| e-texts navigator |
| Wylie |
61a1 ལུས་ཤིན་ཏུ་བརྟན་བྱས་ནས། །འོད་ཀྱི་ཚུལ་གྱི་ཆོ་ག་རྣམས། །སངས་རྒྱས་གཟུགས་ནི་འདུས་པས་ནི། །མཚོན་པས་རྡོར་སེམས་བསྐྱེད་པས་སོ། །ཆོ་ག་ཤེས་པས་རབ་བརྩམས་ན། །དེ་ཡི་དངོས་གྲུབ་རྙེད་མི་དཀའ། །རང་གི
61a2 གཟུགས་ནི་མི་གཡོ་བར། །བྱས་ནས་རྡོར་སེམས་ཆོ་ག་རྣམས། །ཇི་སྲིད་ནམ་མཁའ་དགོངས་གྱུར་པ། །ཆོ་ག་ཤེས་པས་སྤྲོ་བར་བྱ། །སངས་རྒྱས་གཟུགས་དང་རང་གཟུགས་ཤིང་། །བྱས་ནས་ཀུན་སྦྱོར་མཚན་ཉིད་ཀྱིས། །རྣལ་འབྱོར་བསམ
61a3 གཏན་དུས་སུ་ནི། །རྫོགས་བྱ་དེ་ལ་རབ་ཏུ་གཞུག་།རང་གི་གཟུགས་དང་སངས་རྒྱས་གཟུགས། །ཇི་ལྟར་གནས་ལྟར་བློ་དང་ལྡན། །ཇི་ལྟར་རིགས་པར་སྦྱོར་བ་ནི། །རྡོ་རྗེ་སེམས་དཔར་བསྒོམ་པར་བྱ། །དེ་བཞིན་གཤེགས་པ་ཀུན་གྱི་རྗེ། །
61a4 བཅོམ་ལྡན་འདས་ཀྱིས་འདི་གསུངས་སོ། །འབར་བའི་ཕྲེང་བ་འཁྲུགས་པའི་འོད། །རང་ལུས་བསྒོམ་བྱ་རྣལ་འབྱོར་པ། །དེ་ཉིད་རྡོ་རྗེའི་ཚུལ་གྱིས་ནི། །རྡོ་རྗེ་དབྱེར་མེད་དེ་སྒོམ་མོ། །འོད་ལྔ་ཤིན་ཏུ་ཕྱུང་ནས་ནི། །བྱང་ཆུབ་སེམས་ནི་རྣམ་པར
61a5 བསྒོམ། །སྙིང་གར། །སངས་རྒྱས་ཀུན་ནི་མཆོད་པར་བྱ། །དེ་བཞིན་གཤེགས་པ་ཀུན་གྱི་རྗེ། །བཅོམ་ལྡན་འདས་ཀྱིས་འདི་གསུངས་སོ། །འབར་བའི་ཕྲེང་བ་འཁྲུགས་པའི་འོད། །དཀྱིལ་འཁོར་ལྔ་ནི་བསམ་པར་བྱ། །
61a6 སངས་རྒྱས་གཟུགས་ནི་འདུས་པས་ནི། །བཀང་སྟེ་སྔགས་ནི་བསྒོམས་པ་ལས། །སངས་རྒྱས་གཟུགས་བརྙན་ལྟར་བྱས་ནས། །སྒོམ་པའི་བདག་ཉིད་ཅན་བསྒོམ་བྱ། །རང་གི་གཟུགས་ནི་དེར་བསམ་བྱ། །རྟོག་པ་བསྐྱེད་པའི་ཆོ་ག་ལས། །ཐུགས་ལ
61a7 བྱང་ཆུབ་སེམས་ཀྱང་ནི། །བསྒོམ་བྱ་དེ་ལ་རྣལ་འབྱོར་སྐྱེས། །རྡོ་རྗེ་སེམས་དཔས་རྣམ་པར་བརྒྱན། །ཆོ་ག་ཤེས་པས་དབྱུང་བར་བྱ། །དེར་ཡང་རྡོ་རྗེ་སེམས་དཔའ་ལ། །སངས་རྒྱས་གཟུགས་ནི་རྣམ་བསྒོམ་བྱ། །ཆོ་ག་ཤེས་པས་སངས་རྒྱས
iiif viewer powered by OpenSeadragon
