| e-texts navigator |
| Wylie |
54a1 བ། །དེ་ནས་སྦྲུལ་ནག་ལྟ་བུ་རུ། །རོ་ཡི་ཁ་ནས་འབྱུང་བར་བྱེད། །དེ་དེ་སྒྲུབ་པོས་ཁ་ཡིས་བླང་། །བྱུང་སྟེ་གསེར་གྱི་རལ་གྲིར་འགྱུར། །དེ་ཐོགས་ཚངས་པའི་འཇིག་རྟེན་ཁམས། །སྟེང་དུ་ངེས་པར་འགྲོ་བར་བྱེད། །དེ་བཞིན
54a2 ཀུན་དུ་འགྲོ་བར་བྱེད། །དེ་བཞིན་རྫས་ཀུན་གང་ལ་བསྟན། །ཐམས་ཅད་གསེར་འགྱུར་རྩི་ལྟ་བུ། །དེ་བཞིན་ཐབས་སྒྲུབ་དེ་བྱ་ན། །རོ་ནི་སྔ་མཁོ་བཞིན་འགྱུར་ཏེ། །དེ་ཡིས་སྦྱིན་སྲེག་རབ་བྱས་ནས། །དཀྱིལ་འཁོར་ཡང་དག་ཚིམ་པར་བྱ། །
54a3 དེ་བས་འདི་ནི་སྒྲུབ་པའི་མཆོག་།དོན་ཀུན་ཡང་དག་འགྲུབ་བྱེད་པ། །ལས་ཐམས་ཅད་ཀྱི་གཙོ་བོ་སྟེ། །བཅོམ་ལྡན་རྡོ་རྗེ་སེམས་དཔས་གསུངས། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རོ་ལངས་ཆེན་མོའི་ལེའུ་སྟེ་བཅུ་གསུམ་པའོ།། །།
54a4 ད་ནི་ང་ཡིས་སྒྲུབ་པོ་ཡི། །དངོས་གྲུབ་སློབ་དཔོན་ལས་བྱུང་ཕྱིར། །རྒྱུད་རྣམས་ཀུན་ལས་གསུངས་པ་ཡི། །སློབ་དཔོན་བཀུར་བའི་ཆོ་ག་བཤད། །སློབ་དཔོན་མེད་པར་གྱུར་ན་ནི། །དངོས་གྲུབ་ཐོབ་པར་མི་འགྱུར་བས། །སློབ་དཔོན་གྲངས་དང
54a5 མཚན་ཉིད་ནི། །ཡིད་གཅིག་བསྡུས་ལ་མཉན་པར་གྱིས། །དམ་སྡོམ་གྱི་ནི་སྣོད་གཙང་ལ། །སློབ་དཔོན་མཚན་ཉིད་ཡོངས་རྫོགས་པར། །བྱེད་ཅིང་དང་པོ་ལས་འཇུག་པར། །བྱེད་པ་རྒྱུ་ཡི་སློབ་དཔོན་ནོ། །རི་བོང་འཛིན་པ་སྐུལ་བྱེད་ཅིང་། །དེ
54a6 ཡི་སྒྲུབ་པོ་ཞིང་དག་ཅིང་། །ཡེ་ཤེས་སྒྱུ་མའི་སྣོད་རུང་བྱེད། །རྐྱེན་གྱི་སློབ་དཔོན་ཆེན་པོའོ། །ལྷན་ཅིག་ཉན་པར་གང་གྱུར་པ། །དེ་ལས་དགའ་བ་ཡང་དག་ཐོབ། །ཐོབ་པས་ཡང་དག་རབ་མཐར་ཕྱིན། །ལྷན་ཅིག་བྱེད་པའི་སློབ་དཔོན་ནི། །
54a7 མི་འགྱུར་བྱམས་ལྡན་ཤེས་རབ་ཅན། །སྔགས་རྒྱུད་སྦྱོར་ཤེས་དཀྱིལ་འཁོར་མཁས། །དེ་ཉིད་བཅུ་ཤེས་ཐེག་ཆེན་དགའ། །གསང་བ་ཟུངས་ཐུབ་སློབ་དཔོན་ཡིན། །མིག་བཟང་ཡ་སོ་བཅུ་དྲུག་པ། །ཁུ་འཕྲིག་རྟོག་པ་ཡང་དག་སྤངས། །བླ
iiif viewer powered by OpenSeadragon
