| e-texts navigator |
| Wylie |
61b1 གཟུགས། །ཡི་གེ་ཕྲ་མོ་རྣམ་པར་བསྒོམ། །ཡི་གེ་རྣམས་སུའང་ཐམས་ཅད་དུ། །སངས་རྒྱས་གཟུགས་ནི་རྣམ་བསྒོམ་བྱ། །དེ་རྣམས་དང་ནི་ཡི་གེ་གཉིས། །རང་གཟུགས་རྣམ་པར་མཉམ་བསྒོམ་ལ། །ཉི་མའི་དཀྱིལ་འཁོར་ཚུལ་གྱིས་ནི། །མཁས
61b2 པས་རང་གཟུགས་བསྒོམ་པར་བྱ། །ཇི་སྲིད་ནམ་མཁའ་འགོངས་གྱུར་པ། །ཞིང་འདི་ཁྱབ་པར་གཡོག་པར་བྱ། །ཉི་མའི་དཀྱིལ་འཁོར་ཚུལ་གྱིས་ནི། །རྡོ་རྗེའི་རྣལ་འབྱོར་རྣམ་བསྒོམ་བྱ། །སྦྱོར་རྣམས་སུ། །སངས་རྒྱས་གཟུགས
61b3 ནི་རྣམ་བསྒོམ་བྱ། །ཉི་མའི་དཀྱིལ་འཁོར་ཚུལ་གྱིས་ནི། །འཇིག་རྟེན་ཁམས་འདིར་སྤྲོ་བར་བྱ། །ཇི་སྲིད་ནམ་མཁའ་འགོངས་གྱུར་པའི། །ཞིང་འདི་ཁྱབ་པར་གཡོག་པར་བྱ། །ཟླ་བའི་དཀྱིལ་འཁོར་ཚུལ་གྱིས་ནི། །ཉི་མའི་དཀྱིལ་འཁོར་སྒོམ
61b4 པ་ལས། །ཉི་མའི་དཀྱིལ་འཁོར་ཚུལ་གྱིས་ནི། །སངས་རྒྱས་གཟུགས་ནི་རྣམ་བསྒོམ་པ། །སངས་རྒྱས་གཟུགས་ནི་རྣམ་བསྒོམས་པས། །ཟླ་བའི་དཀྱིལ་འཁོར་རྣམ་བསྒོམ་པ། །ཟླ་བའི་དཀྱིལ་འཁོར་ཚུལ་གྱིས་ནི། །སངས་རྒྱས་གཟུགས
61b5 ནི་རྣམ་བསྒོམ་པ། །ཆོས་ཀྱི་རྒྱལ། །པདྨའི་རྣལ་འབྱོར་ཆོ་ག་ཡིས། །སྒོམ་པ་ཐམས་ཅད་བརྟག་པར་བྱ། །སྒོམ་པ་ལ་སོགས་ཡོངས་འཛིན་ལས། །གཞན་དུ་མཆོད་བྱ་མིན་པ་ཉིད། །སངས་རྒྱས་གཟུགས་ནི་རྣམ་བསྒོམས
61b6 ནས། །ཤིན་ཏུ་བརྟན་པར་བརྟན་པའི་སེམས། །བྱང་ཆུབ་སེམས་ནི་ཡང་དག་བསྐྱེད། །རྒྱུན་དུ་བདག་ཉིད་རྣམ་བསྒོམ་བྱ། །འདི་ནི་རྡོ་རྗེའི་ཚུལ་ཞི་བ། རྣོན་པོ་བཞི་དང་མཉམ་པའི་འོད། །རྡོ་རྗེ་སེམས་དཔའ་རྣམ་བསྒོམས་པས། །ཆོ་ག་ཤེས
61b7 པས་དགང་བར་བྱ། །ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ། །དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ལས་ཕྱུང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ནམ
iiif viewer powered by OpenSeadragon
