| e-texts navigator |
| Wylie |
48a1 ཆོས་མིན་རྣམ་སྤངས་ནས། །བྱང་ཆུབ་བདེ་བ་ཐོབ་པ་ནི། །དེ་ཕྱིར་རྣམ་རྟོག་རྣམ་སྤངས་ལ། ཟབ་མོ་ཡི་ནི་ཆོས་སྤེལ་ཏེ། །དེ་བཞིན་གཤེགས་པས་གསུངས་རྣམས་ལ། །སྔགས་རིག་རྣམ་རྟོག་མ་བྱེད་ཅིག་།རྣམ་རྟོག་རྨོངས་པ་ཆེན
48a2 པོ་སྟེ། །འཁོར་བའི་རྒྱ་མཚོར་ལྟུང་བྱེད་པས། །ནམ་མཁའ་ལྟ་བུར་དྲི་མེད་པའི། །རྣམ་པར་མི་རྟོག་ཏིང་འཛིན་གནས། དབང་པོ་གཉིས་ནི་མཉམ་སྦྱར་ཏེ། །ལུས་དང་ངག་དང་སེམས་བསྡུས་ནས། །ངའོ་སྙམ་པས་གཟི་བསྐྱེད་ལུས། །རྣམ་པ
48a3 ཀུན་གྱིས་རྣམ་བརྒྱན་ན། །རྣལ་འབྱོར་ལྡན་པས་ཚེ་འདི་ལ། །ཡེ་ཤེས་རྫོགས་པ་ཉིད་དུ་འགྱུར། །ལས་ལས་བྱུང་བར་བསྟན་པ་ཡི། །སྐྱེས་པ་བུད་མེད་གཟུགས་མང་ལ། །མཉེས་པ་ཉིད་དུ་མི་བྱ་འདི། །རྡོ་རྗེ་ལུས་ཅན་དམ་ཚིག་ཡིན། །ངན་རྟོག
48a4 བཟང་རྟོག་དྲ་བ་ཡི། །སེམས་ཀྱིས་སེམས་ཅན་རྣམས་ལ་ནི། །སྣ་ཚོགས་གདུང་བས་སུན་མི་འབྱུང་། །རྡོ་རྗེ་དང་ལྡན་དམ་ཚིག་ཡིན། །སྲེད་པས་བསྐྱེད་རྩུབ་ཕྲ་མ་ཡི། །ཚིག་དག་རྣམ་པར་མི་སྨྲ་ཞིང་། །མཉན་ན་བདེ་བ་བྱེད་པ་འདི། །རྡོ་རྗེ་ངག་ཅན
48a5 དམ་ཚིག་ཡིན། །རྣམ་པར་སྣང་མཛད་ཆེན་འཁྲུག་མཆོག་།ཤ་ཡི་ཁམས་ལ་གནས་པ་ཡིན། །རྐང་ལ་མི་འཁྲུགས་རྒྱས་པ་སྟེ། །ཁྲག་ལ་རིན་ཆེན་འབྱུང་བ་གཙོ། །སེམས་ཅན་རྣམས་ཀྱི་རུས་ཕུང་གི། རུས་གོང་ལ་ནི་འོད་དཔག་མེད། །རྩ་ཡི
48a6 ཚོགས་རྣམས་རྣམ་འབྲེལ་ལ། །ཐུབ་པ་སྐྱེས་མཆོག་དོན་ཡོད་ལ། །དམ་ཚིག་ཤིས་པ་རྣམས་ལ་ནི། །གསང་ཆེན་པ་ཡིས་བསྟན་པ་འདི། །བློ་ལྡན་རྡོ་རྗེ་རྣམས་ཀྱིས་ནི། །རྟག་ཏུ་བརྟེན་ཅིང་བསྒོམ་པར་བྱ། །འདོད་ཆགས་དེ་བཞིན་གཏི་མུག
48a7 རྨོངས། །སྲེད་དང་འདུ་བྱེད་རྣམ་སེལ་བའི། །ཆོས་ནི་རྣམ་པ་ལྔ་པོ་འདི། །ཐུབ་པ་སྐྱེས་མཆོག་རྣམས་ཀྱིས་གསུངས། །བཤང་གཅི་ཁུ་ཆུ་མཆིལ་མ་ཁྲག་།འཛག་པ་འབྱུང་བ་བཞིས་བསྡུས་པ། །བསྒོམ་པའི་བློ་གྲོས་རྟོགས་པ་ཡིས། །དམ
iiif viewer powered by OpenSeadragon
