| e-texts navigator |
| Wylie |
51a1 རྣམས་ཡང་བསྡུས་ནས། །བཟའ་བ་རུ་ནི་རབ་ཏུ་བརྟག་།རུས་པ་རྣམས་ཀྱང་འཚོས་བྱས་ནས། །ཤེས་པ་རྡོ་རྗེ་པདྨར་སྦྱར། །འདི་ནི་དོན་སྒྲུབ་རབ་བྱེད་པས། །ཟླ་བ་ཕྱེད་ནི་ཚུན་ཆད་ཀྱིས། །རྡོ་རྗེ་འཛིན་པ་ཆེན་པོ་ཡང་། །འཆི
51a2 བར་འགྱུར་བར་གདོན་མི་ཟ། །རྡོ་རྗེ་གསང་བ་འདི་ལྟ་བུ། །བསྒྲུབ་བྱ་ལེགས་པར་བསྒྲུབས་བྱས་ནས། །ལས་ངན་དག་གིས་དེ་མི་འཁོལ། །སངས་རྒྱས་སུ་ནི་སྐྱེ་བར་འགྱུར། །རྣལ་འབྱོར་དེ་ཡང་དེ་ཡི་མཐུས། །ཁྲོ་བོ་མཁའ་འགྲོ་ཞེས་འགྱུར
51a3 ཏེ། །ཁམས་གསུམ་བསད་དང་གསོ་བ་དང་། །སེམས་ཀྱི་རྡོ་རྗེ་བརྟན་བྱས་ནས། །སྐད་ཅིག་ཙམ་དུ་བྱེད་པར་འགྱུར། །གསལ་བར་ནུས་པ་གདོན་མི་ཟ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རྡོ་རྗེ་མཁའ་འགྲོ་ཁྲོ་བོའི་སྦྱོར་བས་དགྲ་བསད་པའི
51a4 ལེའུ་སྟེ་བཅུ་པའོ། ། །།དེ་ནས་གཞན་ཡང་བཤད་བྱ་བ། །འདོད་ཆགས་ཐབས་ཆེན་པོ་ཡི་རྒྱུད། །གང་གིས་ལེགས་པར་ཤེས་ན་ནི། །ཚེ་འདིས་དངོས་གྲུབ་སྦྱིན་པར་བཤད། །གསང་བ་འདུས་པ་སྟོང་ཕྲག་གཅིག་།རྡོ་རྗེ་ཕྲེང་བ
51a5 འབུམ་ཕྲག་གསུམ། །དགོངས་པ་ལུང་སྟོན་སྟོང་ཕྲག་བཞི། །ལྷ་མོ་བཞིས་ཞུས་བརྒྱ་བདུན་ཅུ། ཨུཏྷར་ཏནྟྲ་ཉིས་བརྒྱ་བརྒྱད། །དེ་ཡི་ཉེ་བར་བཤད་པའི་རྒྱུད། །དམ་ཚིག་ཆེན་པོ་ལྔ་བཅུ་ལྔ། །རྡོ་རྗེ་ལྔ་འདུས་སྟོང་ཕྲག་གཅིག་།ཀུན་ལས
51a6 བཏུས་པ་འབུམ་ཕྲག་གཅིག་། མཉམ་ཉིད་རྣམ་རྒྱལ་ཉིས་བརྒྱ་བཅུ། །ཟླ་གསང་ཐིག་ལེ་སྟོང་ཕྲག་བདུན། །རྡོ་རྗེ་ས་འོག་བརྒྱ་ཉི་ཤུ། །ཅོད་པན་རྡོ་རྗེ་བདུན་བརྒྱ་ལྔ། །ཁྲོ་ཟླ་ཐིག་ལེ་འབུམ་ཕྲག་ལྔ། །རྡོ་རྗེ་རྣམ་རྒྱལ་བརྒྱ་དགུ་བརྒྱ། །མཉམ་ཉིད་གསང་བ
51a7 སྟོང་ཕྲག་ལྔ། །རྡོ་རྗེ་གསང་རྒྱན་སྟོང་ཕྲག་ལྔ། །རྡོ་རྗེ་གསང་མཛེས་སྟོང་ཕྲག་བདུན། །ནོར་བུ་གསང་ཐིག་འབུམ་ཕྲག་བཅུ། །སྣང་མཛད་རྫུ་འཕྲུལ་སྟོང་དང་བརྒྱ། །རྡོ་རྗེ་གསང་རྒྱན་སྟོང་ཕྲག་གཅིག་།རྡོ་རྗེ་ཐོད་པ་ཉིས་བརྒྱ་བརྒྱ། །དེ་ཉིད་བརྒྱ་སྟོང་བརྒྱ་སྟོང
iiif viewer powered by OpenSeadragon
