| e-texts navigator |
| Wylie |
50b1 གྲངས་སྙེད་ཀྱི། །མཚན་གྱི་དོན་ནི་འདི་དོན་དུ། །ཡང་དག་འདུས་པར་ངས་བཤད་དོ། །གཞན་དུ་དོན་ནི་མ་བསྒྲགས་པ། །བླ་མ་ལ་ནི་གུས་པ་ཡི། །སློབ་མ་ལ་ནི་མ་རྟོགས་པའི། །རྒྱུད་གཞན་དག་ཏུ་སྦས་པའོ། །དོན་འདི་ཡང་དག་མ་ཤེས་ན། །
50b2 ཇི་སྙེད་དོན་ནི་བསམ་ཡས་པ། །ཤེས་ཀྱང་དེ་ཡི་འབྲས་བུ་མེད། །དེ་འདོད་མཉེས་བྱས་ཡང་དག་བླང་། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་ཡེ་ཤེས་གསུམ་གྱི་མཚན་འབྱུང་བ་ཞེས་བྱ་བའི་ལེའུ་སྟེ་དགུ་པའོ།། །།རྟག་པར་མི་ཕྱོགས་སྨྲ་བ་དང་། །
50b3 བླ་མ་སྨོད་བྱེད་བརྩོན་པ་ལ། །དམ་ཚིག་ཕྱིར་ནི་ཡོངས་བསྒྲལ་བྱ། །དེ་ཡི་ཤ་ཁྲག་ཀླད་པ་རྣམས། །དྲངས་ཏེ་ཆོས་ཀྱི་སྟོན་མོ་བྱ། །དེ་ལྟར་མ་བྱས་སྡུག་བསྔལ་ཚོགས། །གཏི་མུག་ཅན་དེས་ཐོབ་པར་འགྱུར། །ནད་ཐམས་ཅད་དང་ཁྲོས་ཆེན
50b4 དང་། །འཇིགས་དང་ཉེ་བར་འཚེ་བ་ཡི། །བསྐལ་པ་གྲངས་མེད་བྱེ་བ་རུ། །སྡུག་བསྔལ་ཆེན་པོར་རབ་སྙེད་ཅིང་། །འོ་དོད་འབོད་པས་སྦྲུལ་གྱིས་བརྒྱན། །བསྟིར་མེད་ཆེན་པོར་རྟག་པར་འགྲོ། །དེ་བས་ལས་འདིས་རྒྱས་གདབ་པོ། །བདག
50b5 ཉིད་རྡོ་རྗེ་མཁའ་འགྲོ་ཡི། །ཁྲོ་བོ་གཟུགས་ཅན་ཉིད་གྱུར་ནས། །ུཏྤལ་མཐིང་ག་འདྲ་བ་ཡི། །ཞལ་གསུམ་པ་ལ་ཕྱག་དྲུག་པ། །རྡོ་རྗེ་ཏྲི་ཤཱུལ་ཕུར་བུ་དང་། །ཐོད་པ་གྲི་གུག་འཁོར་ལོ་འཛིན། །མི་སྡུག་ཁྲོས་པ་ལྕེ་ལྔ་པ། །བསམས་ནས་དེ
50b6 འོག་ནམ་མཁའ་ལ། །བསྒྲུབ་བྱ་རྒྱས་པར་དམིགས་ནས་སུ། །རྡོ་རྗེ་ཕུར་པ་ལ་སོགས་པ། །སེམས་ཅན་དཀྱིལ་འཁོར་གནས་པ་ལ། །སྒྲུབ་པོས་དེ་ཡི་ཉེས་པ་བསྒོ། །དེ་ནས་ཕྱག་མཚན་ཏྲི་ཤཱུལ་དང་། །ཕུར་བུ་དྲག་པོ་མཆོག་དག་གིས། །མགོ
50b7 དང་སྙིང་ག་ལྟེ་བ་དང་། །རྐང་པ་གཉིས་དང་ལག་པ་ཡི། །གནས་ལྔ་རབ་ཏུ་ཕུག་བྱ་སྟེ། །ལྕི་ལྔའི་འོད་ཟེར་ལྔ་པོ་ཡིས། །སྲིན་བུ་འཛའ་ལུ་ཀ་བཞིན་དུ། །ཁྲག་ཀུན་སྔགས་ཀྱིས་དྲངས་ནས་སུ། །ཐོད་པར་ཕབ་ནས་བཏུང་བར་བྱ། །དེ་བཞིན་ཤ
iiif viewer powered by OpenSeadragon
