| e-texts navigator |
| Wylie |
56a1 འདི་ནི་བདེ་གཤེགས་བདེ་མཛད་པ། །ཁྱོད་ནི་འདི་ལས་རབ་བྱུང་ངོ་། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་དམིགས་པ་དང་བཅས་པའི་ཤེས་རབ་ཀྱི་མཚན་ཉིད་བརྟག་པའི་ལེའུ་སྟེ་ལྔ་པའོ།། །།དེ་ནས་ཡང་ནི་བཤད
56a2 བྱ་བ། །དངོས་ཀུན་ཆོ་ག་ཤེས་མེད་ན། །སྒྲུབ་པོ་དངོས་གྲུབ་འབྱུང་མི་འགྱུར། །དེ་ཕྱིར་འདིར་ནི་བརྟུལ་ཞུགས་བསྟན། །སྦྱོར་བའི་རྩོལ་བ་ཐམས་ཅད་ནི། །དེ་ཉིད་རིག་པས་སྤང་བར་བྱ། །རྡོ་རྗེ་སེམས་དང་ངེས་འདུག་པ། །སྤངས
56a3 ནས་གཞན་དུ་མི་བྱའོ། །དག་པ་དེ་ཉིད་ལ་གནས་པས། །སྦྱོར་བ་རྣམས་ཀྱང་མི་བྱ་སྟེ། །བདག་མེད་གནས་པའི་སྦྱོར་བ་ཡིས། །ཅི་སྲིད་བར་དུ་སོ་སོར་བརྟག་།དངོས་མེད་གོ་འཕང་ལ་གནས་དང་། །ཐབས་བཟང་དག་དང་ལྡན་པ་ཡིས། །
56a4 རྒྱུད་ལས་གང་ཅི་འབྱུང་བ་རྣམས། །མ་བརྟགས་པས་ནི་འབྱུང་བར་འགྱུར། །སྒོམ་པའི་སྦྱོར་བའི་སྟོབས་ཀྱིས་ནི། །དངོས་གྲུབ་མཚན་ཉིད་གང་ཡང་རུང་། །དེ་ཀུན་སྐད་ཅིག་ཙམ་ལ་ནི། །རང་ཉིད་གནས་པར་གྱུར་པ་ཡིན། །དེ་བས་དགེ་སློང
56a5 དངོས་གནས་དང་། །དེ་བཞིན་རྟོག་གེ་རྒན་པོ་དང་། །རང་གི་བུ་དང་རྒྱལ་པོ་ལ། །དེ་ཉིད་ཡང་དག་བཤད་མི་བྱ། །ཇི་ལྟར་མར་མེ་བུམ་ནང་གནས། །ཕ་རོལ་དུ་ནི་འོད་མི་གསལ། བུམ་པ་དེ་ཉིད་ཆག་གྱུར་ན། དེ་འོག་མར་མེ་གསལ་བར
56a6 འགྱུར། དེ་བཞིན་རང་ལུས་བུམ་པ་ཉིད། །བླ་མའི་ཁ་ཡིས་ལེགས་བཅག་ནས། །དེ་ཉིད་མར་མེ་ཉིད་ལྟ་བུ། །སྦྱོར་བའི་དེ་ཉིད་སྟོན་པ་ཡིན། །སྦྱོར་བ་དེ་ཉིད་ལ་གནས་ན། །གང་ཚེ་བསྟན་པ་མི་རྟག་ལ། །གནས་ཤིང་འཇིག་རྟེན་པ་སྤངས
56a7 ཏེ། །སྤྱོད་པ་ཐམས་ཅད་བྱས་ན་ནི། །དེ་ལ་དེ་ཚེ་སངས་རྒྱས་གཟིགས། །ཀུན་དུ་ཐེ་ཚོམ་གཅོད་པ་ཡིས། །རིག་པས་བྱིས་པ་བཞིན་དུ་སྤྱད། །གང་ཚེ་ཆགས་མེད་རྣལ་འབྱོར་པ། །དེ་ཚེ་ཕུན་སུམ་ཚོགས་འཕེལ་འགྱུར། །སྡིག་པ་མ་ལུས
iiif viewer powered by OpenSeadragon
