| e-texts navigator |
| Wylie |
50a1 པོ་བདེ་བ་ཡིས། །ཚུལ་བཞིན་དུ་ནི་སྔགས་པས་བྱ། བསྐུལ་བའི་སྙིང་པོས་འདི་སྨྲ་སྟེ། ཛྫ་ཞེས་སྐད་ཅིག་སྐད་ཅིག་ཏུ། །རང་གི་གནས་ན་གནས་པ་ཡིན། །དེ་ཉིད་ལྷ་ཉིད་བསྐྱེད་པར་བྱ། །བཅུ་དྲུག་ཆ་དང་ཡང་དག་ལྡན། །ཟླ
50a2 བ་གསང་བའི་ཐིག་ལེ་ལ། །མེ་ཏོག་དང་ནི་འདྲ་བ་ཉིད། །རླུང་གིས་ཕུལ་བས་བསྐྱོད་པར་བྱ། །དེ་བཞིན་བསྐྱོད་པས་བསྒྲུབ་པར་བྱ། །དེ་བཞིན་དུ་ཡང་བསྐུལ་བྱ་བ། །རྒྱུད་ཀྱི་ཕྲེང་ནི་འོད་གསལ་བཞིན། །སྟེང་དང་མདུན་དུ་རྩ་གཉིས་ལས། །བཅུ
50a3 དྲུག་གནས་སུ་ཡང་དག་གནས། །དེ་ལས་སྙིང་དབུས་རབ་ཞུགས་ཏེ། །རླུང་གི་སྦྱོར་བས་ཕུལ་བྱས་པས། །སྟེང་དང་མདོག་རབ་མཛེས་རྫོགས་སྐུ། །བདག་གི་དཔལ་དུ་ཤེས་པར་བྱ། །དེ་ལས་བྱུང་བའི་དངོས་གྲུབ་ཆེ། །ནོར་བུ་ལ་གནས
50a4 རྟོག་བྲལ་བ། །ཐིག་ལེ་ཡིག་མེད་བསྡུས་པའི་སྐུ། །ལྷན་ཅིག་སྐྱེས་པར་ཤེས་པར་བྱ། །དེ་ལ་དེ་ཡི་གཟུགས་ཀྱི་སྐུ། །ནམ་མཁའི་ཁམས་ཀུན་གང་བ་ཡི། །བྲལ་བའི་ཤེས་པས་དོན་བྱེད་པ། །གཞན་གྱི་དཔལ་དུ་ཤེས་པར་བྱ། །དེ་རྣམས་རྒྱུ
50a5 ལས་བྱུང་བ་ཡི། །ཡེ་ཤེས་ཤེས་རབ་ཤིན་ཏུ་གསང་། །གསང་བ་རྣམ་པར་འགྲུབ་པ་ཡི། །རྡོ་རྗེ་སྙིང་པོའི་རྒྱན་ཞེས་བྱ། །ལྷ་མོ་ལས་བྱུང་བདེ་དང་ལྡན། །འཇའ་ཚོན་ལྟར་གསལ་རྒྱུད་དག་པ། །སྣང་བའི་སྐུ་དེ་མི་ཤིགས་པ། །རྡོ་རྗེ་ང་ཡིས་ཡང
50a6 དག་བསྒྲགས། །སྣང་ཞིང་སྲིད་པའི་ཆོས་རྣམས་ཀུན། །བསྡུས་ཕྱིར་བརྩེགས་པའི་སྐུ་དམ་པ། །རྟོག་བྲལ་རྒྱུད་དུ་སིམ་གནས་པ། །འབྱུང་ཕྱིར་སྙིང་པོ་ཞེས་སུ་བསྒྲགས། །དག་དང་མ་དག་ཐམས་ཅད་ལ། །འཁོར་བ་ཇི་སྲིད་བར་སྣང་བ། །གཉིས
50a7 ཀ་མཛེས་པར་བྱེད་པས་ན། །རྒྱན་དུ་ཡང་དག་བསྒྲགས་པ་ཡི། །དཔལ་དང་རྡོ་རྗེ་སྙིང་པོ་དང་། །རྒྱན་ཞེས་བྱ་བ་བཞི་པོ་ནི། །འབྲེལ་ཅིང་གྲུབ་པར་བྱེད་པའི་ཕྱིར། །རྒྱུད་ཅེས་བྱ་བར་བཤད་པའོ། །ཆོས་ཀྱི་ཕུང་པོ་བརྒྱད་ཁྲི་དང་། །བཞི་སྟོང་གི་ནི
iiif viewer powered by OpenSeadragon
