| e-texts navigator |
| Wylie |
57a1 གཏི་མུག་ཐམས་ཅད་འོད་གསལ་བ། །མཁའ་འགྲོ་སངས་རྒྱས་ཆེན་པོ་སྟེ། །གཟུགས་སྣང་ཆོས་ནི་རྣམ་དག་པ། །བདེ་གཤེགས་མཁའ་འགྲོ་ཁྱོད་ཕྱག་འཚལ། །ང་རྒྱལ་ཐམས་ཅད་འོད་གསལ་བ། །མཁའ་འགྲོ་རེ་འདོད་སྐོང་བ་སྟེ། །སིམ་སོགས་ཆོས་ནི་རྣམ་དག་པ། །
57a2 རིན་ཆེན་མཁའ་འགྲོ་ཁྱོད་ཕྱག་འཚལ། །འདོད་ཆགས་ཐམས་ཅད་འོད་གསལ་བ། །སྐྱོན་གྱིས་གོས་མེད་མཁའ་འགྲོ་ཆེ། །མཚན་མར་འཛིན་པ་རྣམ་དག་པ། །པདྨ་མཁའ་འགྲོ་ཁྱོད་ཕྱག་འཚལ། །ཕྲག་དོག་ཆོས་ནི་འོད་གསལ་བ། །མཁའ་འགྲོ་སྣ་ཚོགས་ལས་བྱེད་པ། །མངོན་པར
57a3 འདུ་བྱེད་ཆོས་ཀུན་དག་། སྣ་ཚོགས་མཁའ་འགྲོ་ཕྱག་འཚལ་བསྟོད། །མཚན་མཆོག་འདི་ཡིས་ཁྱོད་བསྟོད་པས། །གང་ཟག་དེ་ཡང་བསོད་ནམས་ཚོགས། །ཡེ་ཤེས་ཚོགས་ཆེན་ཡོངས་རྫོགས་ནས། །སངས་རྒྱས་འགྱུར་བར་ཐེ་ཚོམ་མེད། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས
57a4 ཀུན་དུ་བཟང་པོའི་བདེ་བ་ཆེན་པོ་ནམ་མཁའི་དབྱིངས་ཐམས་ཅད་དུ་ཁྱབ་པའི་བདག་ཉིད་ཆེན་པོས། དེ་བཞིན་གཤེགས་པ་ཐམས་ཅད་ཀྱི་སྙིང་པོ་མི་ཤིགས་པའི་ཟླ་བ་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་ཐུགས་ཀའི་མི་ཤིགས་པའི་ཐིག་ལེ་ལས་ཤིན
57a5 ཏུ་དགྱེས་པ་ཆེན་པོ་ཞེས་བྱ་བའི་འོད་ཟེར་གྱི་ཚོགས་ཕྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ཟླ་བའི་ཐིག་ལེའི་དབུས་སུ་རྒྱས་པར་བྱས་ཏེ། ནམ་མཁའི་དབྱིངས་ཐམས་ཅད་དུ་ཡང་སྣང་བར་བྱས་ནས་སྟེང་འོག་ཏུ་ཡང་བཞུགས་ཏེ། མ་ལུས་ཤིང་ལུས་པ་མེད་པའི་རི
57a6 དང་སེམས་ཅན་ཐམས་ཅད་ལ་གསལ་བར་བྱས་ནས་ཤིན་ཏུ་དགྱེས་པ་ཆེན་པོའི་བདེ་བས་མཉེས་པར་བྱས་ཏེ་སླར་ལོག་ནས་བཅོམ་ལྡན་འདས་ཤིན་ཏུ་དགྱེས་པ་ཆེན་པོའི་བདེ་བའི་བདག་པོའི་སྙིང་པོའི་མཆོག་གི་ཟླ་བའི་ཐིག་ལེའི་དབུས་ན་བདེ་བར་ཞུགས་སོ། །དེ་ནས་བཅོམ་ལྡན་འདས
57a7 ད་ཨེ་བཞིན་གཤེགས་པ་ཐམས་ཅད་འོད་ཟེར་གྱི་ཚོགས་ཀྱི་ཕྲེང་བ་མཆོག་ཏུ་བདེ་བར་གྱུར་པའི་སྙིང་པོ་དེས་བསྐུལ་བ་ན་གར་མཛད་ཅིང་རང་རང་གི་ཏིང་ངེ་འཛིན་དུ་དམིགས་ནས་བཅོམ་ལྡན་འདས་དཔལ་ཀུན་དུ་བཟང་པོའི་ཐུགས་ཀའི་ཟླ་བའི་ཐིག་ལེའི་དབུས་སུ་གསང་བའི་དགྱེས་པ་ཆེན་པོའི
iiif viewer powered by OpenSeadragon
