| e-texts navigator |
| Wylie |
59a1 རླབས་ཀྱིས་ལྷའི་རྒྱལ་པོའི་ཁང་བཟང་དེ་ནི། ནོར་བུ་རིན་པོ་ཆེའི་ཁང་བརྩེགས་དང་། ནོར་བུ་རིན་པོ་ཆེ་ཆེན་པོའི་ཏོག་དང་། ཁ་དོག་སྣ་ཚོགས་རྣམ་པར་བཀྲ་བའི་དར་དཔྱངས་དང་། འཕན་དང་། གདུགས་དང་། རྒྱལ་མཚན་དང་། བླ་བྲེས་དང་། རིན་པོ་ཆེ་སྣ་ཚོགས་ཀྱི་རྒྱན་ཕྲེང་དང་།
59a2 དྲ་བ་དང་། དྲ་བ་ཕྱེད་པ་དང་། རྔ་ཡབ་དང་། མེ་ཏོག་གི་ཆུན་པོ་དང་། དྲིལ་བུ་དང་། དར་གྱི་ལྡ་ལྡི་རླུང་གིས་བསྐྱོད་པ་ལ་སོགས་པའི་རྒྱན་བཀོད་ཕུན་སུམ་ཚོགས་པ་དང་ལྡན་ཏེ། དཔེར་ན་ཟླ་བའི་དཀྱིལ་འཁོར་ཆ་ཤས་ཡོངས་སུ་རྫོགས་པ་བཞིན་དུ་ཀུན་ནས་མཛེས་པར་གྱུར་ཏོ། །སྟོན་པ་བཅོམ་ལྡན་འདས་ནི
59a3 དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་བྱིན་གྱིས་བརླབས་པའི་དམ་ཚིག་གི་ཡེ་ཤེས་རྣམ་པ་སྣ་ཚོགས་པ་ཁྱད་པར་འཕགས་པ་དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཅོད་པན་གྱིས་ཁམས་གསུམ་གྱི་ཆོས་ཀྱི་རྒྱལ་པོར་དབང་བསྐུར་བ་བརྙེས་པ། དེ་བཞིན་གཤེགས་པ་ཐམས་ཅད་ཀྱི
59a4 ཐམས་ཅད་མཁྱེན་པའི་ཡེ་ཤེས་དང་ལྡན་པའི་རྣལ་འབྱོར་ཆེན་པོའི་དབང་ཕྱུག་ཡོངས་སུ་རྫོགས་པ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཆོས་ཐམས་ཅད་མཉམ་པ་ཉིད་ཐུགས་སུ་ཆུད་པ། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བའི་ཕྲིན་ལས་སྣ་ཚོགས་མཛད་པ། ཐུགས་རྗེ་ཆེན་པོའི
59a5 བདག་ཉིད་རྣམ་པར་སྣང་མཛད་ཆེན་པོ་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་མཉམ་པ་ཉིད་ལ་དུས་གསུམ་དུ་རྟག་པར་བཞུགས་པ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ཀྱི་རེ་བ་ཡོངས་སུ་སྐོང་བར་མཛད་ཅིང་། དེ་བཞིན་གཤེགས་པ་ཐམས་ཅད
59a6 ཀྱིས་བསྟོད་ཅིང་བསྔགས་པ་དང་། དེ་བཞིན་གཤེགས་པ་ཐམས་ཅད་ཀྱིས་ཆོས་ཀྱི་འཁོར་ལོ་བསྐོར་བར་གསོལ་བ་བཏབ་པ་ལ་བདག་གིར་མཛད་དོ། །གཞན་ཡང་ཕྱོགས་བཅུའི་འཇིག་རྟེན་གྱི་ཁམས་ནས་འདུས་པའི་གངྒཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་དང་ཐབས་ཅིག་སྟེ། དཔེར་ན
59a7 ཏིལ་གྱི་གང་བུས་ཛམཱུའི་གླིང་ཡོངས་སུ་གང་བ་བཞིན་ནོ། །དེ་བཞིན་གཤེགས་པའི་སྐུ་རེ་རེ་ལས་ཀྱང་གཞལ་དུ་མེད་ཅིང་གྲངས་སུ་མ་མཆིས་པའི་དེ་བཞིན་གཤེགས་པའི་ཞིང་སྣང་བར་གྱུར་ཅིང་། སངས་རྒྱས་ཀྱི་ཞིང་དེ་དག་ཐམས་ཅད་ན་ཡང་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་མཆོག་ཏུ
iiif viewer powered by OpenSeadragon
