| e-texts navigator |
| Wylie |
58a1 འབྱེད་པའི་ཆོ་ག་དང་། །གཏོར་མ་རྡོ་རྗེའི་བཟླས་པ་དང་། །དྲག་ཤུལ་སྒྲུབ་པའི་ཆོ་ག་དང་། །རབ་ཏུ་གནས་དང་དཀྱིལ་འཁོར་སྒྲུབ། །གསང་བའི་དེ་ཉིད་བཅུ་ཡིན་ནོ། །དཀྱིལ་འཁོར་ཏིང་འཛིན་ཕྱག་རྒྱ་དང་། །སྟང་སྟབས་འདུག་སྟངས་བཟླས་བརྗོད་དང་། །སྦྱིན་སྲེག་མཆོད་པ་ལས
58a2 སྦྱོར་དང་། །སླར་སྡུད་པ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཡང་དག་དེ་ཉིད་དངོས་པོ་མི་ཤེས་པར། །གསང་སྔགས་སྨྲ་བ་པོ་ཡིན་ཞེས་བརྗོད་པ། །དེ་དག་མངོན་པའི་ང་རྒྱལ་གསང་སྔགས་ཆོ་ག་འཆད། །དེ་ནི་དམ་ཉམས་འདི་དང་ཕ་རོལ་བརླག་།ཉམས་པས་བདུད་ཀྱིས་བཟུང་ནས་ཤི་ནས་དམྱལ་བར
58a3 འགྲོ། །སེམས་ཅན་རྣམས་ལ་རབ་བརྟེན་ཏོ། །བྱང་ཆུབ་དམ་པ་ཐོབ་འགྱུར་བ། །སེམས་ཅན་སླུ་བར་མི་བྱ་སྟེ། །བདེ་གཤེགས་ལས་ལ་སེམས་ཅན་སྦྱར། །གང་ཞིག་སྦྱོར་འདི་མི་བརྩོན་པས། །རྐང་ལག་མིག་སོགས་སྦྱིན་པ་དང་། །དཀའ་ཐུབ་ཅི་འདྲ་སྤྱད་བྱས་ཀྱང་། །བདུད་རྩི་རོ་ཐོབ་མི་ནུས་སོ། །
58a4 རྣལ་འབྱོར་གཅིག་ཅིག་ཤེས་བྱས་ནས། །དབེན་པར་སོང་སྟེ་རབ་འབད་ན། །སྡིག་དག་ཚེ་འདིར་སངས་རྒྱས་འགྲུབ། །ཆོས་བདག་མེད་པར་རབ་བསྒོམས་པས། །ཐམས་ཅད་མཁྱེན་པ་ཁོང་དུ་ཆུད། །ཐབས་ཤེས་གཉིས་ཀྱི་འཇོ་སྒེག་གིས། །གསང་བ་ལྔ་ཡི་བདག་ཉིད་མཆོད། །དངོས་པོ་ཐམས
58a5 ཅད་དངོས་མེད་པར། །བཞི་བཅུའི་དོན་ནི་རྟོགས་པ་དང་། །རྡོ་རྗེ་པདྨའི་དབང་བསྐུར་བས། །བདུད་རྩི་ཡིས་ནི་དགའ་བར་བྱེད། །གསང་བར་བྱ་བའི་ཆོས་གསང་བས། །གསང་ཞིང་སྦས་ཏེ་སྤྱད་པར་བྱ། །འདོད་པའི་ཡོན་ཏན་ལྔ་ལས་ནི། །རྣལ་འབྱོར་སེམས་པས་སྤྱད་བྱ་ཞིང་། དེ་བཞིན་བཟའ
58a6 དང་བཏུང་བྱས་ནས། །སེམས་ཅན་ཐམས་ཅད་དབང་དུ་བྱེད། །འདི་ལ་ཁྲུས་དང་གཙང་སྦྲ་མེད་དེ་མཆོད་ཕྱིར་ཐོགས་པའང་མེད། །དཀྱིལ་འཁོར་སྦྱིན་སྲེག་མེད་དེ་དུས་དང་གཟའ་ཚེས་མེད། །གཏོར་མ་ལ་སོགས་བྱ་བར་བྱ་བ་མེད་དེ་མཆོག་གི་རབ་མཆོག་དང་པོའོ།། །།རྡོ་རྗེ་སེམས
58a7 དཔའི་སྒྲུབ་པ་ཡང་དག་འདི་ཉིད་ཡིན་ཏེ་བརྩོན་པར་བྱ། །དེ་ནས་མཁའ་འགྲོ་དེ་དག་ཐམས་ཅད་རབ་ཏུ་དགའ་ནས། བཅོམ་ལྡན་འདས་རྡོ་རྗེ་འཛིན་པ་ཆེན་པོ་ལ་ལེགས་སོ་ཞེས་གསོལ་ཏེ། ལེགས་སོ་ལེགས་སོ་བདེ་བྱེད་ཆེ། ལེགས་སོ་ལེགས་སོ་ཡེ་ཤེས་ཆེ། ལེགས་སོ་ལེགས་སོ་བདེ་བ་ཆེ། །
iiif viewer powered by OpenSeadragon
