| e-texts navigator |
| Wylie |
51b1 བདུན། །དམ་ཚིག་མངོན་རྒྱན་སྟོང་ཕྲག་གསུམ། །འཇམ་དཔལ་དཔའ་བོ་འབུམ་ཕྲག་གཅིག་།གསང་ཆེན་འདུས་པ་བརྒྱ་ལྔ་བཅུ། །རིན་ཆེན་སྡོང་པོ་དགུ་བརྒྱ་བདུན། །དུས་ཀྱི་ཐིག་ལེ་བརྒྱ་བརྒྱད་ཅུ། །ལྷ་མོ་བསྟན་ཆོས་ལྔ་བརྒྱ་བདུན། །འདི་རྣམས
51b2 དགོངས་པའི་བྱེ་བྲག་གིས། །ང་ཡིས་ཡང་དག་བསྟན་པར་བྱ། །འདི་ནི་གཉིས་གཉིས་འཁྱུད་པ་ཡིས། །རྒྱུད་ཀྱི་དབྱེ་བ་བསྟན་པའོ། །དེ་བཞིན་དུ་ནི་ཡན་ལག་བཅངས། །རྒོད་དང་བལྟས་པས་ཤེས་པར་བྱ། །དེ་བཞིན་ཞེ་སྡང་གཏི་མུག་གིས། །རྒྱུད
51b3 རྣམས་ཀུན་ཀྱང་ཤེས་པར་བྱ། །མཁའ་འགྲོ་མ་ཡི་རྒྱུད་ཀུན་ཡང་། །འདི་ཡི་རིམ་པས་ཤེས་པར་བྱ། །ཕྱི་ནང་དབྱེ་བར་ཤེས་པ་ཡིས། །རྒྱུད་ཀྱི་དབྱེ་བ་ཤེས་པར་བྱ། །ནང་དུ་བསྟན་པའི་བླ་མ་ལས། ཡང་དག་བླངས་ཏེ་བསྒྲུབ་པར་བྱ། །ཅི་བཞིན
51b4 གནས་པ་ལ་དགོངས་ཏེ། །བདེ་བར་གཤེགས་པས་རྒྱུད་ཀུན་བསྟན། །རྡོ་རྗེ་སྙིང་པོའི་རྒྱན་གྱི་རྒྱུད། །འདི་ཡི་རྒྱུད་ནི་མཁའ་འགྲོ་ཕ། །རྒྱུད་རྣམས་ཀུན་གྱི་ཕྱི་མོ་སྟེ། །གཞན་དུ་མ་བསྒྲགས་དོན་གང་ཞིག་།འདི་རུ་ཡང་དག་བསྟན་པ་སྟེ། །རྣལ་འབྱོར
51b5 གང་ཞིག་ལེན་པའམ། །སྒོམ་པར་བྱེད་དམ་འཆད་པའམ། །ཀློག་པར་བྱེད་པ་རྣལ་འབྱོར་ཆེ། །དེ་ཡང་ང་དང་འདྲ་བར་འགྱུར། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རྒྱུད་ཐམས་ཅད་དབྱེ་བའི་ལེའུ་སྟེ་བཅུ་གཅིག་པའོ།། །།དེ་ནས་གཞན
51b6 ཡང་བཤད་བྱ་བ། །སྣ་ཚོགས་མདོ་དང་རྒྱུད་རྣམས་ཀྱིས། །སྡོམ་པ་ཡང་དག་ཤེས་འགྱུར་ན། །མཁའ་འགྲོ་ཆེན་པོར་འགྱུར་བར་བཤད། །གང་གིས་ཉན་ཐོས་རབ་འབྱིན་པ། །སྤོང་བ་ལྟུང་བའི་བྱེ་བྲག་བཤད། །བསླབ་པ་དང་ནི་རྫས་གྲགས
51b7 ཀྱིས། །འདི་རུ་དེས་ཀྱང་ཡོངས་རྫོགས་བྱེད། །ཚུལ་ཁྲིམས་ཀྱིས་ནི་བསླབ་པ་གསུམ། །དགེ་བའི་ཆོས་ནི་སྡུད་པ་དང་། །སྡོམ་པ་ཉི་ཤུ་ལ་སོགས་དང་། །སེམས་ཅན་དོན་བྱེད་པའི་ཚུལ་ཁྲིམས། །བྱང་ཆུབ་སེམས་དཔའ་རབ་སྦྱིན་པ། །ལུས་ངག
iiif viewer powered by OpenSeadragon
