| e-texts navigator |
| Wylie |
53b1 ཀུན་འགྲུབ་པར་བྱེད་པར་སྒྲུབ། །མདའ་མཁན་མ་དང་སྨེ་ཤ་ཅན། །གདོལ་བ་མོ་དང་གར་མཁན་སོགས། །མདུན་གྱི་སོ་ལ་ལྷག་ཡོད་པ། བྱད་དང་མདངས་ལྡན་རྨ་མེད་མ། །ལོ་ནི་སུམ་ཅུ་རྩ་གཉིས་བསྔགས། །ཡང་ན་ཉི་ཤུ་རྩ་ལྔའོ། །ཡང་ན་ཆུ
53b2 དང་དང་པོར་སྐྱེས། །སྦྱངས་ནས་ཤི་བ་མ་སྦགས་པ། །ཡང་དག་བླངས་ཏེ་ཕ་བོང་སྟེང་། །གཞན་ཡང་བུ་མོ་སྐྲ་བཟུང་སྟེ། །ལྷ་བཞད་དང་ནི་དབང་པོ་ལག་།དཀར་པོ་དང་ནི་རི་སྒྲ་དང་། །གྲུ་གནོན་ཆུ་ཡིས་བཀྲུ་བར་བྱ། །དེ་ནས་ཙནྡན་དཀར་པོ
53b3 ཡིས། །བུ་མོ་ལུས་བྱུགས་རྒྱན་དང་གོས། །ཡང་དག་བརྒྱན་ཏེ་མདུན་བཞག་ནས། །དཀྱིལ་འཁོར་འཇིགས་པ་བྲི་བྱ་སྟེ། །རྩ་སོགས་གསང་སྔགས་རབ་ཏུ་བཟླ། །འབྱུང་པོའི་གཏོར་མ་ཡང་བྱིན་ཏེ། །ཤ་ན་ནག་པོ་མདངས་དང་ལྡན། མྱོས་བྱེད
53b4 བསྲེགས་པ་རོ་ཡི་ཁར། །མཚན་གཅིག་ཐོག་ཐག་སྦྱིན་སྲེག་བྱ། །དེ་ནས་ཐོ་རས་དུས་སུ་ཡང་། །ཁྲག་ཆེན་ཕྱོགས་བཞིར་གཏོར་བྱས་ནས། །མར་ཁུ་ཆེན་པོ་རོ་ལ་བསྐུ། །དེ་ནས་རོ་དེ་ལངས་གྱུར་ཏེ། །ཁྲོ་དང་ལྡན་པའི་ཨ་ཙར་གྱིས། །ས་གསུམ
53b5 མོ་ཡི་སྒྲས་འགེངས་བྱེད། །དེ་ཚེ་སྒྲུབ་པོ་སྐྲག་མི་བྱ། མཱ་མ་ཀཱི་ཡི་སྦྱོར་བ་སོགས། །སྲུང་བའི་འཁོར་ལོས་བསྲུང་བར་བྱ། །སྐྲག་ན་དེ་མ་ཐག་ཏུ་གསོད། །དེ་ཚེ་བསྲུང་པས་བསྲུངས་བྱས་ནས། །བདག་ཉིད་ལངས་ཏེ་དེ་ཡི་མགོར། །ཡུངས་ཀར
53b6 གྱིས་ནི་བརྡེག་པར་བྱ། །དེ་ནས་དེ་ནི་བབས་གྱུར་ཏེ། །སྒྲུབ་པ་པོ་ཡི་མདུན་གནས་ནས། །བཀའ་ནོད་འདི་སྐད་སྨྲ་བར་བྱེད། །སེམས་ཅན་ཆེན་པོ་ཁྱོད་ཅི་འདོད། །བདག་ལ་ཡང་དག་བཀའ་སྩོལ་ཅིག་།རལ་གྲི་མིག་སྨན་ས་འོག་གམ། །རྐང
53b7 མགྱོགས་དེ་བཞིན་བཅུད་ཀྱིས་ལེན། །མི་སྣང་འགུགས་པ་ལས་གང་དག་།བདག་གིས་གཅིག་ཅིག་སྦྱར་བར་བྱ། །དེ་ནས་སྒྲུབ་པོ་དེ་ཡིས་ཀྱང་། །གང་འདོད་སྨྲས་ནས་ཅང་ཏེའུ་བརྡུང་། །དེ་ནས་རོ་ལངས་ཁ་དེ་ནས། །དུ་བ་འཐུལ་ཞིང་མེ་འབར
iiif viewer powered by OpenSeadragon
