| e-texts navigator |
| Wylie |
52a1 ཡིད་གསུམ་རབ་བྱུང་བའི། །སྡོམ་པ་དེས་ཀྱང་མཁའ་འགྲོ་ཡི། །རྒྱུད་རྣམས་ཡང་དག་སྦྱོར་བར་བྱེད། །ཟླ་བ་སྨྱུང་དང་གཙང་སྦྲ་བསྡམ། །གྲོང་དང་གནག་ལྷས་ཐང་ལའམ། །ལུས་དང་ངག་དང་ཡིད་ཀྱིས་ནི། །གནོད་པ་དག
52a2 ནི་ཡོང་མི་བྱེད། །དེ་བཞིན་གཤེགས་པའི་སྡོམ་པ་མཆོག་།བླ་ན་མེད་པའི་བྱང་ཆུབ་སེམས། །འགྲོ་བའི་དོན་བྱེད་བྱང་ཆུབ་སེམས། །བྱང་ཆུབ་སེམས་ནི་རབ་ཏུ་བཟུང་། །རྡོ་རྗེ་མི་བསྐྱོད་རིགས་ཆེན་པོ། །རྡོ་རྗེ་ཆེ་དང་དྲིལ་བུ་དང་། །སློབ་དཔོན་ཡང་ནི
52a3 བཟུང་བྱས་ལ། །དེ་ཡི་ཡོན་ཏན་ཐོབ་པར་བྱེད། །རིན་ཆེན་ཏོག་གི་རིགས་མཐོན་པོ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །བྱིན་པས་དེ་ཡི་ཡོན་ཏན་ཐོབ། །པདྨོ་སྣང་བའི་རིགས་དག་ལ། །ཕྱི་དང་ནང
52a4 དང་གསང་བ་ཡི། །དམ་ཚིག་རབ་ཏུ་བཟུང་བ་ཡིས། །བླ་མེད་བྱང་ཆུབ་ཐོབ་པར་བྱེད། །རྔ་སྒྲ་ལས་ཀྱི་རིགས་མང་པོ། །དམ་ཚིག་དང་ནི་སྡོམ་པར་ལྡན། །བསྙེན་བཀུར་མཆོད་པ་སེམས་ཅན་དོན། །བྱས་པས་དེ་ཡི་ཡོན་ཏན་ཐོབ། །སྲོག་མི
52a5 གཅོད་ཅིང་གཡེམ་མི་བྱ། །མ་བྱིན་མི་ལེན་རྫུན་མི་སྨྲ། །ཕྲ་དང་ཀྱལ་ཚིག་རྩུབ་པོ་དང་། །སྨྲ་བ་མི་བྱ་བརྣབ་སེམས་དང་། །གནོད་སེམས་ལོག་པར་ལྟ་བ་རྣམས། །ནམ་ཡང་བྱ་བ་མ་ཡིན་ནོ། །དཀོན་མཆོག་གསུམ་ནི་ཡོང་མི་སྤང་། །ལྷ་དང་བླ་མ
52a6 དེ་བཞིན་ནོ། །ཉེས་པ་ཀུན་གྱི་རྩ་བའི་ཕྱིར། །ཆང་ཡང་རྣམ་པར་སྤང་བར་བྱ། །ཕྱག་རྒྱ་བཞོན་པ་མཚོན་ཆ་སོགས། །མཚན་མའམ་ནི་ལྷ་ཡི་གྲིབ། །འགོམ་དང་བཟའ་བར་མི་བྱ་བ། །དེ་ལ་སོགས་པ་མཐའ་ཡས་པའི། །སྡོམ་པ་གང་དེ་གསུངས་པ
52a7 རྣམས། །འདི་རུ་དང་པོའི་ལས་ཅན་ལ། །དེ་ཡིས་ཡང་དག་འཇུག་པར་བྱེད། །ཐུན་མོང་མ་ཡིན་ཕས་ཕམ་པ། །བཅུ་བཞིར་གྲགས་པ་གང་འདི་ནི། །སྔགས་པས་དོན་ཀུན་འགྲུབ་བྱེད་པས། །སྤང་ཞིང་དོར་བར་མི་བྱའོ། །སློབ་དཔོན་སྙིང་ནས་སྨོད
iiif viewer powered by OpenSeadragon
