| e-texts navigator |
| Wylie |
44a1 བཛྲ་སྭ་བྷཱ་བ་ཨཱཏྨ་ཀོུ྅་ཧ~ཾ། སངས་རྒྱས་མཆོད་པ་ལ། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོུ྅་ཧ~ཾ། རང་གི་དཀྱིལ་འཁོར་སྔ་མ་བཞིན། །མདུན་དུ་བསམས་ནས་ནམ་མཁའ་ལ། །ཁྱབ་པའི་སྦྱོར་བས་གཅིག་བྱས་ཏེ། །
44a2 དཀྱིལ་འཁོར་སྔ་མ་བཞིན་བསམས་བཟླས། །བཅོམ་ལྡན་མི་མཉམ་གཞུག་བཅིང་བཞུགས། །རྡོ་རྗེ་ཕྱག་རྒྱ་ཐུགས་ཀར་བསྣམས། །གཡས་པར་འཁོར་ལོ་རིན་པོ་ཆེ། །པདྨ་རལ་གྲི་གཡོན་པའོ། །དེ་ཉིད་གསུམ་གྱི་ཚུལ་གྱིས་ནི། །ཅི་ཙམ
44a3 ནུས་པར་བཟླས་པར་བྱ། །སྐྱོན་ཡིད་ཀྱིས་དྲངས་ནས་ནི། །དེ་དག་ཐམས་ཅད་སྙིང་གར་གཞུག་།མཉམ་པ་ཉིད་ཀྱི་གནས་འདུག་ན། །ལུས་ཀྱིས་ཇི་ཙམ་བསྐྱོད་པ་དང་། །ཚིག་ཏུ་རབ་ཏུ་འཕྲོ་བའི་རྣམས། །དེ་དག་སྔགས་དང་ཕྱག་རྒྱར
44a4 འགྱུར། །རྟག་ཏུ་བསྒོམ་པའི་སྦྱོར་བས་ནི། །དེ་ལ་སེམས་དཔའི་གཞན་མ་ཡིན། །རྣལ་འབྱོར་ངོ་བོ་གཟུགས་ཅན་ལ། །ལྷ་མོ་རྣམས་ཀྱང་དེ་ལ་འཛིན། །དབང་པོ་ལམ་དུ་གང་གྱུར་པ། །དེ་དང་དེ་ཡི་ངོ་བོ་དག་།ཤིན་ཏུ་མཉམ
44a5 གཞག་སྦྱོར་བས་སུ། །བདག་ཉིད་ལྷག་པའི་ལྷར་བྱའོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་ལྷའི་ལེའུ་སྟེ་ལྔ་པའོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་སྐུ་དང་གསུང་དང་ཐུགས་རྡོ་རྗེའི་དེ་བཞིན་གཤེགས
44a6 པ་ལ་དེ་བཞིན་གཤེགས་པ་ཐམས་ཅད་དང་། །བྱང་ཆུབ་སེམས་དཔའ་ཐམས་ཅད་ཀྱིས་ཚིག་མཐུན་པར་སྒྲ་དབྱངས་གཅིག་གིས་གསོལ་བ་བཏབ་པ། བཅོམ་ལྡན་དེ་བཞིན་གཤེགས་ཀུན་གྱི། །ཡེ་ཤེས་གཅེས་པ་དྲི་མེད་པ། །བྱང་ཆུབ་སེམས
44a7 ནི་རིན་པོ་ཆེ། །བླ་ན་མེད་པ་བཤད་དུ་གསོལ། །དེ་ནས་བཅོམ་ལྡན་འདས་ལ་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པར་ཐུགས་སུ་ཆུད་ནས། བྱང་ཆུབ་སེམས་དཔའ་རྣམས་ལ་འདི་སྐད་ཅེས་བཀའ་སྩལ་ཏོ། །སེམས་ནི་ལུས
iiif viewer powered by OpenSeadragon
