| e-texts navigator |
| Wylie |
49a1 པ། །འཛིན་ཅིང་སྦྲུལ་གྱིས་ཡང་དག་བརྒྱན། །འོག་ཏུ་བགེགས་ཀྱི་གཙོ་མནན་ནས། །གད་མོའི་སྒྲས་ནི་འདེབས་པར་བྱེད། །རལ་པའི་གཙུག་ཏོར་གྱིས་བརྒྱན་པ། །ཁྲོ་བོ་འདི་འདྲ་སྒོམ་བྱེད་པའི། །རྣལ་འབྱོར་གང་ལ་སངས་རྒྱས་ཀྱི། །
49a2 སྤྲུལ་བའི་བགེགས་ཀྱང་རླག་བྱེད་ན། །གཞན་མ་རྣམས་ནི་སྨོས་ཅི་དགོས། །སྙིང་འགུགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བྲུ~ཾ་ལས་ཡང་ནི་བྱུང་བ་ཡི། །གཙུག་ཏོར་དམ་ཚིག་སྤྱོད་པན་ཅན། །ཞལ་གསུམ་གསེར་ཞུན་མདངས་ལྡན་པ། །ཕྱག་དྲུག
49a3 ཀ་པཱ་ལ་སོགས་པ། །འཛིན་ཅིང་སྣ་ཚོགས་རབ་ཏུ་འབར། །རལ་པའི་གཙུག་ཏོར་གྱིས་བརྒྱན་པ། །ཞབས་རྣམས་བསྒྱུར་ཞིང་རྣམ་པར་འཕེན། །སྤྲོ་དང་བསྡུ་བའི་བློ་གྲོས་ཅན། །འདི་འདྲ་གང་ཞིག་བསྒོམ་པ་ལ། བི་ནཱ་ཡ་ཀ་ལ་སོགས་པའི། །
49a4 བགེགས་ཀྱིས་སྐབས་ནི་མི་རྙེད་ཕྱིར། །ཇི་བཞིན་རབ་ཏུ་བསྒོམ་པར་བྱ། །གཞན་གྱིས་མི་ཐུབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བྲུ~ཾ་གྱི་ཡི་གེ་ལས་ཀྱང་བྱུང་། །མིང་གི་གཙུག་ཏོར་རྣམ་པར་འཐོར། །ཞལ་གསུམ་གསེར་ནི་བཙོ་མ་འདྲ། །ཕྱག་དྲུག
49a5 ཏྲི་ཤཱུལ་སོགས་པ། །འཛིན་ཅིང་སྲོག་སོང་སྟེང་ན་གནས། །རོལ་པའི་སྟོབས་ཀྱིས་བགེགས་མཆུ་བཅིངས། །རལ་པའི་གཙུག་ཏོར་གྱིས་བརྒྱན་པ། །སངས་རྒྱས་སྤྲིན་ནི་སྤྲོ་བའོ། །གང་ཞིག་དེ་འདྲ་སྒོམ་བྱེད་པའི། །རྣལ་འབྱོར་དེ་ཡིས་གོ་ཆ་བགོས། །
49a6 སྲ་བའི་ངང་ཚུལ་ཅན་ཡིན་པས། །བགེགས་ལུས་གང་གིས་མི་གཡོའོ། །བགེགས་ལས་རྒྱལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བྲུ~ཾ་གྱི་ཡེ་ཤེས་མཐུ་ལས་བྱུང་། །གཙུག་ཏོར་རྣམ་པར་འཇོམས་པའི་མཆོག་།ཞལ་གསུམ་གསེར་འདྲའི་ཉི་འོད
49a7 མཚུངས། །ཕྱག་དྲུག་རྡོ་རྗེ་ལ་སོགས་པ། །འཛིན་ཅིང་ཚེམས་ཀྱིས་སྒྲོས་མནན་ཏེ། །ཆགས་ལྡན་རིག་མས་འཁྱུད་པའོ། །རལ་པའི་གཙུག་ཏོར་གྱིས་བརྒྱན་པ། །ཁྲག་ཅན་ལྗགས་ཀྱང་འདྲིལ་བ་སྟེ། །བླ་མེད་བྱང་ཆུབ་ཐོབ་འདོད་པ། །འདི་འདྲ
iiif viewer powered by OpenSeadragon
