| e-texts navigator |
| Wylie |
55b1 ཐུན་རུང་ཁྲོ་བག་དང་བཅས་པ། །ཆགས་མིན་ལྟ་བྱེད་ངོ་གནག་པ། །དཀར་འཆང་གཡས་གཡོན་དགྱེ་བ་སྟེ། །འདི་རྣམས་ཡང་དག་ཕྲད་གྱུར་ན། །སྒྲུབ་པ་པོ་ལ་ཚེ་འདི་རུ། །དངོས་གྲུབ་ཡང་དག་སྟེར་བ་སྟེ། །དེ་བས་འདི་རྣམས་འབད
55b2 པས་བཙལ། །ཡང་དག་རྙེད་ནས་གང་རུང་དུ། །བ་ལང་བཟའ་ནི་མདའ་ཡི་ནང་། །བཏུང་བས་ཤེལ་ཁམས་རྣམ་པར་འཕེལ། །དེ་ནི་ཐབས་ཀྱིས་སྟེར་བ་ཡིས། །ཡང་དག་ཏུ་ནི་རང་བཞིན་བརྟག་།རང་བཞིན་ནམ་མཁའ་ལྟ་བུ་སྟེ། །དངོས
55b3 པོ་ཐམས་ཅད་ཟད་པ་སྟེ། །རྣམ་པར་རྟོག་པ་ཐམས་ཅད་དང་། །བྲལ་བའི་དགའ་བ་ཡང་དག་ཟབ། །བསམ་མེད་ཟད་མེད་ཕྲ་མོ་སྟེ། །དམ་པ་ཞི་བ་རྣམ་དག་པ། །འཆི་མེད་རྡོ་རྗེ་བདུད་རྩི་བརྗོད། །གང་གི་དབུས་སུ་འདབ་བརྒྱད་པ། །
55b4 སྙིང་པོ་ལྔ་ཡིས་ཡང་དག་བརྒྱན། །དེ་དབུས་དེ་གནས་ཆ་ནས་ལྔ། །ཆ་གཉིས་པ་ནི་བརྒྱད་མཐར་དབྱུང་། །སུམ་ཅུ་བཅུ་པ་ལྔ་ཡི་ནི། །ཆ་གཉིས་ལྔ་པ་དྲུག་པ་ཡི། །ཐིག་ལེ་རུ་ནི་གཞུག་པ་སྟེ། །སྐྱེས་བུ་གང་གིས་དེ་ལ་ནི། །མིག་གི་འོད
55b5 ཟེར་གྱིས་བལྟ་བ། །དེ་ལ་ཅི་བཞིན་གནས་པ་ཡི། །ཡེ་ཤེས་སྐྱེ་བར་ཐེ་ཚོམ་མེད། །ནམ་ཞིག་འགོག་པའི་སེམས་གྱུར་ན། །སངས་རྒྱས་ཀུན་གྱི་མཆོག་འཛིན་པ། །དཔལ་ལྡན་མཁའ་འགྲོ་འདྲ་བར་འགྱུར། །དེ་རིང་ཕན་ཆད་བུ་ཁྱོད་ནི། །
55b6 དཀྱིལ་འཁོར་ཡང་དག་འདྲི་བ་དང་། །སྒྲུབ་པོ་རྒྱུད་ལ་སྦྱོར་བ་ཡི། །སློབ་དཔོན་ཆེན་པོ་ཉིད་དུ་འགྱུར། །འདི་ནི་སངས་རྒྱས་ཀུན་གྱིས་ཀྱང་། །དབང་བསྐུར་བར་ནི་རབ་བསྔགས་ཏེ། །ཐམས་ཅད་སྔགས་ནི་སྒྲུབ་འགྱུར་ཏེ། །ལས་མཆོག་ཁྱད
55b7 པར་ཅན་ཡང་འགྲུབ། །བུ་མོ་འདི་ནི་ཁྱོད་དང་མཐུན། །སེམས་ཅན་ཁྱོད་ཀྱིས་འདོད་པ་གྱིས། །ཡིད་དུ་འོང་བའི་རིག་མ་འདི། །བདེ་གཤེགས་ཀུན་གྱིས་ཁྱོད་སྤྱོད་གནས། །སྟོང་པ་ལ་ནི་སེམས་སྦྱོར་ན། །ཁྱོད་ནི་ཡང་དག་དམ་པར་འགྱུར། །
iiif viewer powered by OpenSeadragon
