་དེ་བཞིན
62a4 གཤེགས་པ་ཐམས་ཅད་བརྟན་པར་མཛད་ནས། ཡེ་ཤེས་ཀྱི་རིགས་འདི་རྒྱས་པར་བྱེད་པའི་རྒྱུ་རང་གི་གཟུགས་རྣམ་པར་སྣང་མཛད་ཀྱི་གཟུགས་སུ་བྱིན་གྱིས་བརླབས་ནས། རང་གི་གཟུགས་ཀྱི་རྣམ་པའི་འོད་ཟེར་རྣམས་ཀྱིས་ཕྱུང་སྟེ་དེ་བཞིན་གཤེགས་པ་ཐམས
62a5 ཅད་ཀྱི་དམ་ཚིག་གི་སྙིང་པོ་ཡེ་ཤེས་རིགས་ཀྱི་ཏིང་ངེ་འཛིན་གྱི་ལེའུ་གསུངས་སོ། །དེ་ཉིད་ཐམས་ཅད་བྱེད་བཞིན་པའི། །བསམ་གཏན་ཀུན་སྦྱོར་མཚན་ཉིད་ཀྱིས། །ཆོ་ག་ཤེས་པས་རབ་ཏུ་བརྩམ། །འདི་ནི་དེ་ཉིད་ཚུལ་དག་པའོ། །ཉི་མའི་དཀྱིལ་འཁོར་མཆོག
62a6 གྱུར་པ། །ཁྲུ་ནི་སྟོང་ཕྲག་བསམ་པར་བྱ། །ཟླ་བའི་དཀྱིལ་འཁོར་དབུས་གནས་པར། །ཝ་ཡིག་དེ་ལ་བསྒོམ་པར་བྱ། །ཀུན་ནས་ཡོངས་སུ་ཟླུམ་པོར་ནི། །མཐེ་ཆུང་མཐོ་ཙམ་བསམ་པར་བྱ། །འབར་བ་དེ་ལ་ཆོ་ག་ཤེས། །སྣ་ཚོགས་ཁ་དོག་རྣམ་པར
62a7 བསྒོམ། །དེར་ནི་འབར་བ་ཡང་དག་སྐྱེས། །སངས་རྒྱས་གཟུགས་ནི་རྣམ་བསྒོམ་བྱ། །ཕྱོགས་རྣམས་ཀུན་ཏུ་ཨོཾ་ཡིག་ནི། །ཁ་དོག་སྣ་ཚོགས་རྣམ་བསམ་བྱ། །རྣམ་སྣང་ལ་སོགས་རྣམ་བསྒོམས་པས། ཆོ་ག་ཤེས་པས་བསྐྱེད་པར་བྱ། ཉི་མའི་དཀྱིལ་འཁོར
iiif viewer powered by OpenSeadragon
