| e-texts navigator |
| Wylie |
60b1 པོ་ཞེས་བྱ་བའི་འཇིག་རྟེན་གྱི་ཁམས་རྣམས་མཁའ་སྣང་གི་འོད་ཟེར་གྱིས་གཡོགས་པར་གྱུར་ཏོ། །ཉི་མའི་དཀྱིལ་འཁོར་ཐམས་ཅད་ཀྱི་འོད་ཟེར་གྱིས་ལྷན་ཅིག་པ་དང་མཐུན་པ་ཙམ་དུའང་མི་བཟོད་པའི་འོད་ཟེར་དུ་བྱས་པ་དེ་ལྟ་ཁོ་ནར་དེ་བཞིན་གཤེགས་པ་ཐམས་ཅད་ཀྱི་འོད་རྡོ་རྗེ་སེམས་དཔའི་འོད
60b2 ཀྱིས་མོག་མོག་པོར་གྱུར་ནས་ཀུན་ཏུ་གནས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཕྱག་ན་རྡོ་རྗེ་ལ་བྱང་ཆུབ་སེམས་དཔའ་དང་། དེ་བཞིན་གཤེགས་པ་ཐམས་ཅད་མཆོད་པའི་སྤྲིན་རྣམས་ཀྱིས་ཡང་དག་པར་མཆོད་དེ། ཀུན་ཏུ་བཟང་པོ་ཞེས་བྱ་བ་བསྐྱེད་དེ་ཅང་མི་གསུང་བའི
60b3 རྣམ་པར་གནས་པར་གྱུར་ཏོ། །དེ་ནས་ཀུན་ཏུ་བཟང་པོ་རྡོ་རྗེ་འཆང་ཆེན་པོ་བྱང་ཆུབ་སེམས་དཔའ་ཐམས་ཅད་ཀྱི་རང་གི་ཐུགས་ལ་བཞག་ནས་ཡེ་ཤེས་ཀྱི་རིགས་དེ་བསྐྱེད་པ་གསང་ཆེན་དང་བཅས་པ་དེ་བཞིན་གཤེགས་པ་ཐམས་ཅད་ཀྱི་གསང་བ་གསལ་བར་བྱེད་པའི་རྒྱུ་རང་གི་ཏིང་ངེ་འཛིན་ལ་སྙོམས་པར
60b4 ཞུགས་ཏེ། ཡེ་ཤེས་ཀྱི་རིགས་རང་གི་ཏིང་ངེ་འཛིན་སྟོན་ཏོ། །ལོགས་བཞི་པ་ལ་ཟུར་བཞི་པ། །རིན་ཆེན་བཞི་དང་ཡང་དག་ལྡན། །འོ་མ་ཞོ་ནི་ཀུན་བཀྲམ་པར། །བྱས་ནས་བསམ་གཏན་ཡང་དག་བརྩམ། །དེ་ཡི་དབུས་སུ་པདྨ་ཆེ། །ཤེལ་དང་ཟླ་བ་མཉམ་པའི་འོད། །གསལ་བའི་དཀྱིལ་འཁོར་ཡང
60b5 དག་ལྡན། །དཀྱིལ་འཁོར་རྒྱུན་དུ་བསྒོམ་པར་བྱ། །འབར་བ་འདུས་པ་དེ་རྣམས་སུ། །སངས་རྒྱས་གཟུགས་ནི་རྣམ་པར་བསྒོམ། །ཀུན་ནས་ཡོངས་སུ་ཟླུམ་པོ་ནི། །ཁྲུ་ནི་ཉི་ཤུ་བསམ་པར་བྱ། །ཆོ་ག་ཤེས་པས་དེ་དབུས་སུ། །རང་གཟུགས་དགེ་བ་བསྒོམ་པར་བྱ། །བདག་དང་བདག་གིར་རྣམ་རྟོག
60b6 པ། །དོར་བའི་བསམ་གཏན་ཡང་དག་བརྩམ། །ཡེ་ཤེས་རིགས་ཀྱི་ཆོ་ག་ཡིས། །གསང་སྔགས་སེམས་ལ་རྗེས་དྲན་བྱ། །ོཾ་སརྦ་ཏ་ཐཱ་ག་ཏཱ་ཛྙཱ་ན་ཀུ་ལ་སྭ་བྷཱ་བཱཏྨ་ཀོུ྅ཧཾ། འདིས་ཕྱག་རྒྱ་མཉམ་པར་འདུས་པས། སྡིག་པ་ཐམས་ཅད་ཡོངས་སུ་དོར་བར་བྱའོ། །འོད་ཟེར་སྟོང་ཕྲག་བཅུ་པ་ནི། །དང་པོར་བསམ་ན
60b7 ཨས་དྲི་མ་དབྱུང་། །ཡེ་ཤེས་རིགས་ཀྱི་ཆོ་ག་ཡིས། །རིག་པའི་རྒྱལ་པོ་རྣམ་པར་བསྒོམ། །འོད་དཀར་ཕྲ་མོ་འབར་བ་ནི། །དེ་ནི་ཀུན་ཏུ་རྣམ་པར་དགོད། །ཐམས་ཅད་དེ་ཉིད་དུ་བྱ་སྟེ། བསྒོམ་པར་བྱ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་བསྐུར་བའི་གསུངས་སོ། །རང
iiif viewer powered by OpenSeadragon
