| e-texts navigator |
| Wylie |
59b1 གསང་བའི་ཆོས་ཀྱི་སྒོ་འདི་ཉིད་སྟོན་པར་མཛད་དོ། །ཡང་དེའི་ཚེ་ན་ལག་ན་རྡོ་རྗེ་རྡོ་རྗེ་འཆང་ཆེན་པོ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་ཐུགས་ལ་རབ་ཏུ་གནས་པ། དེ་བཞིན་གཤེགས་པ་ཐམས་ཅད་ཀྱི་སྤྱོད་པ་ཡང་དག་པར་སྒྲུབ་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྐུའི་ཕྲིན་ལས
59b2 རྗེས་སུ་སྐྱོང་བ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་དགོངས་པ་ཡོངས་སུ་རྫོགས་པར་བྱེད་པ་པོ་སྟེ། དེ་ལྟར་རང་གི་རིགས་ཀྱི་ཆོས་ལ་གནས་པའི་རྣལ་འབྱོར་རྗེས་སུ་འཛིན་པར་གནས་པ་ལས། འདུས་པ་ཆེན་པོའི་དབུས་སུ་རང་གི་ལུས་མི་སྣང་བར་མཛད་དོ། །དེ་ནས་ཕྱོགས་བཅུའི་དེ་བཞིན
59b3 གཤེགས་པ་ཐམས་ཅད་ཀྱིས་ཚོགས་ཀྱི་ནང་ན་བྱང་ཆུབ་སེམས་དཔའ་ཕྱག་ན་རྡོ་རྗེ་མི་སྣང་བར་གྱུར་པ་གཟིགས་ནས་གསུང་དབྱངས་གཅིག་གིས་ཆེད་དུ་རྗོད་པ་འདིས་ཆེད་དུ་བརྗོད་དོ། །ེ་མ་ལག་ན་རྡོ་རྗེ་འཆང་། །བདག་ཅག་ཡོངས་ཀྱི་བྱེད་པ་པོ། །འདུས་པའི་དབུས་ནས་མི་སྣང་བ། །མགོན་ཁྱོད་ད་ལྟ་གང་དུ
59b4 བཞུད། །ཅེས་གསུངས་ནས་ཐམས་ཅད་ཀྱང་སོ་སོའི་མི་ཤིགས་པ་རྡོ་རྗེ་རིན་པོ་ཆེ་མཆོག་གི་བྱིན་གྱིས་བརླབས་པའི་གནས་སུ་ཅང་མི་གསུང་བར་བཞུགས་སོ། །དེ་ནས་ལག་ན་རྡོ་རྗེ་རྡོ་རྗེ་འཆང་ཆེན་པོ་དེས། དེ་བཞིན་གཤེགས་པ་ཐམས་ཅད་ཀྱི་གནས་ལྔ་ལས་བྱུང་སྟེ་བཅོམ་ལྡན་འདས་རྣམ་པར་སྣང་མཛད་ཆེན་པོའི
59b5 སྐུར་བཞེངས་ལ། དེ་བཞིན་གཤེགས་པ་ཐམས་ཅད་ཀྱི་ཐུགས་ཉི་མའི་དཀྱིལ་འཁོར་ཆེན་པོར་སྣང་བ་དེ་དཔག་ཚད་སྟོང་ཕྲག་གི་ཚད་དུ་ཉི་མའི་དཀྱིལ་འཁོར་ཆེན་པོར་བྱིན་གྱིས་བརླབས་ནས། དེའི་དབུས་སུ་གནས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སླར་ཡང་འདུས
59b6 པར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་རྗེ་བོ་ལ་གསོལ་བ་བཏབ་བོ།། །།རྡོ་རྗེ་ཆོས་ཕྱིར་ཁྱོད་ལེགས་སོ། །རྡོ་རྗེའི་སྤྱན་ཕྱིར་ཁྱོད་ལེགས་སོ། །རྡོ་རྗེ་ཡེ་ཤེས་ཕྱིར་ཁྱོད་ལེགས། །སངས་རྒྱས་ཡེ་ཤེས་ཕྱིར་ཁྱོད་ལེགས། །གོང་བཞིན་དུ་སྦྱར་རོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྣམས
59b7 ཐམས་ཅད་བཅོམ་ལྡན་འདས་རྡོ་རྗེ་འཆང་ཆེན་པོ་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །སངས་རྒྱས་ཀུན་ལ་ཕན་པར་མཛད། །སེམས་ཅན་མགོན་ལ་གསོལ་བ་ནི། །ཁྱབ་བདག་ཐེག་པ་ཆེན་པོའི་ཚུལ། །ཐེག་པའི་མཆོག་ནི་བསྟན་དུ་གསོལ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས
iiif viewer powered by OpenSeadragon
