| e-texts navigator |
| Wylie |
49b1 སྒོམ་པར་བྱེད་པ་ལ། །བསྐལ་པ་བརྒྱད་ཅུའི་བར་དུ་ཡང་། །བགེགས་ཀྱི་གནོད་པ་ཡོང་མི་འོང་། །བགེགས་ཀྱི་སྟོང་པ་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཡང་ནི་བྲུ~ཾ་གྱི་ཡེ་ཤེས་ལས། །ཡང་དག་བྱུང་བའི་སྐབས་དཀར་པོ། །ཞལ་གསུམ་གསེར་ཞུན
49b2 ལྟ་བུར་གནས། །ཕྱག་དྲུག་གདུགས་ལ་སོགས་འཛིན་ཅིང་། །སྐྱབས་མེད་ཕོངས་པའི་སྐྱབས་མཛད་ཅིང་། །མ་ནིང་རྣམས་དང་ཟ་མ་ལ། །བུ་ནི་སྦྱིན་པར་བྱེད་པ་པོ། །རལ་པའི་གཙུག་ཏོར་གྱིས་བརྒྱན་པ། །རིག་མ་དང་ལྡན་སྐུ་ཆེན་འདི། །རྣལ
49b3 འབྱོར་གང་གིས་སྒོམ་བྱེད་ཅིང་། །བཟླས་པ་རྩེ་གཅིག་ཏུ་བྱེད་ན། །བགེགས་ཀྱི་གནོད་པས་དེ་མི་བརྫི། །རིན་ཆེན་གྱི་སྐྱབས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །རྣལ་འབྱོར་ཁྱད་པར་ཅན་གྱིས་ནི། །འདི་རྣམས་བྱང་ཆུབ་བསྲུང་བའི་ཕྱིར། །འཁོར་ལོ་གཙོ
49b4 བོར་རབ་བསྒོམས་ན། །ནང་གི་བགེགས་ཀྱིས་ཡོང་མི་ཚུགས། །བྱང་ཆུབ་སྙིང་པོ་དོན་གཉེར་བས། །འདི་འདྲའི་འཁོར་ལོ་ཅན་བསྒོམས་ན། །བསྒྲིམས་ནས་རྣལ་འབྱོར་བསྒོམས་པ་ཡིས། །རིང་པོར་མི་ཐོགས་འདོད་པ་འཐོབ། །དཔལ་རྡོ་རྗེ
49b5 སྙིང་པོ་རྒྱན་གྱི་རྒྱུད་ལས་བྱང་ཆུབ་ཀྱི་སྙིང་པོའི་རྒྱན་གཙུག་ཏོར་འབྱུང་བའི་ལེའུ་སྟེ་བརྒྱད་པའོ། ། །།དེ་ནས་ཡང་རྡོ་རྗེ་མཁའ་འགྲོ་མ་ཐམས་ཅད་འདུས་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པ་ལ་ཕྱག་འཚལ་ནས་འདི་སྐད
49b6 ཅེས་གསོལ་ཏོ། །འདི་ཡི་དཔལ་ནི་གང་ཞིག་ལགས། །རྡོ་རྗེ་དང་ནི་སྙིང་པོ་དང་། །དེ་བཞིན་རྒྱན་གྱི་དོན་ནི་ཅི། །ཀྱེ་ཧོ་མཆོག་དེ་བསྟན་དུ་གསོལ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པས་དེ་དག་ལ་འདི་སྐད་ཅེས
49b7 བཀའ་སྩལ་ཏོ། །འདི་ནི་ཐུན་མོང་མ་ཡིན་པའི། །གསང་བའི་རྒྱུད་དུ་རབ་སྦས་པ། །ཇི་བཞིན་གནས་པའི་དེ་ཁོ་ན། །ཡང་དག་བསྟན་གྱིས་རྩེ་གཅིག་ཉོན། །ལུས་ངག་ཡིད་གསུམ་བདེ་དམ་པས། །ལྷ་མོ་ལས་ནི་བསྐྱོད་བྱ་སྟེ། །བྱང་ཆུབ་ཆེན
iiif viewer powered by OpenSeadragon
