| e-texts navigator |
| Wylie |
48b1 ཚིག་བརྟན་པར་བྱ་བ་སྟེ། །རྟག་ཏུ་བཟའ་ཞིང་སྦྱིན་པར་བྱ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་སྦྱིན་སྲེག་གི་ལེའུ་སྟེ་བདུན་པའོ།། །།དེ་ནས་གཞན་ཡང་བཤད་བྱ་བ། །འགྲོ་བ་མི་ཤེས་མུན་བསལ་ཕྱིར། །ཡེ་ཤེས་ཉི་མ་ཤར་བ་ལས། །
48b2 ཀེག་པུ་མུན་པ་བསལ་ཚུལ་གསུངས། །གཤིན་རྗེའི་གཤེད་ལ་སོགས་པ་ཡི། །མདོག་དང་ཕྱག་མཚན་ལ་སོགས་པ། །དེ་ཀུན་སྔོན་དུ་རྒྱས་པ་རུ། །བྱེ་བྲག་གིས་ནི་རྒྱས་པར་བསྟན། །དེ་ནི་ལས་ཀྱི་ཁྱད་པར་གྱི། །དབང་དུ་བྱས་པ་ཁྲོ་བོའི་ཚོགས། །
48b3 གཞན་དུ་མ་གསུངས་གང་ཡིན་པ། །དེ་དག་འདི་རུ་བཤད་པར་བྱ། །བྲུ~ཾ་གྱི་ཡེ་ཤེས་ལས་བྱུང་བ། །གཙུག་ཏོར་གཟི་བརྗིད་ཕུང་པོ་སྟེ། །ཞལ་གསུམ་སེར་པོ་མདངས་དང་ལྡན། །ཕྱག་དྲུག་ཉི་མ་ལ་སོགས་པ། །འཛིན་ཅིང་སྐྱིལ་མོ་ཀྲུང་བཅས་པ། །
48b4 རལ་པའི་གཙུག་ཏོར་གྱིས་བརྒྱན་ཅིང་། །འཇིག་རྟེན་ཁམས་ཀུན་འཁྲུག་བྱེད་པའི། །གཟུགས་ཀྱི་འཕྲོས་པས་ནམ་མཁའ་གང་། །རིག་མས་སྐུ་ལ་རབ་འཁྱུད་པས། །ཆགས་ཕྱིར་སྤྲོ་བའི་རྩོལ་བ་ཅན། །འདི་འདྲ་སྒོམ་པར་བྱེད་པ་ལ། །བགེགས
48b5 ཀྱིས་གནོད་པ་ཡོང་མི་གོས། སྐྱོན་མེད་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཡང་ནི་བྲུ~ཾ་ཀྱི་ཡེ་ཤེས་ལས། །བྱུང་བ་སྔགས་ཀྱི་འཁོར་ལོ་ཅན། །ཞལ་གསུམ་གསེར་འདྲ་མདངས་པོ་ཆེ། །ཕྱག་དྲུག་འཁོར་ལོ་ལ་སོགས་པ། །རལ་པའི་གཙུག་ཏོར་གྱིས
48b6 བརྒྱན་པ། །འཛིན་ཅིང་སྟག་གི་སྨད་གཡོགས་ཏེ། །ཐོད་པའི་ཕྲེང་བས་སྐུ་ལ་བརྒྱན། །རིག་མ་དང་ལྡན་ཆགས་པ་པོ། །འཇོལ་སྒེག་ཉམས་ཀྱི་སྦྱོར་བ་མཛད། །འདི་སྒོམ་སྤྲོ་བར་བྱེད་པ་ལ། །ཉིན་དང་མཚན་དུ་རྡོ་རྗེ་སེམས། །འཁོར་བཅས་གནས
48b7 སུ་བྱོན་ནས་སུ། །རྟག་ཏུ་སྲུང་བ་ཉིད་དུ་བྱེད། བཀའ་བཞིན་བྱེད་པས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །དེ་བཞིན་བྲུ~ཾ་གྱི་ཡེ་ཤེས་ལས། །བྱུང་བའི་ཁྲོ་བོ་གཙུག་ཏོར་རྒྱལ། །ཞལ་གསུམ་སེར་པོ་མདངས་དང་ལྡན། །ཕྱག་དྲུག་ལྕགས་ཀྱུ་ལ་སོགས
iiif viewer powered by OpenSeadragon
