| e-texts navigator |
| Wylie |
57b1 བདེ་བར་གཅིག་ཏུ་བསྡུས་པར་གྱུར་ཏེ། རང་རང་གི་སྐུ་བུད་མེད་ཀྱི་ཚུལ་དུ་བསྐྱེད་ནས་བཅོམ་ལྡན་འདས་ཀྱི་ཐུགས་ཀ་ནས་མངོན་པར་བྱུང་བར་གྱུར་ཏོ། །དེ་ནས་མཁའ་འགྲོའི་ཚོགས་དེ་དག་ཐམས་ཅད་རབ་ཏུ་དགའ་ནས་ཅ་ཅོའི་སྒྲ་ཡང་དག་པར་འབྱིན་ཅིང་དབྱངས་ཆེན་པོ་བརྗོད་པར
57b2 གྱུར་ཏོ། །ཀྱེ་མའོ་རྡོ་རྗེ་སེམས་དཔའ་ཡི། །རྡོ་རྗེ་ཤིན་ཏུ་དགྱེས་ཆེན་པོ། །ཀྱེ་མའོ་སྣ་ཚོགས་ཐབས་ནི་བདེ་བྱེད་ཆེ། །སྣ་ཚོགས་ཡེ་ཤེས་བདེ་བ་ཆེ། །ཀྱེ་མའོ་ཀུན་དུ་བཟང་པོ་ཡི། །དགེ་བའི་ཡེ་ཤེས་བདེ་བྱེད་ཆེ། །གང་བདེའི་ཕྱིར་ནི་རིག་མ་ཡི། །པདྨ་ལ་ནི་གནས་པར
57b3 མཛོད། །ཀྱེ་མའོ་རིག་པ་ཤིན་ཏུ་ཟབ། །ཤེས་རབ་ཕ་རོལ་ཕྱིན་མ་འདི། །སེམས་ཅན་ཀུན་ལ་ཤེས་རབ་ཀྱི། །མུན་པ་ཐིབས་པོ་སེལ་བར་མཛད། །ཀྱེ་མའོ་ཐམས་ཅད་ངོ་མཚར་ཆེ། །མཁའ་འགྲོ་འདྲ་བར་གར་མཛད་ཅིང་། །རྣམ་པར་སྣང་མཛད་མྱང་བ་དང་། །མཉེ་བ
57b4 དང་ནི་འཕྲོག་པ་མཆོག་། ཀྱེ་མའོ་ཤིན་ཏུ་རབ་ཏུ་དགྱེས། །སྐལ་ལྡན་སྐལ་སྤྱོད་པ་དང་ནི། །སྣ་ཚོགས་སྐལ་བས་བདེ་བྱེད་ཆེ། །སྣ་ཚོགས་རྡོ་རྗེ་ཤིན་ཏུ་མཛེས། །དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོས་ཏིང་ངེ་འཛིན་ལས་བཞེངས་ཏེ་འཁོར་གྱི
57b5 དཀྱིལ་འཁོར་ལ་རྣམ་པར་བལྟས་ཏེ་འདི་སྐད་ཅེས་བཀའ་སྩལ་ཏོ། །ཱ་ལི་དང་ནི་ཀཱ་ལི་དང་། །དེ་བྱུང་ཟླ་བ་རྣམ་པ་གཉིས། །མེ་ལོང་ལྟ་བུའི་ཡེ་ཤེས་ཏེ། །གཅིག་ཏུ་གྱུར་པ་མཉམ་ཉིད་དོ། །ས་བོན་མཚན་མར་གྱུར་པ་ནི། །སོ་སོར་རྟོག་པར་ངས་བཤད་དོ། །དེ་བྱུང་སངས་རྒྱས་ཐམས་ཅད་ཀྱིས། །འགྲོ
57b6 དོན་བྱེད་པ་བྱ་ནན་ཏན། །གཟུགས་བརྙན་རྫོགས་པ་ཆོས་དབྱིངས་ཏེ། །ལྷ་ཡི་དབང་པོ་སངས་རྒྱས་བསྐྱེད། །དེ་ལ་བར་མས་ཁུ་བས་བསྐྱེད། །བསྐུར་བས་རང་གི་ལྷར་བསྐྱེད་ནས། །བྱིན་གྱིས་བརླབ་པ་བྱ་བ་ནི། །རྒྱུད་རྣམས་ཀྱི་ནི་ཐུན་མོང་ངོ་། །གསང་དང་གསང་ཆེན་ཤིན་ཏུ་གསང་། །རྣལ་འབྱོར
57b7 རྣལ་འབྱོར་ཆེན་པོ་དང་། རྗེས་སུ་རྣལ་འབྱོར་ཞེས་བྱ་དང་། སྟོང་པ་དང་ནི་ཤིན་ཏུ་སྟོང་། ཆེན་པོ་སྟོང་པ་ཞེས་བྱ་དང་། །དགའ་དང་དགའ་བ་བར་མ་དང་། །དགའ་བྲལ་གྱི་ནི་དགའ་བ་རྣམས། །རྒྱུད་རྣམས་ཀུན་གྱི་སྤྱི་བོའོ། །ཕྱིར་བཟློག་གཉིས་ཀྱི་ཆོ་ག་དང་། །གསང་དང་ཤེས་རབ་ཡེ་ཤེས་དང་། །ཁ་སྦྱོར
iiif viewer powered by OpenSeadragon
