| e-texts navigator |
| Wylie |
54b1 མ་དགའ་བ་དད་མོས་ཅན། །ཤིན་ཏུ་རྒྱན་གྱིས་རབ་བརྒྱན་པ། །དད་ལྡན་སྦྱོར་བ་ལ་གོམས་པ། །གཟུགས་བཟང་འདོད་ཆགས་ཀྱིས་མྱོས་བྱེད། །ཤིན་ཏུ་དུལ་བ་ཁྱད་པར་ཅན། །བཀུར་བའི་གནས་སུ་ཡང་དག་བླངས། །དགེ་དང་བསྒོམ་པ
54b2 ལ་དགའ་བ། །རྟག་ཏུ་བླ་མ་ལ་གུས་པའི། །སློབ་མས་བླ་མ་འདི་ལྟར་བལྟ། །བླ་མ་སངས་རྒྱས་ཀུན་དང་མཉམ། །དེ་ཉིད་རྟག་ཏུ་རྡོ་རྗེ་འཆང་། །དེ་བཞིན་གཤེགས་པ་རིན་ཆེན་འབྱུང་། །དེ་ནི་ཡེ་ཤེས་རྒྱ་མཚོ་ཆེ། །ཡིད་བཞིན་ནོར
54b3 བུ་རིན་ཆེན་སྦྱིན། །དེ་ཡི་ཡོན་ཏན་ཐམས་ཅད་གཟུང་། །སྐྱོན་ཀུན་སེམས་ཀྱིས་ཀྱང་མི་བསམ། །ཡོན་ཏན་བཟུང་ནས་དངོས་གྲུབ་འཐོབ། །སྐྱོན་གྱིས་དངོས་གྲུབ་ཉམས་པར་བྱེད། །མཆོད་རྟེན་བཤིག་དང་སྡིག་འདྲའི་ཕྱིར། །དེ་ཡི་གྲིབ
54b4 མའང་མི་འགོམ་སྟེ། །སྟན་དང་ལྷམ་དང་བཞོན་པ་དང་། །འགོམ་པར་བྱ་བ་སྨོས་ཅི་དགོས། །རྒྱུ་བ་དང་ནི་མི་རྒྱུ་བའི། །མཆོག་ཀུན་དེ་ཡིས་སྤངས་པར་འགྱུར། །སློབ་དཔོན་སྨོད་པར་བྱེད་པ་དེ། །རྨི་ལམ་དུ་ཡང་མཐོང་མི་བྱ། །དེ་ནི་བགེགས
54b5 དང་ལོག་འདྲེན་འཛིན། །རིམས་དང་སྤྱུག་དང་གཤིན་རྗེས་འཛིན། །འཆི་བར་རབ་ཏུ་འགྱུར་བ་སྟེ། །ངན་པ་གཏུམ་པོ་བླུན་ཆེན་ཏེ། །ཕྱོགས་བཞི་དག་ཏུ་སོང་གྱུར་ཡང་། །བློ་ལྡན་རྣམས་ཀྱིས་མི་བསྲུང་བར། །མདུང་ལ་སོགས་པའི་མཚོན
54b6 ཆ་ཡིས། ཁ་ན་མ་ཐོ་བྱེད་པ་བསད། །མདོ་སོགས་བསྟན་པའི་དམྱལ་བ་རུ། །སློབ་དཔོན་སྨོད་པར་བྱེད་པ་དེ། །གནས་པར་འགྱུར་བར་ང་ཡིས་བསྟན། །དེ་བས་བླ་མའི་ཞབས་དྲུང་དུ། །བག་མ་བཞིན་དུ་ངོ་ཚ་བསྲུང་། །གླལ་དང་དགོད
54b7 དང་ལུད་པ་སོགས། །ཁ་ལ་ལག་པས་བཀབ་ནས་སུ། །ཤིན་ཏུ་འཇམ་པར་སྨྲ་བར་བྱ། །མགོ་ཐོད་བཅིང་དང་མཚོན་བྱུག་པ། །བླ་མའི་དྲུང་དུ་མི་བྱའོ། །བྲོ་བརྡུང་བ་དང་བརྐམ་ཚིག་དག་།ཐོས་པའི་ཡུལ་ནས་མི་བྱའོ། །མདུན
iiif viewer powered by OpenSeadragon
