| e-texts navigator |
| Wylie |
53a1 རྟ་ཤ་དང་། །བ་ལང་ཁྱི་ཤ་ཤ་ཆེན་རྣམས། །ཡེ་ཤེས་ལྔ་ཡི་ངོ་བོའི་ཕྱིར། །དགའ་བའི་སེམས་ཀྱིས་བཟའ་བར་བྱ། །དེ་བཞིན་སེམས་ཅན་གསད་པར་བྱ། །མ་བྱིན་པར་ཡང་བླང་བར་བྱའོ། །བུད་མེད་ཐམས་ཅད་འདོད་པ་སྤྱོད། །
53a2 ཚིག་དག་ཀྱང་སྨྲ་བར་བྱ། །དེ་ལྟར་བྱས་པས་སངས་རྒྱས་དང་། །བྱང་ཆུབ་སེམས་དཔའ་མཉེས་པར་འགྱུར། །སེམས་ཅན་རྣམས་ཀྱང་ཚིམ་ཞིང་དགའ། །དེ་བཞིན་རྣལ་འབྱོར་སྙིང་པོ་ཡིས། །སངས་རྒྱས་དང་ནི་བྱང་ཆུབ་སེམས། །རང་འདྲེན
53a3 ཉན་ཐོས་སྐུ་གཟུགས་སོགས། །རང་ཉིད་དག་པ་གསུམ་སྦྱོར་བས། །ཕྱག་བྱས་ན་ནི་མི་རུང་འགྱུར། །ཀུན་དུ་རྡོ་རྗེ་སེམས་དཔའ་ཡི། །ལུས་ངག་ཡིད་ཀྱི་དཀྱིལ་འཁོར་ལས། །རང་ཉིད་བསམ་གཏན་གསུམ་སྦྱོར་བས། །དབྱེར་མེད་བློ་ཡིས་མི
53a4 བྱའོ། །དཀྱིལ་འཁོར་དག་ཀྱང་མི་བྲིའོ། །གླེགས་བམ་དག་ཀྱང་མི་བཀླག་གོ། །མཆོད་རྟེན་ལས་ཀྱང་ཡོང་མི་བྱ། །ལག་པའི་ཕྱག་རྒྱ་རྣམས་ཀྱང་སྤང་། །ཉིན་རེ་ཞིང་ནི་དུས་བཞི་རུ། །བུ་མོ་ལེགས་པར་གོམས་པ་ལས། །ག་བུར་ཙནྡན་ཁས་བླངས
53a5 ཏེ། །ཆོ་ག་བཞིན་དུ་ལུས་འཁོར་མཆོད། །རོལ་མོའི་ཐབས་ནི་སྣ་ཚོགས་པ། །ང་ཡི་རྒྱུད་ལས་རབ་བསྟན་པས། །བཅུ་དྲུག་ཐིག་ལེ་ངལ་སོ་ལས། །སྔགས་ཀྱི་སྙིང་པོ་བརྟག་པར་བྱ། །བླ་མ་དམ་པ་ཐུགས་རྗེ་ཆེས། །ཡང་དག་བསྟན་པ་ལ་དམིགས
53a6 པས། །ཕྱིན་ཅི་ལོག་ཁུར་ཡོངས་འདོར་ཏེ། །རྡོ་རྗེ་འཛིན་པ་ང་འདྲར་འགྱུར། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་དམ་ཚིག་དང་སྡོམ་པ་དབྱེ་བའི་ལེའུ་སྟེ་བཅུ་གཉིས་པའོ།། །།དེ་ནས་རོ་ལངས་ཆེན་མོ་ཡི། །སྒྲུབ་པ་ཡང་དག་བཤད་པར་བྱ། །
53a7 སྒྲུབ་པོས་ལེགས་པར་ཤེས་གྱུར་ན། །དངོས་གྲུབ་ཐོབ་པར་འགྱུར་བའོ། །ནག་པོ་ཡི་ནི་ཚེས་བརྒྱད་དང་། །ཡང་ན་བཅུ་བཞི་གང་ཡང་རུང་། །ཤིང་གཅིག་དུར་ཁྲོད་མ་མོའམ། །ཡང་ན་མི་མེད་གྲོང་བར་དུ། །སྔོན་དུ་སྒྲུབ་པའི་བདག་ཉིད་ཅན། །ལས
iiif viewer powered by OpenSeadragon
